Wənməkkpaŋga 6:3 - Bible en Guidar

³ asna an kədaɗɗa yaŋka wətuwa: amõh zuko, adan kəbətək a dagrakay va meggoko na, doko, aɓegən kizuko, ayan meggok vani.

Wənməkkpaŋga 6:3 Iomraidhean Croise

2Samiyel 24:14

Davit aɓsən Gad na: «Geslne armuwək diyɗa! Dəɗah məbət addəv va Yawe ki avet ɗiyi, vi nan awla sasãh diyɗa.»

2Alabaraɗe Də Mabərkiziti 12:5

Məskəleŋ Semaya pay aza Robo'am dit ɗiy gugriɗ na Yuda məkkelit a Yerusalem aka wən na Sisak, aɓsit na: «An Yawe adawnəh yaŋka: “Kəzgawənka! Ya naw van tam nəzgokumko addəv va Sisak.”»

2Alabaraɗe Də Mabərkiziti 36:12

Yaŋ agəɗ zəga mbərayən aba Yawe Maŋgəlva nani. Ya dəɓegən kiyən aba məskəleŋ na Yawe Yeremiya ɓa.

Gəlyaɗe 31:8

Wanəskəl dənneken zu vi moggon noko, vi kulak əzəmsahã nawa gəm kəsənək tatwãh nawa.

Əgilye 10:3

May Moyis də Aron, atoŋgoŋgək aza Farawən, anahaŋ sənən na: «An Yawe, Maŋgəlva net mə Ibriɗe anah yaŋka: Gap pay gbəŋgbar kədawɓoŋ dawɓegən kiyuk abaw di? Appet ɗiy naw dəmbataŋ əgəɗ su wəza.

Wənməkkpaŋga 6:2

kəɓrukuk kizuk də əpel na moko, kərmak kizuk də əpel na moko,

Wənməkkpaŋga 6:4

Kədappet sin əzzoŋ aroko, may horok əɗup ɓa.

Yakob 4:10

Məɓe'gən kizukum aba Daya, asna ndən sən kiyən waɓaygukum.