2 तीमुथियुस 1:4 - गददी

⁴ तिजो सोगी दोबारा मिलणै री मेरी बड़ी इच्छा हा, क्ओकि अऊँ तेरै तैस टैमैं रूणै जो याद करदा जैहणै अहै अलग भुएै थियै। जैहणै असु दोबारा मिलणा असु खुशी सितै भरी गाणा।

2 तीमुथियुस 1:4 Iomraidhean Croise

यूहन्‍ना 16:22

तैस तरीकै ही तुसिओ भी हालि ता दुख भूणा, पर मुँ जैहणै तूसु सोगी फिरी मुळना ता तून्दै मन खुशी सितै भरी गाणै अतै तुन्दी खुशी जो कोई तूसु थऊँ ना छिनी सकदा।

यूहन्‍ना 16:24

हालि तिकर तुहै मेरै नां सितै कुछ ना मँगू; मंगलै ता तुसिओ मुळना ताकि तुन्दी खुशी पूरी भोआ।”

चेलै रै कम 20:19

मतलब बड़ी दीनता सितै अतै आँसू बहाई-बहाई करी, अतै तियां परीक्षा मन्ज जैड़ी यहूदी री वजह थऊँ मिन्जो पुर ईच्ची पैई, अऊँ प्रभु री सेवा करदा रैऊ;

चेलै रै कम 20:31

ठेरैतांये जागदै रेय्आ, अतै याद रखा कि मैंई त्राई साला तक रोई-रोई करी हरेक जो चेतावनी दिणा ना छडु।”

रोमियो 1:11

क्ओकि अऊँ तूसु सोगी मुळन रा लालच करदा ताकि तुसिओ आत्मिक वरदाना सोगी मजबुत करी सकू, जैत सितै तुहै प्रभु पुर विस्वास मन्ज स्थिर भूच्ची गान;

फिलिप्पियों 1:8

ऐत मन्ज प्रमात्मां मेरा गवाह हा, कि अऊँ मसीह यीशु सांईं प्‍यार करीके तूसु सबी जो चाहन्दा।

फिलिप्पियों 2:26

तसेरा मन तूसु सबी मन्ज लगुरा थू, ठेरैतांये सो तूसु सोगी मिलणै जो व्याकुल रैहन्दा थू क्ओकि तुसै तसेरी बमारी रै बारै मन्ज हुणुरा थू।

1 थिस्सलुनीकियों 2:17

हे विस्वासी भाईओ, जैहणै अहै थोड़ी देरी तांई मनां थऊँ ना पर शरीरी तौर पुर तूसु थऊँ दूर भुच्‍ची गच्छुरै थियै ता अहै बड़ी लालसा सितै तूसु सोगी मिलणै री बड़ी कोशिश करी।

2 तीमुथियुस 4:21

तीमुथियुस तू सर्दी री रित लगणै थऊँ पैहलै ही चली ईणै री कोशिश करैं अतै यूबुलुस, पूदेंस, लिनुस, क्‍लौदिया अतै सब विस्वासी भाई तिजो नमस्कार करदै हिन।

2 तीमुथियुस 4:9

तीमुथियुस मिन्जो बलै झट-फट ईणै री कोशिश कर।

1 यूहन्‍ना 1:4

अतै अहै ऐह गल्ला ऐत तांई लिखदै हिन कि तुन्दी खुशी पूरी भूच्ची गच्छा।

प्रकाशित वाक्य 21:4

प्रमात्मैं तंयारी हाख्री रै सब टिपळै पूंजी दिणै, अतै ऐत थऊँ बाद मौत ना रैहणी, अतै ना शौक, ना विलाप, ना पीड़ा रैहणी अतै ऐह सब गल्ला सदा तांयै दूर भूच्ची गाणी।”

प्रकाशित वाक्य 7:17

क्ओकि मेम्ना जैडा सिंहासन रै मन्जै खडूरा तैस तंयारी रखवाली करनिआ, अतै तियां जो जिन्दगी रूपी पाणी रै झरनै बलै लेई गाणा, प्रमात्मैं तंयारी हाख्री रै सब टिपळै पूंजी दिणै”।