Wənməkkpaŋga 3:1 - Bible en Guidar

¹ Wətuwa, kədazgət ki ərba naw ɓa, mokrok dərme mahenziŋɗe nawa.

Wənməkkpaŋga 3:1 Iomraidhean Croise

Gəlyaɗe 119:11

Nərmak əpel nok a makrawa, vi nədaɗɗa mbərayən akok ɓa.

Gəlyaɗe 119:153

Awla sasãhwa, abitwa, vi nəzgət ki mahenziŋ nok ɓa.

Gəlyaɗe 119:16

Zu neki dit mahenziŋɗe noko, nəzgət na ki əpel nok ɓa.

Gəlyaɗe 119:176

Slorslor nan va time məzani akayan gawla noko, vi nəzgət kiyit mahenziŋɗe nok ɓa.

Gəlyaɗe 119:34

Aprəman suwa, nərmagən mahenziŋ noko, nərmagən də makraw taka.

Gəlyaɗe 119:61

Məsdarawɗe aɓrukwənək dit helegeɗ neti, ya nəzgət ki mahenziŋ nok ɓa.

Gəlyaɗe 119:93

Nəzgət na kiyit wəsəɓɗe nok kpak ɓa, vi addəvən kədappaw ənziya.

Gəlyaɗe 91:16

wanəban də əzva, wanərban sən wəkõh nawa.

Əgilye 20:6

Ya, məzəŋgluwəni, məzərmanən an nəɗi naɗɗa, wanərban sit moggon naw hã gap sayit gabalə.

Wənməkkpaŋga 1:8

Wətuwa, aprəm əzga' na afuko, kədawzelen iyak nat mok ɓa.

Wənməkkpaŋga 16:31

Muhur babar na, mətərkiya na sləmayi, kawrəhni də əɗɗa təstəsə.

Wənməkkpaŋga 2:1

Wətuwa, an kətafək əpel nawa, gəm kərmak an nəɗi suk naɗɗa temtem avoko,

Wənməkkpaŋga 23:26

Wətuwa, aprəmu də mokrok taka, ədaw naw dəgəm horoko.

Wənməkkpaŋga 31:5

Vi an asaŋgək na, wazgətaŋ ki mahenziŋ, azgaŋ na sləma aket məzurayɗe ɓa.

Wənməkkpaŋga 4:2

Vi zəga nawsən moggon nərbə sukum, kədazganən əyak naw ɓa.

Wənməkkpaŋga 4:21

Adawzaraŋ faraɗa sə mahorok ɓa, azeɓet addəv kpukpum na mokroko.

Wənməkkpaŋga 4:5

Akayan maɗɗula, akayan əsəna, kədazgət ɓa, kədamzləh səka əpel na maw ɓa.

Wənməkkpaŋga 8:1

Askəs maɗɗula dədawya, əsən dədawslan wəlan lah ɓa sa?

Wənməkkpaŋga 9:1

Maɗula arkak gəla nani, ampek dədəkeɗ nan buhul.

Isaya 51:17

Afɗahə, afɗahə asili Yerusalem. Kəɓəsək tatwãh məs Yawe addəv ədagədəv nan aki akok hã gərakə, hã kiyuk dəwələwələ.

Yeremiya 31:33

Vi aŋki wənmiyna məs nədawziwgin dit ɗiy na Israyel dərɓaga payəska Yawe aɗiymani: Wanəɗi mahenziŋ addivti, wanəver a mekreti, wanəsaw Maŋgəlva neti, net wassoŋ ɗiy nawa.

Hose'a 4:6

Ɗiy naw azaŋka vi dəsənwən ɓa. Adan kəzganək əsəna, wanəzgoko, kəsok na məsdələv naw əmpa ɓa: kəzgətək ki mahenziŋ na Maŋgəlva noko, naw pak wanəzgət kiyit kirtuk mezeŋgleketi.

Əmsak aka Mahenziŋ 4:23

Məsla zukum kədazgətaŋ ki wənmiyna na Yawe Maŋgəlva nokum məs aynə də mənokum ɓa, ka kaɗɗa zəgakamaŋgəlva nokum aɗi sukum wən nan dawtakkum ɓa.

Əmsak aka Mahenziŋ 4:9

Ya asla zuko, aziy zuk təstəsə, vi kədazgət kiyit zəgeɗ məs horok awəliŋ ɓa; pay nanziya nok egge pak adawgilyoŋ sə mokrok ɓa. Kərban sitgin kirtuk dit dihiŋgiɗko.

Əmsak aka Mahenziŋ 5:16

Agagdakan afuk dət moko, va Yawe Maŋgəlva nok aɗi suk wən nani, vi əvoŋ nok dəzzekgəni, kənangən nek aka dələv məs Yawe Maŋgəlva nok apsuko.

Əmsak aka Mahenziŋ 5:33

Kədawaŋgən aka tive an Yawe Maŋgəlva nokum aɗi sukum wən nan pakə, vi kəssoŋgən madarokum gəm zukum neki, vi əvoŋ nokum dəzzekgin aka dələv məs kəŋglaŋ əgəm ka nokuməŋka.

Əmsak aka Mahenziŋ 8:1

Əpel na ənziya nəɗi suk wən nan dəpaŋkəŋ pak kəzgaŋgən sləma əɗɗa wəza dəndəni, vasna wakəssoŋ madarokum, wakuwanən kiykum, wakətoŋgoŋ ətaf dələv məs Yawe asway nepsit efiŋgiɗkum.