Wənməkkpaŋga 4:26 - Bible en Guidar

²⁶ Aziyan tive na təlko, tiveɗ nok pak dəssoŋ aka tilti.

Wənməkkpaŋga 4:26 Iomraidhean Croise

Gəlyaɗe 119:5

Kəta wədaw naw dəziw ɓəlɓələ karme əsərəkɗe noko;

Gəlyaɗe 119:59

Nəɗɗumonək ədaw nawa wanəmilgən təlu aka an kəziwgini.

Gəlyaɗe 37:23

An ədaw na ɗəf moggoni aba Yawe na, Daya wasɓan tələn addəv ədaw nani.

Gəlyaɗe 40:2

Əga naw aka Yawe nəɗiya, aɓe'ik kəlazawa, aprəmək əhəm nawa.

Wənməkkpaŋga 15:21

Dərwa, ənnek na ɗəf məza kiyən tay ɓa yi; ya ɗəf məwelen wən na, tive nan sarra addadani.

Wənməkkpaŋga 21:29

Məsdaraw haran ɓəl adawsani ya na ɗəf an təstəs na, gabba ədaw nan adaɓɓəlani.

Wənməkkpaŋga 23:19

Ya nok na wətuwa, aprəmə, asok məsmaɗɗula; adawgən mokrok aka tive.

Wənməkkpaŋga 4:25

Horok dəsan sek kəlabe, ula nok dəziw təstəs aboko.

Wənməkkpaŋga 5:21

Vi tiveɗ na ɗəf pak tahəŋ a mahara Yawe, tay əsəŋglan bataməm bayman.

Wənməkkpaŋga 5:6

Faraɗatə səza əkay tive na zeŋgile, tiveɗ nat əzaŋ məza ndət əsənən ɓa.

Ezekiyel 18:28

Awlaka, ndən buryok səka əɓoŋ nan temtem an aɓoŋgu: wasan madarani, amtə na ɓa.

Haggay 1:5

Ya kakaŋ na, Yawe Məzuɓappak amna: Məɗɗumon ənziya nokum.

Haggay 1:7

Vaŋki Yawe afən gagdak apeli: Məɗɗum moggon aka ənziya nokum.

Efesus 5:15

Məzi zukum kana, məssoŋ ɗeŋge aza ədaw nokum, məza va məs maɗɗula tay aket ɓa ɓa, məssoŋ də maɗɗula.

Efesus 5:17

Vi vaski kədassoŋ dərweŋge ɓa, ya məsən na awani əŋgla na Daya di.

1Tesaloniki 3:13

Vi dəsɓangən mokrokum, kəssoŋgən məza heslepe ɓa, salala aba Maŋgəlva Afəm pay əzza na Daya nam Yesu dit ɗiy salala nan pakə.

2Tesaloniki 3:3

Ya Daya moggoni. Wasɓokum gəm wagukum faraɗa səza Məsdaraw.

Ibriɗe 12:13

Məzban tive an moggoni, məs sarara, vi təl vədal adamsak əɗɗa ɓa, dəmbəlgəni.

1Piyer 5:10

Ya Maŋgəlva afən mbəlembəle məs dəyukum addəv gagdak an faɗ addəv Kristu wasɓokum dəvani dərɓaga sãhã məs kəzəmaŋ ənziya siɗikke; waɓɓəlokum, wapsukum gbogboŋgo, waziwgukum ɓəlɓələ.