Wənməkkpaŋga 8:15 - Bible en Guidar

¹⁵ Də iyni milyeŋge adawzəmaŋ məlyã, may mətawaŋwən adarbanən əɗɗa təstəsə.

Wənməkkpaŋga 8:15 Iomraidhean Croise

1Milyeŋge 10:9

Soko sən Yawe Maŋgəlva nok məs dənnek də is nawɗiyuk aka mazaŋga na məlĩ na Israyel; vi Yawe aŋgluwək Israyel hã faɗə, ndəni aɗiyuk ka məlĩ vi kaɗɗa zəga də tiven təstəsə.»

1Milyeŋge 3:28

Mə Israyelɗe dəwənnet aprəmənək va məlĩ ataw wəna, ageslne'eŋ sənənək məlyã, awlanənək na, maɗɗula na Maŋgəlva yi addəvən nawtaw wəna.

1Milyeŋge 3:9

Apsən maɗɗula naprəm sən gawla noko, vi kawtawwən net ɗiy noko, kawgo'on moggon də mbərayni; vi naway nawɓap wətawwən net ɗiy nok diyɗeŋ di?»

1Milyeŋge 5:7

Deyeɗe na bərzləŋna-kivadələv dədawkiyaŋ əzəm sən məlĩ Salomoŋ dit ɗiy en məzəmaŋ ana məlĩ Salamoŋ da pakə. Ɗəf pak də təla nani, zəga tay adappaŋ dəkkpapgən ɓa.

1Alabaraɗe Də Mabərkiziti 28:5

Səret kirtu pakə, vi Yawe avayək kirin diyɗa, awel Salomoŋ wətu dəsangən aka mazaŋga na məlĩ na Yawe, aka Israyel.

2Alabaraɗe Də Mabərkiziti 1:10

Avay maɗɗula gəm əsəna, ka nəsəngən ədawgit ɗiyiŋki. Vas ɓa na, naway nawɓap əzəm məlĩ aket ɗiy nokiŋ gbeŋkiŋ di?»

2Alabaraɗe Də Mabərkiziti 1:11

Maŋgəlva aɓsən Salomoŋ na: «Adan aski dəsan a mokroko, kəssõh arya ɓa, ərəh ɓa, gagdak ɓa, may meseŋgiɗuk dəmtaŋgə ɓa, may ənziya nok egge diyɗa ɓa; maɗɗula də əsəna kəŋgələ vi kadawgit ɗiy naw məs nəɗiyuk ka məlĩ aketi.

Gəlyaɗe 2:10

Ya kakaŋ na milyeŋge, məssoŋ də maɗɗulokum; məpak sləmokum mətawaŋwən naka dəlvafuŋ!

Gəlyaɗe 99:4

Gbogboŋ na məlĩ na, əŋglu zəga də tiveni. Istə kəsɓan əssa təstəsə. Istə kəɗɗa ədaw sarra də təstəs a Israyel:

Wənməkkpaŋga 29:4

Məlĩ məgəɗ zəga də tiven na, waziwgin dəlva, məs dəŋgəl nzalaka diya diya wapiweni.

Wənməkkpaŋga 8:16

Də iyni yi deyeɗe adadawgənən dəlva, ɗiy na məlyã may mətawaŋwən na təstəs pakə.

Isaya 1:26

Wanəkkpeŋget mətawaŋwən nok va lahəŋka, gəm məzəsəɓ sukun aka ədaw nok va aka ətəŋga. Asna kawyuki Walaŋgəla-metiŋgin na təstəsə gəm Marba Walaŋgəla-metiŋ moggoni.»

Yeremiya 33:15

Aka pay nani, dəpas na, wanəgilgin zeŋve na təstəs səza Davit, waɗɗa zəga də tiven təstəs aka dəlva.

Daniyel 2:21

Ndəni dədaddəɗet əzvaɗe də paya; ndən dədaggbuk milyeŋge, ndən dədawɗiti; ndən dədapsit maɗɗula sit məsmaɗɗuleti, wəsən sit məs əsən aketi.

Daniyel 4:25

As pak arəhək məlĩ Nabukodonozor.

Daniyel 4:32

Ɗiy naka dəlvafuŋ pak dəgapaŋ zəga azan ɓa: tay əɗɗa va aŋgəl dit məzəlpaŋ na disiŋ gəm ɗiy naka dəlvafuŋgu; ɗəf tay nawɓap ətak van ɓa may nawnah sən na miy kədaɗɗaŋ di ɓa?

Matiye 28:18

Yesu adderik azeti, apel sitik dawnəh na: Gagdak pak məpsuwi sə disiŋ gəm səka dəlvafuŋ pakə.

Roma 13:1

Ɗəf pak dəɓe' sit deyeɗe na dəlva. Vi daya na dələv tay məza Maŋgəlva dəɗi ɓa ɓa. Deyeɗe na dələv pak Maŋgəlva dəɗiye.

Hənhən 19:11

Yaŋ nula disiŋ kollo, pələs babar tay adak ziwwe, ɗəf nakan dawyanən na ɗəf təstəs gəm gesiŋ. Tay ətawwən gəm əlpa va an dəslə.

Hənhən 19:16

Aka lukut nani gəm aka metetileni iya tay məverin na: Məlĩ net məlyeŋge Daya net deyeɗe.

1Samiyel 16:1

Yawe anah sən Samiyel na: «Pay gbəŋgbar kədazban əhəm ammba Sawlu əŋdi? Intə nəzgan adawsan məlĩ aka Israyel ɓa, aknəh bəbər na mẽlẽ, doko, nəslunuk ana Yesse da, mə Bet-Lehem, vi nəwələk səret kirtin məlĩ nawa.»

1Samiyel 9:17

Adan Samiyel awla Sawlu, Yawe affon səni: «Ɗəf məs nənoh suk nak yaŋka: ndən dədarma vet ɗiy nawa.»