1 तीमुथियुस 2:4 - गददी

⁴ प्रमात्मां ऐह चाहन्दा कि सबी मणु रा उद्धार भोआ अतै सो सच्चाई जो भली भाँति पछैणी लैन।

1 तीमुथियुस 2:4 Iomraidhean Croise

मत्ती 28:19

ठेरैतांये तुहै गच्छा अतै, सब जाति रै मणु जो चेला बणा तियां जो पिता, पुत्र अतै पवित्र आत्मा रै नां रा बपतिस्मा देय्आ,

मरकुस 16:15

यीशुऐ तियां सितै बल्लू, “तुहै पूरी दुनिया मन्ज गिचीकरी सबी मणु जो सुसमाचार प्रचार करा।

लूका 1:77

ताकि तसेरै मणु जो उद्धार पाणै रा ज्ञान देआ जैडा कि तंयारै पापा री माफी थऊँ भुन्दा हा।

लूका 14:23

मालकै फिरी नौकरा जो बल्लू, “सड़का अतै बगड़ी री कनारी गच्छा अतै मणु जो जबरदस्ती ही मेरै घरा जो हैदी लैईआ ताकि मेरा घर भरी गच्छा।

लूका 24:47

अतै यरुशलेम थऊँ लेई करी सारै देशा मन्ज पापा थऊँ मन फेरनै अतै पापा री माफी रा संदेश रा सुसमाचार तसेरै ही नां लेई करी हुणाया गाहणा।

यूहन्‍ना 14:6

यीशुऐ बल्लू, “रस्ता अतै सच्चाई अतै जिन्दगी अऊँ ही हा; बिना मेरै कोई पितै बलै ना गिच्ची सकदा।

यूहन्‍ना 17:17

सच्चाई सोगी तियां जो पवित्र कर तेरा बचन सच्चाई हा।

यूहन्‍ना 6:37

सो सब जैडा पिता मिन्जो दिन्दा मिन्जो बलै ईन्दा, अतै जैस कसी मिन्जो बलै ईणा तैस जो मुँ सदा अप्पू बलै रखणा।

रोमियो 11:14

ताकि ऐसा सेवा रै जरियै अपणै यहूदी मणु मन्ज जलन पैदा करवाई करीके तियां मन्ज कईआ रा उद्धार करवाई सकू।

1 तीमुथियुस 4:10

अहै मेहनत अतै यत्न ऐत तांई ही करदै हिन कि इन्दी उम्मीद तैस जिन्दै प्रमात्मैं पुर हा जैडा सबी मणु रा अतै खास करी विस्वासी रा उद्धारकर्ता हा।

2 तीमुथियुस 2:25

सो सच्चाई रै विरोधी जो नर्म भूच्ची करी समंझा, भूच्ची सकदा हा कि प्रमात्मां तंयारै मना जो बदला अतै सो सच्चाई जो जाणी लैन।

2 तीमुथियुस 3:7

ऐसी जनानी कुछ ना कुछ नोई नोई गल्ला सखांदी ता रैहन्‍दी हिन पर मसीह री शिक्षा री सच्चाई जो ना सीखी पान्दी।

तीतुस 1:1

ऐह पत्री पौलुस री तरफा थऊँ तीतुस जो हा जैड़ा प्रमात्मैं रा दास अतै यीशु मसीह रा चुणुरा प्रेरित हा। प्रमात्मैं अपणै चुणुरै मणु मन्ज विस्वास रा प्रचार करनै तांयै मिन्जो चुणु अतै भैजु कि अऊँ तिन्या जो सखाऊ अतै सो जाणी सकन कि किन्या धर्मी जिन्दगी जीणा चहिन्दी हा।

तीतुस 2:11

प्रमात्मैं रा अनुग्रह सबी मणु पुर प्रकट हा जैडा कि सबी रै उद्धार री व्जहा हा।

इब्रानियों 10:26

अगर अहै सच्चाई जो जाणनै थऊँ बाद जाणी-बूझी करी पापा करदै रैहन, ता फिरी कोई बलिदान निय्आ जैड़ा इन्दै पापा जो दूर करी सकदा हा।

याकूब 3:14

पर अगर तुसै अपणै-अपणै मनां मन्ज कड़वापन रखदै अतै खुदगर्ज हिन ता ऐसा सच्चाई रा इन्कार मत करदै अतै ना ही झूठ बल्लै।

2 पतरस 3:9

प्रभु अपणै वायदै जो पुरा करनै तांयै देर ना करदा जिन्या कुछ मणु समझदै हिन। ना ऐसा निय्आ सो तूसु तांयै धीरज सोगी भाळ करदा हा। सो ऐह ना चाहन्दा कि कोई भी मणु नाश भोआ पर चाहन्दा हा कि सबी मणु जो पापा थऊँ मनां फेरनै रा मौका मुळा।

2 यूहन्‍ना 1:1

ऐह पत्री यूहन्‍ना री तरफा थऊँ हा जैडा विस्वास मन्ज स्याणा हा। अऊँ ऐह पत्री तैहा जनानी अतै तसारै बच्चै जो लिखु करदा जैड़ी कि प्रमात्मैं द्वारा चुणुरी हा अऊँ सच्चाई सितै तिन्या सोगी प्‍यार करदा हा अतै सो सब भी तूसु सोगी प्रेम करदै हिन जैड़ै सच्चाई जो जाणदै हिन।

प्रकाशित वाक्य 14:6

फिरी मैंई अक्क होर स्वर्गदूता जो अम्बरा मन्ज ऊड़दै हेरू, जैस वलै धरती पुर रैहणैवाळै री हरेक जाति, कुल, भाषा, अतै मणु जो हुनाणै तांयें सनातन सुसमाचार थू।