Wənməkkpaŋga 16:20 - Bible en Guidar

²⁰ Dəzgə sləma aka əpel na, warah moggon nani. Dəppan makran sən Yawe na, ənnek nan tay.

Wənməkkpaŋga 16:20 Iomraidhean Croise

1Alabaraɗe Də Mabərkiziti 5:20

Arahaŋgək wəbbaha, mə Hagriɗe abətaŋgək ammba veti, dit en dənɗaŋ pakə, vi pay əgayəs na, akkamanənək Maŋgəlva, aprəm sitike, vi aɗiyənən əɗɗum net akani.

Gəlyaɗe 125:1

Gəlya nawpeŋ ədda əkkam a Yerusalem. Məs dəppanən əɗɗum net aka Yawe tahəŋ va mossorgo metiŋ na Siyon: aɓla ɓa, tay hã faɗə.

Gəlyaɗe 146:5

Əzaɓ aza ɗəf məs Maŋgəlva na Yakob asan məzəbbah nani, məs dədawgan səva Yawe Maŋgəlva nani!

Gəlyaɗe 2:12

məɗi ki muzliya; vas ɓa wadəgədəva, wakəzaŋ aka tive, sən wən siɗikke wadə gədəva! Ənnek azet ɗiy en dəɗamaŋ azani.

Gəlyaɗe 32:10

Tatwãh diyɗa dədawga məsdaraw, ya ɗəf an dəppan zən aka Yawe na, moggon dətərwəsla.

Gəlyaɗe 34:8

Maslay aziyək dibirgidik nan kiyit məgeslne'eŋ sənən Yawe tərwəslə, tay əbitti.

Wənməkkpaŋga 13:13

Məs dəzelen əsəɓ na, wafaɗ akani; məs dəzban mahenziŋ na, warah zəga na vani.

Wənməkkpaŋga 13:15

Əsən moggon awki mbəlembəle'i; ya tive net məsvurumɗe na, addəɗ ɓa.

Wənməkkpaŋga 17:2

Balam an petpet waday ki wiyən mərbə wili, hara zəga nawzəmgəla nan tay a walaŋ məlma.

Wənməkkpaŋga 19:8

Ɗəf dəkay maɗɗula na, aŋgluwək kizəni; dəzgə sləma aka əsən na, wanan neki.

Wənməkkpaŋga 8:35

Vi ɗəf an dərəhu na, arahək zeŋgile, arahək kinenek aza Yawe.

Isaya 30:18

Vi vaski Yawe waga pay nawgəɗ sukum mbəlembəle, wasil vi kawla sãsãhkum. Vi Yawe Maŋgəlva təstəsi. Zazay azet ɗiy en məzuganən pakə.

Daniyel 3:28

Məlĩ Nabukodonozor anahək na: Gagdak aza Maŋgəlva na Sadrak, Mesak gəm na Abed-Nego, aslənək maslay nan wəkõhgit məɗɗaŋ wəza nani vi aɗiyənək wəɗɗum net akani. Dəɓe'eŋ sənən əpel na məlĩ ɓa, atafənək əvəl kiziti, appu'oŋ na aba maŋgəlva maɓɓan an neti ɓa ɓa.

Daniyel 6:23

Maŋgəlva naw aslənək maslay nani, amsanək met Ɓooliɗi, dəɗɗaŋ suwən zəga ɓa, vi naw də mazlibezlibe na maw nani, gəm abok is məlĩ dayday na, mbərayən tay nəgəɗ ɓa.»

Matiye 10:16

In tat əslənkum yaŋ va timiŋgiɗ a weleŋgit kirɗemuyã. Vi vaski məssoŋ ketket va dohõɗe, məza mambray azokum ɓa va biŋgeɗ na maha.