1 तीमुथियुस 2:3 - गददी

³ ऐस तरीकै री प्रार्थना इन्दै उद्धारकर्ता प्रमात्मैं जो खरी लगदी अतै भान्‍दी भी हा।

1 तीमुथियुस 2:3 Iomraidhean Croise

लूका 1:47

मेरी आत्मा मेरा उद्धार करनै बाळै प्रमात्मैं मन्ज खुश हा,

रोमियो 14:18

जैडा कोई ऐसा रीति सितै मसीह री सेवा करदा हा, सो प्रमात्मैं जो खरा लगदा अतै मणु मन्ज भी ग्रहण योग्य ठहरदा हा।

फिलिप्पियों 1:11

अतै तैस धर्मी चरित्र सोगी तुहै बढ़दै रेय्आ जैड़ा कि यीशु मसीह री व्जहा थऊँ तून्दै अन्दर पैदा भुआ, ऐत थऊँ प्रमात्मैं री महिमा अतै स्तुति भुन्दी रेय्आ।

फिलिप्पियों 4:18

मिन्जो बल्लै ता सब कुछ हा, बल्‍की उम्मीद थऊँ भी ज्यादा हा, जैड़ी चिजा तुहै भाई इफ्रदीतुस रै हथै भैजुरी थी तियां जो पाई करी अऊँ तृप्त भुच्‍ची गो हा, सो ता खुशबुदार अतै ग्रहण करनै योग्य बलिदान हा जैडा कि प्रमात्मैं जो खरा लगदा हा।

कुलुस्सियों 1:10

ताकि तून्दा चाल-चलन प्रभु रै मुताबक भोआ ता तूसु प्रमात्मैं जो हर तरीकै खुश करी सकणा। तुहै हर किस्‍मां रै भलै कम करदै रेय्आ, अतै प्रमात्मैं रै ज्ञान मन्ज बढ़दै गाणा।

1 थिस्सलुनीकियों 4:1

मेरै विस्वासी भाईओ तूसु सितै ऐह बिनती हा अतै प्रभु यीशु मन्ज अहै तुसिओ ऐह समझान्‍दै हिन। जिआं तुसै असु थऊँ खरी चाल चलना अतै प्रमात्मैं जो खुश करना सिखुरै हिन अतै जिआं तुसै चलदै भी हिन तियां होर अगो बधदै गच्छा।

1 तीमुथियुस 1:1

ऐह पत्री पौलुस री तरफा थऊँ हा जैड़ा यीशु मसीह रा प्रेरित हा जैसिओ प्रमात्मैं इन्दै उद्धारकर्ता अतै यीशु मसीह रै द्धारा नियुक्त करू जैड़ा असिओ उम्मीद दिन्दा हा।

1 तीमुथियुस 4:10

अहै मेहनत अतै यत्न ऐत तांई ही करदै हिन कि इन्दी उम्मीद तैस जिन्दै प्रमात्मैं पुर हा जैडा सबी मणु रा अतै खास करी विस्वासी रा उद्धारकर्ता हा।

1 तीमुथियुस 5:4

अतै अगर कसकि विधवा रै बच्चै अतै पोत्रु-धयोत्रु भून ता सो अपणै ही घरानै सितै भक्ति रा वर्ताव करन अतै अपणै माता-पिता री देखभाल करन जिन्या तसारै बचपना मन्ज माता-पिता करूरा थू, क्ओकि ऐह ही प्रमात्मैं जो खरा लगदा।

2 तीमुथियुस 1:9

प्रमात्मैं इन्दा उद्धार करूरा हा अतै अक्क पवित्र जिन्दगी जिणै तांयै असिओ हैदुरा हा। प्रमात्मैं ऐह ठेरैतांये ना करू कि अहै ठेरै काबल थियै पर ऐह तसेरी संसार रै पैहलै थऊँ ही ऐह योजना थी कि सो असिओ मसीह यीशु रै द्धारा अपणै अनुग्रह जो दसा।

इब्रानियों 13:16

पर भलाई करा अतै जरूरत मंद मणु सोगी अपणी चिजा जो बड़ा, क्ओकि प्रमात्मां इन्‍नै जिन्‍नै बलिदान थऊँ खुश भुन्दा हा।

1 पतरस 2:20

क्ओकि अगर तुहै अपराध करीके घूसै खान अतै धीरज रखन, ता ऐत मन्ज कै बड़ी गल्ल हा? पर अगर भला कम करीके दुख उठान अतै धीरज रखन, ता ऐह प्रमात्मैं जो खरा लगदा हा।

1 पतरस 2:5

अतै जियां मणु पत्थरा सितै घर बणांदा, तियां ही प्रमात्मां सब विस्वासियों जोडु करदा कि अक्क ऐसा भवन बणा जैस मन्ज पवित्र आत्मा वास करी सकी। सो ऐसा ठेरैतांये करू करदा हा ताकि तुहै सब तियां याजका सामणै जैडा बलिदान चढांदै थियै, खरै कम्मा जो करी सकन क्ओकि यीशु मसीह असु सबी तांयै अपणी जान दितुरी हा।