Wənməkkpaŋga 17:3 - Bible en Guidar

³ Vov tay vi nawhə̃s təbəz babara, movoro vi nawhə̃s meleŋge; Yawe tam dədawsəŋgləkan mekret ɗiyi.

Wənməkkpaŋga 17:3 Iomraidhean Croise

1Alabaraɗe Də Mabərkiziti 29:17

Maŋgəlva nawa, nəsənəka, kakkesen makra ɗəfa, əssa təstəs kədaŋgla, naw makraw papar nəzi zəgeɗiŋ pakə, kakaŋ na ɗiy nok en neŋkiŋ in tat ulet əkisukun əvəl də zit nek mekret taka.

Ɗerewel na Yob 23:10

Vi asənək tive an nawa, an asləwək va adawslaŋ meleŋge, wanəgil saksakə.

Ɗerewel na Yob 28:1

Vov nawgilgin təbəz babar tay, gəm təki nazzoron meleŋge tay.

Gəlyaɗe 139:23

Maŋgəlva! Akkesen an nazawa, asən makrawa; asluwa, asən əɗɗumɗe nakawa.

Gəlyaɗe 26:2

Asluwa Yawe, awla nazawa, akkosson əɗɗum nawa gəm makrawa.

Gəlyaɗe 66:10

Aw Maŋgəlva, kəsləməka, kəsləmək va adawslaŋ təbəz babara.

Wənməkkpaŋga 15:11

Təki nanziya net ɗiy mimtiti də təki nawza kaɗay pak aba Yawe ŋgə, ya mbəksa makra ɗəf titir sa?

Wənməkkpaŋga 16:2

Tive na ɗəf pak lewi arani, ya Yawe dədawsla mekret ɗiyi.

Wənməkkpaŋga 17:2

Balam an petpet waday ki wiyən mərbə wili, hara zəga nawzəmgəla nan tay a walaŋ məlma.

Wənməkkpaŋga 21:2

Tive na ɗəf pak sarray arani, ya Yawe dədawsla mekret ɗiyi.

Wənməkkpaŋga 27:21

Vov tay vi nawhə̃s təbəz babara, movoro vi nawhə̃s meleŋge; na gagdak na ɗəf tam əpel nawɗi kiyən.

Isaya 48:10

Awla, nəbburkumuk də offo, va adabburoŋ təbəz babari nəbburkum ɓa, addəv mesteɓe na tatwãhi.

Yeremiya 17:10

In Yawe in tat ula an dəsan a makra ɗəfa, in tat əkoson əɗɗumo. Wanəfaɗ sən naway pak va aza ədaw nani, gəm aza wəza nani.

Ezekiyel 22:18

«Wətən ɗəfa, gəla na Israyel akkpaŋgək azaw va pəlu movoto. Ndəɗaŋ pak təbəz pepreŋgəŋ, way təbzəŋ, təbəz titirəŋ, təbəz nawhəsaŋ a vov neti, va pəlu movoto na təbəz babarəŋ.

Daniyel 11:35

Kawbayə səret məsmaɗɗuleti, əmta net wasan ka zəga nappay heslepe səzeti, nabburti, nakkpaŋget salala hã gap pay na wəggraka, vi pay məɗiyən van abe yi.

Zakarya 13:9

Wanətoŋgən taka naret hokuŋ dəka offo, wanəhəs va adawhəsaŋ təbəz babara, wanəsla va adawslaŋ meleŋge. Nan waya iya nawa, wanəprəm səni. Wanənah na: «Ɗiy nawəŋgə», net tam wanahaŋ na: «Yawe yi Maŋgəlva nawa.»

Əmsak aka Mahenziŋ 8:16

ndəni dəzəmguk manhu a kapta-muyã, məs efiŋgiɗuk dəsənən ɓa, vi kawtoŋguk addəv sahã gəm kawla an nazoko, vi kawgəɗ suk moggon abe.

Əmsak aka Mahenziŋ 8:2

Kəɗɗumongən tive məs Yawe Maŋgəlva nok abbolok əzva kaklaw poɗo a kapta-muyã pakə, vi kawtoŋguk addəv sahã; kawsluko, kawla an na mokroko, kawsənən na wakərma əpelɗe na ənziya nanəŋ sa, kərme na ɓa?

1Piyer 1:7

Vi ətaf nokum məs məslan dəsan na sləma dayki meleŋge məs dəsan zəga nawray məslan də offoŋ dərahgən əɗikiya, gagdaka gəm sləma pay Yesus Kristu adarban zəni.

Hənhən 2:23

Gewleɗ nat na, wanəbeye, gəleɗe na Maŋgəlva pak wasənnən na intə məkoson əɗɗumo gəm makret ɗiyi. Wanəfaɗsən naway di pak va azet wəzaɗe nani.