2 तीमुथियुस 2:1 - गददी

¹ तीमुथियुस विस्वास मन्ज मेरै सचै आत्मिक पुत्र; जैड़ा प्रमात्मां तिजो मसीह यीशु द्धारा अनुग्रह दिन्दा तू तैस मन्ज मजबुती सोगी बणी रैह।

2 तीमुथियुस 2:1 Iomraidhean Croise

1 कुरिन्थियों 16:13

जागदै रेय्आ, विस्वास मन्ज दृढ़ रेय्आ अतै बलवन्त बणी गच्छा।

इफिसियों 6:10

आखिर मन्ज, प्रभु मन्ज अतै तसेरी शक्ति रै प्रभाव मन्ज बलवान भुन्दै गच्छा।

फिलिप्पियों 4:13

मसीह जैडा मिन्जो सामर्थ दिन्दा हा तैस मन्ज अऊँ सब कुछ करी सकदा।

1 तीमुथियुस 1:18

हे पुत्र तीमुथियुस, तियां भविष्‍यवाणी रै मुताबक जैड़ी कि पैहलै तेरै बारै मन्ज करूरी थी, अऊँ ऐह बलदा कि जैड़ी आज्ञा मैंई तिजो दितुरी हिन तिन्या जो झूठै शिक्षका रै विरोध मन्ज खरी लड़ाई लड़नै तांयै हथियार सांईयै इस्तेमाल कर।

1 तीमुथियुस 1:2

अऊँ तीमुथियुस जो ऐह लिखु करदा जैडा विस्वास मन्ज मेरा सचा आत्मिक पुत्र हा, अऊँ प्रार्थना करदा कि पिता प्रमात्मां अतै इन्दै मसीह यीशु री तरफा थऊँ तिजो अनुग्रह, दया अतै शान्ती मुळदी रेय्आ।

2 तीमुथियुस 1:1

ऐह पत्री पौलुस री तरफा थऊँ हा जैड़ा प्रमात्मैं री इच्छा रै अनुसार यीशु मसीह रा प्रेरित भूणै तांयै चुणया गो। मिन्जो कई जगह भैजु ताकि तैसा अनन्त जिन्दगी रै बारै मन्ज होरी जो दसु जैड़ा तिनी यीशु मसीह मन्ज विस्वास रै द्धारा वायदा करूरा हा।

2 तीमुथियुस 1:2

अऊँ तीमुथियुस जो ऐह लिखु करदा जैडा विस्वास मन्ज मेरा सचा आत्मिक पुत्र हा, अऊँ प्रार्थना करदा कि पिता प्रमात्मां अतै इन्दै मसीह यीशु री तरफा थऊँ तिजो अनुग्रह, दया अतै शान्ती मुळदी रेय्आ।

2 तीमुथियुस 1:7

क्ओकि प्रमात्मैं असिओ डरपोक ना बणाऊरा पर तसेरा पवित्र आत्मा इन्दै दिला जो ताकत दिन्दा हा; होरी जो प्रेम करनै तांयै मदद करदा हा अतै असिओ संयम भी दिन्दा हा।

2 तीमुथियुस 2:10

ठेरैतांये अऊँ चुणुरै मणु तांई सब कुछ सहन करदा ताकि सो भी मसीह यीशु पुर विस्वास करीके उद्धार पान अतै सो तैहा अनन्त महिमा जो पाई सकन जैड़ी सदा काल तक हा।

2 तीमुथियुस 4:17

पर प्रभु मेरा साथी रैऊ अतै मिन्जो सामर्थ दिती ताकि अऊँ सुसमाचार जो सही तरीकै प्रचार करी सकू अतै तैहा कचैहरी मन्ज सब गैर यहूदी तैतिओ हुणी सकन। तिनी मिन्जो मौत थऊँ भी बचाऊ जिन्या कोई भूखै शेरा थऊँ बचान्‍दा हा।

2 पतरस 3:18

तुहै ऐस तरीकै जिन्दगी जिय्आ ताकि तुहै इन्दै उद्धारकर्ता यीशु मसीह अतै तसेरै अनुग्रह जो होर भी ज्यादा जाणदै रेय्आ। तसेरी ही महिमा अज भी अतै युगा-युग भुन्दी रेय्आ। आमीन।