Wənməkkpaŋga 3:3 - Bible en Guidar

³ Moggon də gegesiŋ adazgokun ɓa, aynet awloko, aver a mokroko.

Wənməkkpaŋga 3:3 Iomraidhean Croise

2Samiyel 15:20

Na dəfɗaŋga kəde, yaŋ dəpaŋ nədagdohõk də mənam ɗar in sən kiyu nəsən təki an nədaddaw ɓa. Amili, amndeget milmiŋgiɗko. Yawe dəɗɗa suk moggon nan də wəzaɓ nani!»

Gəlyaɗe 119:11

Nərmak əpel nok a makrawa, vi nədaɗɗa mbərayən akok ɓa.

Gəlyaɗe 25:10

Tiveɗ na Yawe pak moggetiŋ gəm gegesiŋgəŋgə, azet ɗiy məzərmanən wənmiyna nani gəm əpel nani.

Gəlyaɗe 85:10

Ha'aw wəkõh nan go'oy azet məzugeslne'eŋ sənəni, vi gagdak dəsangən aka dələv namə.

Əgilye 13:9

Wasan suk zəga narba azan aka voko gəm naɗɗumoni a mirbizkum, vi Mahenziŋ na Yawe dəsangən a moko, vi də van gbogboŋgi Yawe agilguk sə Eziptə.

Əgilye 34:6

Yawe atoŋguk kəlabani, aya: Yawe, Yawe, Maŋgəlva muwəl-sasãhĩ, məgəɗ mbəlembəle, awdagədəv go' ɓa, məgəɗ moggoni gəm gegesiŋ diyɗa yi.

Wənməkkpaŋga 1:9

Wassoŋ va zəga na gawla na sləma aka kiyko gəm va everzleɗ awloko.

Wənməkkpaŋga 14:22

Minaŋ əɗɗa mambray na əza adawzaŋ ɓa sa? Ya minaŋ əɗɗa moggon na, tahəŋ də bayna gəm əziw aka gesiŋ.

Wənməkkpaŋga 16:6

Də moggoni gəm də gegesiŋ ki mambray adazzəɗa; də geslne na Yawe ɗəf adamzlah sən mambraya.

Wənməkkpaŋga 20:28

Əɗɗa moggoni gəm əzban təstəs dədawga məlyã; tay əpa' mazaŋga na məlĩ nan də əɗɗa moggoni.

Wənməkkpaŋga 6:21

Aynet paypak addəv mokroko, alew awloko.

Wənməkkpaŋga 7:3

Aynet azet kirtin voko. Aver a mokroko.

Yeremiya 17:1

Mambray net ɗiy na Yuda məverni də mabəl na təbəz ɓəɓəla. Məverni aka kalaɓ na mekreti gəm aka moho təki nawzaɓ Maŋgəlva neti.

Hose'a 4:1

Mə Israyelɗe, məprəm əpel na Yawe: Yawe tay də wən nawtaw aket ɗiy dəssoŋ aka dəlva, vi wən gesiŋ tay ɓa, moggon tay ɓa, may əsən Maŋgəlva tay aka dələv ɓa.

Malakiya 2:6

Əpel təstəs tay amani, uwawən tay ammba harzlumun ɓa. Tay ədaw də in addəv zazay gəm addəv təstəsə, amilgitik ɗiy diyɗa səddəv mbərayən.

Matiye 23:23

Əray akokum, munokum mərbaŋ-mahenziŋ dit Farisaɗe, məs muluvuluvuɗe. Munokum tat əpsənən kəlaw na zəga nokum sən Maŋgəlva səzet teɓ net zeŋgeli, teɓ na anisa, teɓ na algaru, ya munokum tat əzgətaŋ kiy wən an metiŋgin naddəv mahenziŋ əɗɗa an dəslə, də ulasahã, də ətafa. Eskiŋ zəgeɗ nazba pay pakə. Ya kədawgəsetin meɓɓet ɓa.

2Korintus 3:3

Təstəs nan na letər na Kristu kənanaŋge, məpsəm sən wəza namə, məverin məza dit iŋkile nawveri ɓa, də Əmpəs na Maŋgəlva madarani. Məverni aket kalaɓɗe net gərmeŋge yi ɓa, aket kalaɓɗe na sluwi, makra ɗəfa.

Efesus 5:9

Vi uwa na əkeɗeɗe'e: ndəni moggoni, təstəssə də gesiŋ.

Əmsak aka Mahenziŋ 6:8

kinetgin deŋ va zəga nawsən wən azan aka voko, gəm va zəga vlõh a mirbizko;

Ibriɗe 10:16

Aŋki wənmiyna məs nədayna viyti: Ɗərɓeget əvoŋɗeski Daya anahə: wanəpsit mahenziŋɗe nawa, a makreti gəm aka maɗɗulet nədawverti.