Wənməkkpaŋga 3:7 - Bible en Guidar

⁷ Kədawɗi zuk ka məsən zəga ɓa, ageslne' sən Yawe, akkpaŋ səka mambraya.

Wənməkkpaŋga 3:7 Iomraidhean Croise

2Samiyel 12:20

Davit le' səfuŋ, ndən tek po' po' mẽl faɗ faɗə, lukutɗe nan dədəɗgiti; ndən toŋ addəv gəla na Yawe, yaŋ appu'u. Səza amil eŋgili, assohẽt dəki sənəngən waya, ndən nam namə.

Nehemi 5:15

Deyeɗe nakki vadələv en maddaabəŋ kiyu na, assoŋguk aket ɗiyi. Atafaŋgək əzəma, mbazla gəm koɓeɗ kaklaw poɗo əmpa'e səveti. Gawleɗ net tam əskanən wəlet ɗiyi. Ya naw nəgəɗ vas ɓa vi geslne na Maŋgəlva.

Ɗerewel na Yob 1:1

Aka dələv na Us na, ɗəf tay adawyaŋ na Yob. Ɗəfi məza heslepe ɓa, təstəsə, məzəgeslne sən Maŋgəlva, mənzan sən mambray yi.

Ɗerewel na Yob 28:28

Yas anah sən ɗəfa, amna: Əgeslne sən Yawe na maɗɗula yi! Wəzar faraɗa səza mambray na əsəni.

Əgilye 20:20

Moyis aɓsit ɗiy na: «Kəgeslne'eŋ ɓa! Vi kawslukumi Maŋgəlva ade, vi kəgeslne'eŋ sənəngəni, kədaɗɗaŋ mambray ɓa.»

Wənməkkpaŋga 14:16

Məsmaɗɗula məzugeslne' sən mambraya, məzəmzlah səni; dərway məzəddan kiyən foŋgo.

Wənməkkpaŋga 14:27

Geslne sən Yawe na, suwer zəŋgile yi! Vi kamzləh səka bizwil na əmta.

Wənməkkpaŋga 16:6

Də moggoni gəm də gegesiŋ ki mambray adazzəɗa; də geslne na Yawe ɗəf adamzlah sən mambraya.

Wənməkkpaŋga 23:4

Kədawyan zuk əkkal arya ɓa, appan əɗɗum akani.

Wənməkkpaŋga 26:12

Kəwələk ɗəf məzula zən va məsmaɗɗula sa? Səza dərwa kədawrəh nawtəruk day ki səzani.

Wənməkkpaŋga 26:5

Azlan sən dərwa dakadaka də vadərwa nani, vi adawla zən va məsmaɗɗula ɓa.

Wənməkkpaŋga 28:11

Məsarya ula zən na məsmaɗɗula; məssãhã məs dəsən gabba zəga wakkes nammbani.

Wənməkkpaŋga 28:26

Dəppan zən aka əɗɗum nan na, dərway yi; mədaw də maɗɗula na, nan wasan zayə.

Wənməkkpaŋga 8:13

Geslne sən Yawe na, ndəni əzel zəga mbərayən, nəzelik əkaɓa, əɓaygən-kizəɗəfa, tive na mambraya, gəm əpel net tepelkeɗi.

Məsmaɗula 12:13

Əggrak na əpele: pak aprəmka. Ageslne sən Maŋgəlva gəm aɓe' sən an apeli, vi aski wəza na ɗəf pakə.

Isaya 5:21

Əray yi azet ɗiy en məzuɗinən kiyzit va məsmaɗɗula məzulanən zit va məs əssən aketi!

Roma 11:25

Vi maw tay aka kəssoŋgən məza əsən mahaɗamaŋ ɓa milmiŋgiɗwa, vi kədawɗinən kikum va məsmaɗɗulet ɓa: kiɓəɓəl net mə israyelɗe meɓɓet wasan hã gap an ɗiy-ɗar pak atoŋgoŋko.

Roma 12:16

Məssoŋ məslerkum a walaŋ zukum, kədawkayaŋ gagdak ɓa, dəɗah mətaf wəza an məs tay də gagdak ɓa, kədawɗiyən ki zukum na va kəsənənək zəga pakə ɓa.