Wənməkkpaŋga 17:17 - Bible en Guidar

¹⁷ Pay pak bayna na, tay də əŋgla; məwa məlma na, vi pay na tatwãhĩ.

Wənməkkpaŋga 17:17 Iomraidhean Croise

2Samiyel 1:26

Makraw tay əssaw ammboko, Yonatan, məlmuwa, maybay naw kənan sawɓa. Əŋgla nok azaw tay va nawnəhĩ ɓa, adayək ki əŋgla net gil azawa.

2Samiyel 15:21

Ittay azlan sən məlyã, amna: «Va Yawe asan madarani, va məlĩ asan də zeŋgileni, sessel a təki daya naw məlĩ asani, adaki nədawsawa, a təki namtay awaniɓa nawsan madarani pak na, adak gawla nok adawsani.»

Ester 4:14

Vi an kəsokuk ɓatɓat aka pay va yaŋkəŋka, əkõh net mə Yudeɗ wade sə təki mbərən. Ya is də gəla na afuk na, wakəzaŋgə. Ya nawa dəsən di, kuzuŋ sən wən vaŋ vani kəgap ana məlĩ da.»

Wənməkkpaŋga 16:28

Ɗəf məsdaraw nan isilgin əgaya; məwə wən tam uɗakan bayna.

Wənməkkpaŋga 18:24

Baynaɗe meɓɓet awkaŋ ɗəf addəv əza, ya bayna maɓɓan awsan slorɗok day ki məlma.

Wənməkkpaŋga 19:13

Uwa an dərwa na, mandarayi aza afəni. Ərma mama nat guluk tay va ima na gəla məs awsuk ɓa.

Wənməkkpaŋga 19:7

Milmiŋgiɗ məssãhã pak əzelnəni, beyneŋgiɗin dayday əzaraŋ səzani. Wayə əpele, ya arah na səmmbet ɓa.

Ibriɗe 2:11

Vi Yesu, məs dəskoɓ mambray net ɗiyi dit ɗiy məs məskoɓ mambray net van pak akkpaŋgaŋgək Afit taka. Vini wil dədanən dawyet na milmiŋgiɗwa ɓa.

Ɗerewel nat Rut 1:16

Ya Rut təmna: «Kədawgayaw nappok, kamnda faraɗa səzok ɓa; vi a təki kəmbatə wandawa, a təki kədawvoŋ nədawvoŋgo; ɗiy nok wassoŋ ɗiy nawa, Maŋgəlva nok wassan Maŋgəlva nawa;

1Samiyel 18:3

Yonatan də Davit aynaŋgək wənmiyna a weleŋti, aŋgluwək va aŋglu kini.

1Samiyel 19:2

Yaŋ Yonatan assak sən Davit, amna: «Afu Sawlu man aka wəbayko. Ya kakaŋ na kamə mazayən də mompummo na asla zuko, arah təki kəɗamgən adaka.

1Samiyel 19:3

Naw wanigili, wanəziw a maŋgava əbba a guli an kədawɗam adaka. Wanəpel wən nok aza əbba, nulagən va adaɗɗa, an mbari na wanəprəman suko.»

1Samiyel 20:17

Yonatan aswaygənək Davit əmpa aka wən na əŋgla məs aŋgluwa, vi aŋgluwək va aŋglu kizəni.

1Samiyel 23:16

Yonatan wətən Sawlu le' mbat aza Davit a Horesa, asokonək makra Davit də iya na Maŋgəlva.