Wənməkkpaŋga 20:22 - Bible en Guidar

²² Kədawnəh na: «wanəmndagan mambraya ɓa!» Appan mokrok sən Yawe, wakõhguko.

Wənməkkpaŋga 20:22 Iomraidhean Croise

2Samiyel 16:12

Kuzuŋ Yawe wawla ərba wil nawa, asna Yawe wakkpaŋgan su moggon a gəla wəra nan dəpaŋkənka.»

Gəlyaɗe 27:14

Aga Yawe; ampa təlko, asok zuko; aga Yawe.

Gəlyaɗe 37:34

Aɗi əga nok aka Yawe, arma tive nani; dələv wasansuk ka noko, wakule va adawzetin məsdarawɗe.

Gəlyaɗe 37:40

Yawe wabbah siti, wabite, wabit səvet məsdarawɗe, wakõhgiti, vi azan adawɗamaŋgə.

Wənməkkpaŋga 17:13

Dəmndagan moggon də mbərayən na, tatwãh azar na səza gəla nan ɓa.

Wənməkkpaŋga 19:11

Maɗɗula na ɗəf dədaffeten sən ədagədəv nani, əzgət ki mambray an məgəɗ sən adawla azan ka zəga na sləma.

Wənməkkpaŋga 20:21

Arya məkkalan də kakara də ətəŋ nan na, asan na də əzaɓ akan aza əbayman ɓa.

Wənməkkpaŋga 24:29

Kədawnəh na: «Va agəɗ suwa, vas nədawgəɗ səni ɓa;» wanəmndagan sən nawãydi pak aza wəza nani.

Isaya 40:31

Ɗiy en dəɗiyənən əɗɗum net aka Yawe tahəŋ əmsak ərəh gbogboŋgo; Tahəŋ əppar persleket va gazlaɗe. Ənzoŋgu, awyaŋ ɓa. Əddoŋgu, addakaŋ ɓa.

Məsdəlveŋge 19:18

kədamndagan mbərayən də mbərayən ɓa, kədarma wən na məlmuk a mokrok ɓa: kəŋgluwgən meggok va kəŋglu ki zuko. Intə Yawe.

Matiye 5:39

Ya naw in tat ənah sukum na: Kədamndaganən mambray ɓa. An ɗəf avərkuk a tapaslayuk dəzəŋ, akkpaŋgan sən zlaɓay.

Əmsak aka Mahenziŋ 32:35

Intə məmpəlkiya, məfaɗ an ɗəf adawrah ammba vani pay ataŋgbanyaŋgə, pay nawray net van gu'oy, an məzaɓən ammbet aliy na dawgap ɓa.»

1Tesaloniki 5:15

Məzi zukum ɗəf adamndan mambray də mambray sən ɗəf ɓa, ya məzban əɗɗa moggon pay pak a walaŋ zukum də azet ɗiy pakə.

1Piyer 2:23

Ndən məs mərani, məza ndən əmndan əra ɓa, dəzəmsãhã məza ndən əbaygagay sən ɗəf ɓa, appanək ki zən ava Maŋgəlva mətawwən də təstəsə.

1Piyer 3:9

Kədamndaganən mambray də mambray ɓa, awaniɓa əra a gəla əra ɓa, kan dərəŋ na məgəɗ sit əzaɓa, vi aka aski Maŋgəlva ayukum ka kərəhaŋgən əzaɓa.

1Piyer 4:19

Vasna, məzəmaŋ sahã dəka əŋgla na Maŋgəlva dəzbanən əɗɗa moggoni, dəppanən zeŋgilet ava məs dəzəməɗ zəga, akkpaŋgan man ɓa.

1Samiyel 25:13

Davit aɓsit ɗiy nan na: «Ɗəf pak diynan masalam nani!» Naway pak aynanək masalam nan agzeni; Davit aynanək nani'e tamə. Ɗiy gap səkat poɗo, dəddoŋ ammba Davit, səkat sula dəssoŋ azet zəgeɗ neti.