Wənməkkpaŋga 28:13 - Bible en Guidar

¹³ Dəɗaman mambray nan na, ahhar na ammban ɓa; ya an dəɗi marava dəppan gabbani, warah ulasahã.

Wənməkkpaŋga 28:13 Iomraidhean Croise

Va'Atəŋ 4:9

Yawe anah sən Kayin na: «Ngay məlmuk Abel di?» «Amna, nəsən ɓa. Məzutaɗa na məlmuw nan sa?»

2Samiyel 12:13

Davit azlan sən Natan na: «Nəgəɗək mambray aza Yawe.» Natan aɓsən Davit na: «Yawe avvuyonək mambray noko; Kəmtə na ɓa.

2Samiyel 14:32

Absalom aɓsən Yo'ab na: «Vi nəslənək azok dawnəh na: “Ade nəŋgəl kawslənuk aza məlĩ na, vimi nəde sə Gesur di? Ɗaɗah va adak nəsaw zəga nawa.” Kakaŋ maw aka ula məlyã, an heslepe tay azaw na, dəbayugəni!»

2Milyeŋge 20:15

Isaya amna: «Ya mi awlaŋ addəv gəla nok di?» Hizkiya azlanək na: «Zəga an dəsan anawda pak awlanənka. Zəga tay məs nərban sit səddəv əzaɓ naw ɓa ɓa.»

2Alabaraɗe Də Mabərkiziti 6:26

Pay disiŋ amsə, buwən awzi ɓa, vi mə Israyelɗe aɗɗaŋgək mambray akoko, an tay əkkamaŋ heret sek dəka təkiyəŋka, an tay əgagdakanən iya noko, amilyoŋguk səka mambray net vi kəsər meti,

Ezra 10:11

Kakaŋ na, mərban mambray nokum aba Yawe, Maŋgəlva net efiŋgiɗkum, məɗɗa əŋgla nani: məgoh səzet ɗiy naka dəlvəŋ dit gil molhõyẽɗi.»

Ezra 10:2

Yaŋ Sekaniya wətən Yehiyel, taka səweleŋgit kirtin Elam, anah sən Ezra na: «Də əkay gil molhõyẽɗ, kirtit ɗiy-ɗariŋki, məzban Maŋgəlva təstəs ɓa. Ya kakaŋ aka wənəs na, makra Israyel tay kəɗehe əmpa:

Nehemi 9:2

Zev mə Israyelɗe zit welwel səret molhõyẽɗ baymeti, aziweŋ aɗiyaŋ marava aka wən na mambray neti gəm heslepe net efiŋgiɗti.

Ɗerewel na Yob 31:33

Nəsərət ki əɓoŋ naw va ɗiy meɓɓet adaɗɗaŋ kawɗaman mambray naw ɓa.

Ɗerewel na Yob 33:27

Anahək kerekere abet ɗiy na: «Nəgəɗək mambraya, nəmzlahək səka tive təstəsə, ya dəmndan su va wəza naw ɓa.

Ɗerewel na Yob 34:31

Ɗəf wanah sən Maŋgəlva na: Nəslanək wən nawa, nəgəɗ na mambray ɓa sa?

Gəlyaɗe 51:10

Aɗɗa ka nəprəmgən wəɗɗəla də wənneke. Sleŋsləŋɗe kəŋzletiŋ dəskəlaŋgəni!

Wənməkkpaŋga 10:12

Əzel awsilgin wəna, əŋgla awɗaman mbərayən mawandi pakə.

Wənməkkpaŋga 17:9

Məɗup ki mambray na, məkayan əŋgla yi; dəmsak əpel aka heslepe van na wawɗakan bayna.

Isaya 55:7

Məsdaraw dəppan tive nani, məs mambray dəppan əɗɗum nani, dəmil aza Yawe, nan wawəlsahã akani, aza Maŋgəlva namə, vi muvvuy mambrayi sawɓa.

Yeremiya 2:35

is tat ənah na, maw bartatay ədagədəv nan ade na akaw ɓa! Ya naw in yakəŋ ətawwən akoko vi is tat ənəh na: «Nəgəɗ mambray ɓa.»

Daniyel 4:27

məlĩ agəmək əpele anahək na: Aŋ Babilon metiŋgin məs nərkə də gbogboŋ gəm də wəɓap naw sən gagdak na məlĩ nawəŋki ɓa sa?

Məsdəlveŋge 5:5

An ɗəf akkpaŋgək məs mambray vi agəɗək taka səmmbet zəgeɗ məŋɗetiski, dərbangən mambray vani,

Yonas 3:10

Maŋgəlva awlak va ɗiy na Niniwe aɗɗaŋgə, tay əmilyoŋ səza mbərayən neti. Yas makran affeti, yas Maŋgəlva dəɗɗa tatwãh an aynə nawgəɗ siti ɓa.

Wəza net Masləŋɗe 26:20

Ya daabəŋ na sit ɗiy en na Damas siske a Yerusalem, gəm aka kivadələv na Yude pakə, də azet ɗiy-ɗar pak nənah sit dəɗiyaŋgən marava, gəm dəkkpaŋgən aza Maŋgəlva, dəɗɗaŋgən wəza narban na aɗiyaŋgək marava.

Mətawaŋwəna 10:15

Yaŋ mə Israyelɗe aɓsənən Yawe na: «Məgəɗək mbərayən. Agəɗ səm an dəsan lew a ma horok pakə, zəga taka na, kamə akõhgəm pay an dəpaŋkəŋka.»

1Samiyel 15:13

Səza Samiyel agap aza Sawlu, Sawlu aɓsən na: «Yawe dəzaɓoko! Nəɗɗak an Yawe anah suwa.»

1Samiyel 15:24

Sawlu anah sən Samiyel na: «Nəraygənəka. Nəɓe'sən əpel na Yawe də an nok ɓa. Vi geslne sit ɗiy aduwa, nəprəm meti.

1Samiyel 15:30

Sawlu amna: «Nəgəɗək mambray kakaŋka. Də as pak, in tat əkkomoko aɗi kiyu abet ɗiy məsɓet naw də ɗəf titir naw na Israyel; ade də ina nəppu'gən aba Yawe Maŋgəlva noko.»