Wənməkkpaŋga 29:4 - Bible en Guidar

⁴ Məlĩ məgəɗ zəga də tiven na, waziwgin dəlva, məs dəŋgəl nzalaka diya diya wapiweni.

Wənməkkpaŋga 29:4 Iomraidhean Croise

2Samiyel 8:15

Davit azəmək məlĩ aka Israyel baymani, Davit tay əɗɗa zəga də tiven gəm təstəs sit ɗiy nan pakə.

1Milyeŋge 2:12

Salomoŋ asanək aka mazaŋga na Davit, afəni, məlĩ nan tay əgagdak diyɗa.

2Alabaraɗe Də Mabərkiziti 9:8

Soko sən Yawe Maŋgəlva noko, ndən məs dənan nek də isi vi kawɗiyuk aka mazaŋga na məlĩ nan ka məlĩ də iya Yawe Maŋgəlva noko! Vi Maŋgəlva nok aŋgluwək Israyel dəssangən faɗə, ndəni aɗiyuk məlĩ aketi, vi kaɗɗa təstəs gəm moggoni.»

Ɗerewel na Yob 11:6

Warban suk məɗama na maɗɗula vi əprəm nan kpumi yi asna asən na Maŋgəlva tay əzgət ki mambray noko.

Gəlyaɗe 89:14

Vok gboŋgboŋgi, vok ɓəli yi, dəzəŋ nok tay təlla!

Gəlyaɗe 99:4

Gbogboŋ na məlĩ na, əŋglu zəga də tiveni. Istə kəsɓan əssa təstəsə. Istə kəɗɗa ədaw sarra də təstəs a Israyel:

Wənməkkpaŋga 14:34

Əssa təstəs dədawɓaygit ɗiyi, mambray zəga net wili yi azet ɗiyi.

Wənməkkpaŋga 16:10

Əpel na Maŋgəlva tay a ma məlyã, aslokoron na ətawwən ɓa.

Wənməkkpaŋga 16:12

Əɗɗa mbərayən daryawi ara məlyã, vi də təstəsi mazaŋga na məlĩ adawziwe.

Wənməkkpaŋga 20:8

An məlĩ asanək aka mazaŋga nawtaw wən na, wasən mbərayən də harani.

Wənməkkpaŋga 29:14

Məlĩ mətawwən də tiven aket məssehẽŋɗe na, mazaŋga na məlĩ nan waziw ka faɗə.

Wənməkkpaŋga 8:15

Də iyni milyeŋge adawzəmaŋ məlyã, may mətawaŋwən adarbanən əɗɗa təstəsə.

Isaya 49:8

An Yawe anah yaŋka: Pay na ulasahã, nəprəmək əkkam noko; pay na əkõho nəbbah sukko. Nəgukuko, nəɗikuk ta' kəsokgən wənmiyna net ɗiy nawsilgən dəlva nawɗak hara dələv məs dərayəŋka.

Isaya 9:7

Daya azkanək əpel nan aka Yakob, yaŋ abət aka Israyel.

Daniyel 11:20

Məlĩ mbərən wasan a gəlani, waslən ɗəf tatrãh addəv walaŋgəla gagdak naka dələv nani, ya əvoŋ siɗikke sə dərɓagan na kawbayni məza də ədagədəv ɓa məza də əgay ɓa'a.

Mika 7:3

Vet tay əɗɗa zəga daryawə. Kaɗɗa moggon na, ɗiy gugriɗ tay əŋglaŋ zəga, Mətawaŋwən na vi kawrəha, ɗiy gagdakɗe tahəŋ əpel vi kaknahan əsim zəga neti, gəm tay əzəmaŋ kiyit ɗiyi.

1Samiyel 13:13

Samiyel aɓsən Sawlu na: «Va dərway kəgəɗəŋka! Kərma wəsəɓ an Yawe Maŋgəlva nok aɗi suk ɓa, vi kakaŋ Yawe adasɓan məlĩ nok aka Israyel faɗ kəta.