2 तीमुथियुस 1:3 - गददी

³ तीमुथियुस अऊँ तेरै तांयै प्रमात्मैं रा धन्यवाद करदा हा, जैस प्रमात्मैं री अऊँ शुद्ध विवेक सोगी सेवा करदा हा जिन्या मेरै स्याणै करदै थियै। दिन रात अऊँ लगातार अपणी प्रार्थना मन्ज तिजो याद करदा रैहन्दा हा।

2 तीमुथियुस 1:3 Iomraidhean Croise

लूका 2:37

अतै सो चौरासी साल थऊँ विधवा थी। सो मन्दरा मन्ज ही रैहन्‍दी थी अतै प्रमात्मां सोगी दिन रात प्रार्थना, भजन अतै व्रत करदी रैन्हदी थी

चेलै रै कम 22:3

अऊँ ता यहूदी मणु हा, जैडा किलिकिया परदेस रै तरसुस शहरा मन्ज पैदा भच्छुरा; पर ऐस नगरा रै महान गुरू गमलीएल वलै अऊँ पढुरा, अतै बापदादे री व्यवस्था जो मैंई ठीक रीति सितै सिखुरा; अतै प्रमात्मैं तांयें ऐसी धूना मन्ज थू, जिंआं तुहै अज तैहा धूना मन्ज हिन।

चेलै रै कम 23:1

पौलुसै यहूदी महासभा री कनारी टकटकी लगाई करी हेरू अतै बल्लू, “हे भाईओ, मैंई अजा तक प्रमात्मैं तांयें सचै मन सोगी जिन्दगी बिताई हा।”

चेलै रै कम 24:14

पर अऊँ तेरै सामणै ऐह मनी लैन्दा हा कि अऊँ अपणै प्रमात्मां अतै पूर्वजा री रीति पुर चलदा हा अतै जैस पंथ री ऐह बुराई करदै हिन, अतै जैड़ी गल्ला मूसा री व्यवस्था अतै भविष्‍यवक्ता री कताबा मन्ज लिखुरी हिन, तियां पुर विस्वास करदा।

चेलै रै कम 24:16

ऐत थऊँ अऊँ अप्पू भी यत्न करदा कि प्रमात्मां री कनारी, अतै मणु री कनारी मेरा विवेक सदा निर्दोष रेय्आ।

चेलै रै कम 26:4

“मेरा चाल चलन बचपन थऊँ ही अपणै मणु रै मन्जै अतै यरूशलेम सांईयै थू, ऐह सब यहूदी जाणदै हिन।

चेलै रै कम 27:23

क्ओकि प्रमात्मां जैसेरा अऊँ हा, अतै जसेरी सेवा करदा, तसेरै स्वर्गदूतै राती ईच्ची करी मिन्जो बलुरा,

रोमियो 9:1

अऊँ मसीह मन्ज सच बलदा, अऊँ झूठ ना बल्लू करदा अतै मेरा विवेक भी पवित्र आत्मा मन्ज गवाही दिन्दा हा,

2 कुरिन्थियों 1:12

क्ओकि अहै ऐसा गल्ला पुर घमण्ड़ करदै हिन कि इन्दा विवेक साफ हा। संसार मन्ज अतै विशेष करीके तून्दै मन्जै, इन्दा चरित्र प्रमात्मैं योग्य ऐसी पवित्रता अतै सच्चाई सोगी थू, जैडा संसारिक ज्ञान सितै ना पर प्रमात्मैं री कृपा सितै भुआ।

गलातियों 1:14

अतै अपणै मतै सारै जाती भाई जो जैड़ै कि मेरी उमरा रै थियै तिन्या थऊँ ज्यादा बढीकरी अऊँ अपणै बाप-दादै री शिक्षा जो सिखदा अतै पालन करदा थू।

इफिसियों 1:16

अऊँ लगातार तूसु तांई प्रमात्मैं रा धन्यवाद करदा अतै अपणी प्रार्थना मन्ज याद करदा रैहन्दा।

1 थिस्सलुनीकियों 3:10

अहै रोज बड़ी ही प्रार्थना करदै हिन कि तूसु सोगी मिलन अतै तुसिओ विस्वास मन्ज होर मजबुत करन।

1 तीमुथियुस 1:19

यीशु मसीह मन्ज अपणै विस्वास जो बणाई रख अतै विवेक जो शुद्ध रख कुछ मणुऐ अपणै विवेक रै विरोध मन्ज जाणी बूझी करी कम करू जठेरी वजह थऊँ तंयारा विस्वास टूटी गो।

1 तीमुथियुस 1:5

कुल मलाई करी मेरी आज्ञा रा निचोड़ ऐह हा कि खरै मनां सितै अतै खरी विवेक सितै अतै निष्‍कपट विस्वास सितै प्रेम पैदा भोआ।

1 तीमुथियुस 5:5

जैड़ी विधवा हिन अतै जयांरा कोई ना भोआ सो प्रमात्मैं पुर उम्मीद रखदी हिन अतै रात-दिन बिनती अतै प्रार्थना मन्ज लौलीन रैहन्‍दी हिन।

2 तीमुथियुस 1:5

मिन्जो तैस निष्‍कपट विस्‍वासा री याद इन्दी हा जैडा तेरी ननी लोइस अतै तेरी माँ यूनीके मन्ज थू अतै मिन्जो ऐसा गल्ला रा पक्का पता हा कि तिजो मन्ज भी सो ही विस्वास हा।

2 तीमुथियुस 3:15

बचपना थऊँ ही तिजो पवित्रग्रन्था री सच्चाई सखाई गच्छुरी हा जैत सोगी तिजो सो अक्ल मुळुरी हा कि तू उद्धार पाई सकदा हा जैडा कि मसीह यीशु पुर विस्वास करनै थऊँ मिलदा हा।

इब्रानियों 13:8

यीशु मसीह कदी ना बदलिन्दा सो कल अज अतै युगा-युग अक्क जिन्‍ना हा।