Wənməkkpaŋga 8:35 - Bible en Guidar

³⁵ Vi ɗəf an dərəhu na, arahək zeŋgile, arahək kinenek aza Yawe.

Wənməkkpaŋga 8:35 Iomraidhean Croise

Wənməkkpaŋga 1:33

Ya ɗəf an dəprəm əpel nawa, wasan kiyən foŋgo, nzeŋge, faraɗa səza geslne na tatwahã.»

Wənməkkpaŋga 12:2

Ɗəf məgəɗ moggon na, warah kinenek ava Yawe; ɗəf məgəɗ vurum na, watawwən akani.

Wənməkkpaŋga 18:22

Ɗəf dərah gulku, arahək əzaɓa. Kinenek arah səva Yawe.

Wənməkkpaŋga 3:22

Wassoŋ ka ənziya egge noko gəm zəzay sən mawəloko.

Wənməkkpaŋga 3:4

Asna wakərah kineneke gəm əsən əsla zuk lew ama hara Maŋgəlva də ɗəf titir pakə.

Wənməkkpaŋga 4:13

Arma əyaka, dədək adaɗɗuk ɓa; azgə sləma akani, vi ndəni ənziya egge noko.

Wənməkkpaŋga 4:22

Vi zeŋgileŋ azet ɗiy en dərihini, əmbla yi aka gəɓa zit pakə.

Wənməkkpaŋga 9:6

Məppan əssa tiɓiɓ-tiɓiɓi, məssoŋ madorokum, mədaw aka tive na əsəna.»

Məsmaɗula 7:12

Vi əssa ara zeŋgile na maɗɗula tay va əssa ara zeŋgile na dala. Ərəh na əsəna ndəni maɗɗula məzərma ənziya egge na ɗəf məs dəndəni.

Yohanna 14:6

Yesu azlan sən na: Naw, intə tive, gegesiŋ gəm zeŋgile. Ɗəf tay nawmbat aza Afən an də iyni ɓa ɓa.

Yohanna 17:3

Zeŋgile an faɗə, ndəni dəsənkungən na istə kaka' Maŋgəlva an gesiŋ gəm Yesu Kristu məs kəslənə.

Yohanna 3:16

Vi vaski Maŋgəlva aŋgluwək dəlva. Ndəni apsən Wətən an karmalay. Vi ɗəf məs dətaf pak adawza ɓa, dərahgən zeŋgile an faɗə.

Yohanna 3:36

Ɗəf məs dətaf Wətən pak tay də zeŋgile nassa faɗ səkayə. Ɗəf məs dəppan makran sən Wətən ɓa pak, awla na zeŋgile ɓa, ya ədagədəv na Maŋgəlva tay akani.

Efesus 1:6

Ka məɗigən ki gagdak na mbəlembəle nan məs aknəhəm dəndən də Wətən an na makrani.

Filipi 3:8

Arbək na, in tat ula zəga pak ɗarə, vi nərahək zəga an na sləma dayə: Əsən Kristu Yesu Daya nawa. Aka batamni nətaf əzgan zəga pakə, in tat ula zəga pak va dagərgiya ɗarə, ka nərahgən Kristu.

Kolosi 3:3

Kəmtaŋka ya zeŋgilokum tay məɗaman də Kristu aza Maŋgəlva.