1 तीमुथियुस 3:3 - गददी

³ पियक्कड़ या मार-कुटाई करनै बाळै ना भोआ बल्कि नर्म दिल अतै झगड़ालू ना भोआ अतै ना ही लोभी भोआ।

1 तीमुथियुस 3:3 Iomraidhean Croise

मत्ती 21:13

अतै तिनी बल्लू, “पवित्रशास्त्र मन्ज लिखुरा कि, ‘मेरा मन्दर प्रार्थना करनै री जगह भुणीआ’; पर तुहै ऐह डाकू रा खोह बणाई दितुरा।”

चेलै रै कम 20:33

मैंई कसी रै चाँदी, सोनै या कपड़ै रा लालच ना करू।

रोमियो 16:18

क्ओकि ऐसै मणु इन्दै प्रभु मसीह री ना पर अपणी जिन्दगी री इच्छा जो पुरा करदै हिन; अतै चिकनी चुपड़ी गल्ला सितै सिधै-सादै मना रै मणु जो भकाई दिन्दै हिन।

इफिसियों 5:18

अतै शराब रै मतवाळै मत बणा कजो कि ऐतिओ पी करी लुचपन भुन्दा, पर पवित्र आत्मा मन्ज परिपूर्ण भुन्दै गच्छा।

1 थिस्सलुनीकियों 5:14

हे विस्वासी भाईओ अहै तूसु सोगी बिनती करदै हिन कि जैड़ै ठीक चाल ना चलदै तियां जो चेतावनी देय्आ, डरफ़ोक जो हिम्मत देय्आ, आत्मिक रूपा थऊँ कमजोरा जो सम्भाळा अतै सबी सोगी सब्र सोगी व्यवहार करा।

1 तीमुथियुस 3:8

तियां ही सेवका जो भी आदर योग्य भूणा चहिन्दा सो दोरंगै, पियक्कड़, अतै नीच कमाई रै लोभी ना भून।

2 तीमुथियुस 3:2

कजो कि मणु स्‍वार्थी, लोभी, डींगमार, घमण्‍ड़ी, निन्दा करनै बाळै, माँ पिता री आज्ञा जो टालनै बाळा, जैड़ा धन्यवादी निय्आ, अपवित्र,

तीतुस 1:11

ऐसै मणु जो शिक्षा दिणै रा मौका मत देय्आ क्ओकि जैहणै सो ऐस तरीकै री गल्ला सखान्दै हिन जैड़ी ना सखाणा चहिन्दी ता सो कई परिवारा रै विस्वास जो नाश करदै हिन। सो ऐसा ठेरैतांये करदै हिन कि सो पैसा कमाई सकन।

तीतुस 1:7

स्याणै विस्वासी प्रमात्मैं रै घरानै रा भण्डारी भूणै रै नातै सो निर्दोष भूणा चहिन्दा, सो घमण्‍ड़ी ना भोआ, ना गुस्सै बाळा भोआ, ना पियक्कड़ भोआ, ना लड़ाई करनै बाळा भोआ, ना नीच कमाई रा लोभी भोआ।

तीतुस 2:3

इन्‍नी साहबै बजुर्ग जनानी जो सखा कि तंयारा चाल-चलन पवित्र मणु सांईयै भोआ, दोष लाणै बाळी अतै पियक्कड़ ना भून पर खरी गल्ला सखाणै बाळी भून।

तीतुस 3:2

तिन्या जो ऐह सखा कि सो कसी जो बदनाम मत करा, घुळ-घळाटी मत करा, पर तंयारा स्वभाव रूआं साई भोआ अतै सबी मणु सोगी बड़ी नम्रता सोगी रेय्आ।

इब्रानियों 13:5

अपणी जिन्दगी जो पैसै रै प्रेम थऊँ दूर रखा, जैडा कुछ तूसु बलै हा तैत मन्ज ही खुश रेय्आ क्ओकि प्रमात्मैं अप्पू ही बल्लुरा हा कि “मुँ तुसै कदी भी ना छड़णै हिन अतै ना कदी त्यागणै हिन।”

याकूब 4:1

तूसु मन्ज लड़ाई-झगड़ा कठी थऊँ आये हिन? कै तियां स्वार्थीपन या दुष्‍ट शैतान री अभिलाषा थऊँ ना हिन जैड़ै कि तून्दै दिला मन्ज हिन?

1 पतरस 5:2

कि प्रमात्मां कलीसिया रै विस्वासी री, जैडा तूसु मन्ज हा रखवाली करा; अतै ऐह दबाव थऊँ ना पर प्रमात्मैं री मर्जी रै अनुसार खुशी सोगी, अतै नीच कमाई तांयें ना पर मन लगाई करी।

2 पतरस 2:3

ऐह झूठै शिक्षक बड़ै लालची भूणै अतै इन्या तुसिओ झूठी कहाणी बली करी धोखा दिणा ताकि तूसु थऊँ पैसा लेई सकन। प्रमात्मैं पैहलै थऊँ ही फैसला करूरा थू कि तिन्या जो सजा दिणी हा अतै सो तैयार हा तिन्या जो नाश करनै तांयै।

यहूदा 1:11

हाय हा तियां पुर! कि तिन्यै आदम रै पुत्र कैन सांईयै बुरा व्यवहार करू जिनी अपणै भाई जो मारी दितुरा थू। तिन्यै बिलाम सांईयै जल्दी मन्ज सो ही गलती करी अतै मणु जो पैसा कमाणै तांयै पाप करनै मन्ज अगुवाई करी। जिन्या कोरह नाश भूआ क्ओकि तिनी मूसा रै विरोध मन्ज विद्रोह करू, इन्या मणु रा भी ऐस तरीकै नाश भूणा हा क्ओकि ऐह प्रभु रै विरोध मन्ज विद्रोह करू करदै हिन।

प्रकाशित वाक्य 1:9

अऊँ यूहन्‍ना तून्दा विस्वासी साथी जैड़ा मसीह रै दुखा मन्ज तूसु सोगी सहभागी हा अतै प्रमात्मैं रै राज्य अतै तैस दुखा मन्ज भी जैतिओ अहै धीरज सोगी सैहन्दै हिन। मिन्जो प्रमात्मैं रै बचन रा प्रचार अतै यीशु री गवाही री वजह थऊँ पतमुस नां रै टापू मन्ज अक्क कैदी बणाई करी भैजु।