Wənməkkpaŋga 3:10 - Bible en Guidar

¹⁰ Asna mehẽɗ nok waknəhaŋ də haykəmari, mbazla na meketepe waknih mozgoyɗe nok hã əggbo' afuŋ.

Wənməkkpaŋga 3:10 Iomraidhean Croise

2Alabaraɗe Də Mabərkiziti 31:10

Azariya, daya net məsdəlveŋge, zev Sadok azlan sənka, amna: «Va mətəŋ əki əvəl dəwəlsən gəla na Yawe, mənam tat əzəm kpe' kpe'i hã məmbərək diyɗa, vi Yawe aɗɗak zazay aket ɗiy nani, an dəmbər yas kpewiska.»

2Alabaraɗe Də Mabərkiziti 31:21

Dəwəlsən an aynə naɗɗa ammba wəza na Gəla na Maŋgəlva, ammba mahenziŋ may ammbet əsəɓɗe pak na, aɗɗak də əɗɗum nawkayan Maŋgəlva nan makran taka, ndəni arəh gabba an agəɗ pakə.

Gəlyaɗe 144:13

Mahẽɗ nam məknəhit paspas dit zəgeɗ zeŋvit temtemi. Zəgeɗ memeyẽɗ nam gabal gabalɗe diyɗa adawwanən kiyti awra anamda.

Wənməkkpaŋga 19:17

Dəwəl sãhã aka məssãhã na, dəmən apsən Yawe, wapsən zəga navan.

Wənməkkpaŋga 22:9

Məzula sahã na, əzaɓ wasan akani, vi arɗəsənək way nan sən ɗəf məddakən.

Yo'el 2:24

Kelleɗe waknəhaŋ də haykəmari, mbazla na meketepe gəm mẽl waputkuroŋ sə təki nawɗotti.

Haggay 2:19

Zeŋve tay dəpəl a maha əmpa ɓa, vaski ɓa sa? Megezlembirke, sokoyo, tonzoku gəm hereme dayday duwaŋ ɓa. Ya təŋ dəpaŋka wanəɗɗa əzaɓa.»

Matiye 10:42

Ɗəf an dəpsən iŋkile zazay dayday addəv huloŋguk sən taka səmmbet muzliyeɗ nawiŋki, vi asan gawla nawa, gesiŋ nədawnah sukum: Sessel azəna dawrəh zəga na van ɓa.

Əmsak aka Mahenziŋ 14:29

Mə levi dədegini, vi nan tay də hara dələv nan də is ɓa, may molhõyõ, mitiwe, gagəbaya, na walaŋgəla-metiŋ noko, dəzəmaŋgən kpe'i, vi Yawe Maŋgəlva nok dəɗɗagən əzaɓ akok addəv an kədaɗɗa pakə.

Əmsak aka Mahenziŋ 28:8

Yawe waɗi wəzaɓ nan aket mahẽɗ nok də zəga naɗɗa na vok pakə. Waɗɗa əzaɓ nan akok aka dələv məs Yawe Maŋgəlva adapsuko.