1 तीमुथियुस 2:2 - गददी

² राजा अतै सबी ऊचै औह्दै बाळै तांई प्रार्थना करा ताकि अहै शान्ती री जिन्दगी बताई सकन जिन्या कि अहै प्रभु री आराधना करू करदै हिन।

1 तीमुथियुस 2:2 Iomraidhean Croise

लूका 1:6

जकरिया अतै इलीशिबा प्रमात्मैं रै सामणै बड़ै ही धर्मी थियै, अतै तसेरी सबी आज्ञा अतै व्यवस्था पुर सिधै मना सितै चलदै थियै।

लूका 2:25

यरूशलेम मन्ज शिमौन नां रा अक्क मणु बड़ा धर्मी अतै भक्त थू। सो पवित्र आत्मा सितै भरूरा थू। सो इस्त्राएल रै मणु रा छुटकारा दिणैबाळै मसीहा जो भाळू करदा थू।

चेलै रै कम 10:22

तिन्यै बल्लू, “कुरनेलियुस सुबेदार जैडा धर्मी अतै प्रमात्मैं थऊँ डरनैवाळा अतै सब यहूदी जाति मन्ज सुनाम मणु हा, तिनी अक्क पवित्र स्वर्गदूता रा दर्शन पाऊ हा कि तिजो अपणै घरा मन्ज हैदी करी बचन हुणा।”

चेलै रै कम 24:16

ऐत थऊँ अऊँ अप्पू भी यत्न करदा कि प्रमात्मां री कनारी, अतै मणु री कनारी मेरा विवेक सदा निर्दोष रेय्आ।

रोमियो 12:18

जैड़ी तक भूच्ची सका, तुहै भरसक सब मणु सोगी मेल मिलाप रखा।

फिलिप्पियों 4:8

आखिर मन्ज, हे भाईओ, जैड़ी-जैड़ी गल्ला सच हिन, जैड़ी-जैड़ी गल्ला आदर-मान जोगी हिन, जैड़ी-जैड़ी गल्ला ठीक हिन, जैड़ी-जैड़ी गल्ला पवित्र हिन, जैड़ी-जैड़ी गल्ला छैळ हिन, जैड़ी-जैड़ी गल्ला मनां जो भान्‍दी हिन, आखरी, जैड़ी-जैड़ी खरै गुणा बाळी अतै प्रशंसा योग्य हिन तियां पुर ही मन लगाऊ करा।

1 थिस्सलुनीकियों 4:11

जिआं कि अहै तुसिओ आज्ञा दितुरी हा कसी जो परेशान ना करना, कसी रै कमा मन्ज दखल ना दिणा अतै अपणै-अपणै हथा सितै कमाणै री कोशिश करा।

इब्रानियों 12:14

सबी सितै मेल-मिलाप रखा अतै पवित्र जिन्दगी जिणै री कोशिश करा, जठेरै बिना कोई भी प्रभु जो कदी ना हेरी सकदा।