1 तीमुथियुस 3:2 - गददी

² ता जरूरी हा कि अध्यक्ष निर्दोष भोआ सो अक्की ही घरावाळी रा घरावाळा, संयमी, सुशील, सभ्‍य, मेहमान नमाजी करनै बाळा अतै सखाणै मन्ज लाईक भोआ,

1 तीमुथियुस 3:2 Iomraidhean Croise

लूका 1:6

जकरिया अतै इलीशिबा प्रमात्मैं रै सामणै बड़ै ही धर्मी थियै, अतै तसेरी सबी आज्ञा अतै व्यवस्था पुर सिधै मना सितै चलदै थियै।

लूका 2:36

अशेरा रै गोत्रा थऊँ फनूएल नां रै अक्की मणु री कुल्ळी जसारा नां हन्ना थू, भविष्‍यवक्ता थी। सो बुढ़ी भूच्ची गछूरी थी। तैसै सता साल तिकर ही सुहाग करूरा थू।

रोमियो 12:13

पवित्र मणु जो जैडा कुछ जरूरी भोआ, तैत मन्ज तंयारी मदद करा; मेहमान नमाजी करनै मन्ज लगी रेय्आ।

फिलिप्पियों 2:15

ताकि तुसै निर्दोष अतै भोळै-भाळै भुच्‍ची करी टेढै अतै हठिलै मणु मन्ज प्रमात्मैं री निष्कलंक औलाद बणी रैहन। क्ओकि तुसै जिन्दगी रा बचन लेई करी ऐसा दुनिया रै मणु मन्ज जग-मग करदै अम्बरा रै तारै सांईयै हिन।

1 तीमुथियुस 3:12

सेवक अक्की घरावाळी रै ही घरवाळै भून अतै बाल बच्चै अतै अपणै परिवार रा खरा प्रबन्ध करना जाणदै भून।

1 तीमुथियुस 3:8

तियां ही सेवका जो भी आदर योग्य भूणा चहिन्दा सो दोरंगै, पियक्कड़, अतै नीच कमाई रै लोभी ना भून।

1 तीमुथियुस 4:3

ऐस तरह रै मणु ऐह सखान्दै हिन कि बैह करना गलत हा अतै कुछ तरह रा खाणा खाणा भी गलत हा, पर प्रमात्मैं खाणै जो सब चिजा बणाऊरी हिन जैतिओ विस्वासी जैड़ै सच्चाई जो जाणी चुकुरै हिन धन्यवाद री प्रार्थना करीके खाई सकदै हिन।

1 तीमुथियुस 5:10

खरै कम करनै मन्ज तसारा नां भोआ, जिन्यै बच्चै रा लालण-पालन करूरा भोआ, परौणै री सेवा करूरी भोआ, पवित्र मणु रै पैर धोऊरै भून, दुखी मणु री मदद करूरी भोआ अतै हरेक भल्‍लै कमां मन्ज मन लगऊरा भोआ।

1 तीमुथियुस 5:22

कसी मणु रा चरित्र जाणै बगैर तैसिओ स्याणा विस्वासी बनाणै तांयै तोळै तैस पुर हथ मत रखदा ना ता तुद भी तसेरै पापा मन्ज भागीदार भूच्ची गाणा। अपणा ध्यान रख कि तू ऐस तरीकै रा पाप ना करा।

1 तीमुथियुस 5:9

तैसा विधवा रा ही नां विधवा री गिणती मन्ज ईणा चहिन्दा जैड़ी कि सठा साला थऊँ ज्यादा भोआ अतै अक्की ही घरवाळै री घरावाळी रैई भोआ।

2 तीमुथियुस 2:24

अतै प्रभु रै दासा जो झगड़ालू ना भूणा चहिन्दा पर सबी सोगी नर्म अतै बचन री शिक्षा दिणै मन्ज निपुण अतै सहनशील भोआ।

तीतुस 2:2

बजुर्ग मणु जो सखा कि सो संयमी भून आदर योग्य भून अतै बुद्धिमानी सोगी जिन्दगी बीताणै बाळा भूणा चहिन्दा। तंयारा विस्वास खरा भूणा चहिन्दा अतै प्‍यार अतै धीरज सोगी भरूरै भूणा चहिन्‍दै।

इब्रानियों 13:2

ऐह ध्यान रखा कि अनजाण मणु रा भी अपणै घरै स्वागत करा, इन्या करनै सितै कुछ मणुऐ अनजाणै मन्ज स्वर्गदूता रा भी अपणै घरा मन्ज स्वागत करू हा।

इब्रानियों 3:14

अगर अहै अन्त तक बफादार हिन अतै जियां अहै शुरू मन्ज प्रमात्मैं पुर भरोसा करू तियां ही बणी रैहन ता अहै तियां सबी चिजा रै भागीदार भूणै जैड़ी मसीह री हिन।

1 पतरस 4:7

सबी गल्ला रा अन्त झट भूणै बाळा हा; ठेरैतांये संयमी भूच्ची करी प्रार्थना तांयें चौकनै रेय्आ।

1 पतरस 4:9

बिना कुड़कुड़ाए अक्की दूये रा अतिथी सत्कार करा।

1 पतरस 5:8

चौकनै रेय्आ अतै जागदै रेय्आ; क्ओकि तून्दा वरोधी शैतान गर्जनेवाळै शेरा सांईयै ऐसा खोज मन्ज रैहन्दा कि कस जो फाड़ी खा।