Wənməkkpaŋga 27:18 - Bible en Guidar

¹⁸ Məzgə sləma aka sokoyo wazəm uwa nani; məzgə sləma aka daya nan wara gagdaka.

Wənməkkpaŋga 27:18 Iomraidhean Croise

2Milyeŋge 18:31

Kədaprəmən Hizkiya ɓa, an məlĩ na Asiri anah yaŋka məsler də iyna: məppan kiykum suwa asna ɗəf pak wazəm megezlembirke gəm sokoyo nani, wasə iŋkile na vov nani,

2Milyeŋge 3:11

Yosafat amna: «Məskəleŋ na Yawe tay aŋ məssõhõngən Yawe ɓa sa?» Taka səret məɗɗaŋ wəza na məlĩ na Israyel amna: «Elisa, wətən Safat tay aŋka, gawla na Eliya na makrani.»

2Milyeŋge 5:25

Ndən kan pay ziw ana daya nanda. Yaŋ Elisa aɓsən na: «Səŋga kəde di Gehazi?» Yaŋ amna: «Gawla nok təki tay ambat ɓa.»

2Milyeŋge 5:27

Kokolo na Na'aman wagor azok də mazlalwõk hã faɗə.» Yaŋ agil səzan də kokolo bar va ɓeɓrezlerizze.

Ester 6:11

Haman lukut də pələs gəm, agul sən Mardokay, apeŋgin aka pələs a kapta na walaŋgəla-metiŋ. Ndən əŋzla vaŋvəl abani: «Vaŋki adaɗɗaŋ sən ɗəf məs məlĩ aŋgəl əɗi kini.»

Gəlyaɗe 123:2

Awla, va belemɗe aziynən heret ammba vet migilti, may va balamək təzi harat ammba vat dayak nata, vaski yi mizi haram kəlaza Yawe Maŋgəlva nam də əga ulasasãh nani.

Əgilye 24:13

Moyis le'i, də Yosuwa, masulani, Moyis peŋ dəka gərəm na Maŋgəlva,

Wənməkkpaŋga 17:2

Balam an petpet waday ki wiyən mərbə wili, hara zəga nawzəmgəla nan tay a walaŋ məlma.

Wənməkkpaŋga 22:29

An kəwələk ɗəf məskokono addəv wəza nani, abet milyeŋge adawziwe, aziw na abet ɗiy nara guzli ɓa.

Wənməkkpaŋga 27:17

Təbəz aka təbəz adawtakaɗa, ɗəf tam əsɓan maɗɗula ɗəfa.

Wənməkkpaŋga 27:19

Va hara ɗəf adarba aret iŋkile vaski makra ɗəf adarban ɗəfa.

Gəlya net Gəlyaɗe 8:12

Megezlembirke nawa, nəzaɓanək va nəŋgələ. Suleyɗe net gərmeŋge gabalə, nokəŋ Salomoŋ, səkat sula tamə, sit ɗiy məzuganən uwa net wəleŋɗe.

Isaya 36:16

Kədaprəmən Hizkiya ɓa, an məlĩ na Asiri anah yaŋka məsler də iyna: məppan kiykum suwa asna ɗəf pak wazəm megezlembirke gəm sokoyo nani, wasə iŋkile na vov nani,

Matiye 24:25

Yaŋ na nəssak sukumko.

Matiye 24:46

Əzaɓ aka balaməska an daya nan adek ərəhən tay əɗɗan vaska.

Markus 10:43

Ya tay vas a walaŋkum ɓa. Ɗəf dəŋgəl nawsan metiŋ a walaŋkum dərəŋ na, dəsaŋgən məgəɗ wəza nokum.

Luka 12:37

Əzaɓ aket gewleɗiski an daya net arihik tay wəganəni. Gesiŋ nədawnah sukum, wagul lukut na wəza, waye dəzəmaŋgəni, nan tam wagəɗ sit wəza.

Luka 12:42

Daya azlanka: Məgəɗ wəza awani kan moggon pepet məs daya nan aɗi aket məɗɗaŋ wəza nan pak vi dəpsitigin haykəmari də pay nan di?

Luka 19:17

Daya nan aɓsən na: Lewi, balam moggok gəm məs maɗɗula kənani, kəsokuk təstəs də zəga siɗikke, asok də gagdak aket walaŋgəleɗe gugriɗ kəlawə.

Yohanna 12:26

An ɗəf aŋgələk əgəɗ su wəza, dəzbawa, vi a təki naw nəsawa adaki məgəɗ wəza an naw adawsani. An ɗəf tay əgəɗ su wəza, Afən wagagdakani.

Wəza net Masləŋɗe 10:7

Adan maslay məzupel sən nak ambatə, yaŋ Korneliyus ayə ɗiy sula səmmbet məɗɗaŋ wəza nani gəm məzəlpa məgeslne' sən Maŋgəlva səret məs dəppanən kiyit səni.

1Korintus 3:8

Ɗəf məs dəmpa də ɗəf məs dəzi sən iŋkile məstakaŋgə. Naway pak warah hara əfaɗ nan va aza wəza nani.

1Korintus 9:13

Kəsənnək na, məgəɗ wəza nawpal Maŋgəlva na əzəm nan pak səddəv Gəla na Maŋgəlva adawrəhəni, məɗɗaŋ wəza a matuya səza an na matuya adawrəhən haran neti ɓa sa?

1Korintus 9:7

Naway dəgəɗ wəza nalpa dəzgəl kiyən dəvan di? Naway məmpə megezlembirke məza ndən əzəm uwa nan ɓa di? Naway nawtaɗ zəgeɗ mmemeyẽɗ məza ndən əsa momvo net ɓa di?

Kolosi 3:22

Munokum belemɗe məprəm met deyeɗe nokum naka dəlvəŋ addəv zəga pakə. Kədaɗɗaŋ ama heret kaka vi zit dənnekgən ɓa, ya mokrokum dəsan zayə, məgeslne' sən Daya.

2Timote 2:6

Məzənse tay əzəmsahã diyɗa. Adahək dəzəmgən zəga an dəsəɓ sə guli nan daabəŋ.

1Piyer 2:18

Balamɗe, məprəm met deyeɗe nokum də wəgeslne' siti, sit en mogget gəm en mulaŋ sãhãy kaka ɓa, də sit en məsdarawɗe pak iyi.

1Piyer 2:21

Sən aski Maŋgəlva ayukum, vi Kristu sən kiyən azəmək sahã vikum, arbəsukumək tive kəzbanəngən təlni.

1Samiyel 2:30

Vini Yawe Maŋgəlva na Israyel aɗiymani, nənahək lahəŋ na: Gəla nok də gəla na afuko wadawaŋ abaw faɗə. Ya kakaŋ na arayka, Yawe aɗiymani! Vi naw na wanəɗi kiyit məzuɗiynən kiywa, wanəzelet məzelewən tamə.