Wənməkkpaŋga 15:25 - Bible en Guidar

²⁵ Yawe gəla net məzuguzloɗe adabzla, ndən əziwgin meŋge na təki nat gagəbaya.

Wənməkkpaŋga 15:25 Iomraidhean Croise

Ɗerewel na Yob 24:21

Ndən əddan azat ndarzlayək məs tərah uwa ɓa; məza əɗɗa moggon sət gagəbay dərəŋ ɓa.

Gəlyaɗe 10:14

Kulaka, is məzula tatwãh də wəzəmsahã na məssahã, kawgəm wən nan avoko. Avok ɗəf məddakən adappan zəni, istə kədabbah sən mitiwe.

Gəlyaɗe 138:6

Də Yawe asan səɗəɗə pak tay ule ɗiy məɓegənən ki ziti, səka faraɗa dayday asinik məsfərkeɗi.»

Gəlyaɗe 146:9

Yawe tay əge molhõyẽɗi, tay əbbah sən mitiwe dət gagəbaya, tay əslokoron tive net məsdarawɗe.

Gəlyaɗe 52:1

Səza daya net məyaŋgəlya. Əpel-məmyã'ən na Davit.

Gəlyaɗe 52:5

Mbərayən kəŋgəl day ki əɗɗa moggoni, tepelke day ki əpel təstəsə. Əziwe

Wənməkkpaŋga 12:7

An məsdarawɗe azbəraŋgək na, kule na ɗah orok ɓa; ya gəla net ɗiy en təstəs aɓəsl na ɓa.

Wənməkkpaŋga 14:11

Gəla net məsdarawɗe waɓəzlə, gəzlirke net ɗiy en təstəs wasan zayə.

Wənməkkpaŋga 15:26

Əɗɗum mbərayən daryawi aza Yawe, ya əpel an moggoni lewi azani.

Wənməkkpaŋga 23:10

Kədaddergit meŋge məzvet ɓa, kədarsla guli net mitiweɗ ɓa.

Isaya 1:17

Məyagan əɗɗa moggoni, məkayan təstəsə, mətak ma məppət ɗiyi, məgəɗ təstəs sən mitiwe, mətərət gagəbaya.

Isaya 2:12

Vi pay tay Yawe Məzuɓappak adawɓegin məɓaygən kiyzən gəm məzula zəni. Wasil sən məslan kiyən vi kawɓegəni.

Yeremiya 5:28

mikirit lokoɗok lokoɗoku. Akkaɗaŋgək ki meŋge na mambraya. Aɗɗaŋ zəga təstəs ɓa, azgaŋ sləma aka mitiwe ɓa, tay əɓayaŋ addəv əraha. Abbahaŋ sənən məzuray ɓa.

Daniyel 5:20

Səza aɓaygən kiynə, aɓɓəlan kiyən hã ndən əkaɓa, məzgani səka mazaŋga na məlĩ nani, məggbukni gagdak nani.

Əmsak aka Mahenziŋ 19:14

Kədaddergən met meŋge na meggok səza va ɗiy dəzzoŋ daabəŋ aziwginin ma təki məs Yawe Maŋgəlva nok apsuk dəsangən ka haran nokəŋ ɓa.

Yakob 1:27

Aba Maŋgəlva Afən na, əzba an dəslə yaŋka: əzga sləma aket mitiwɗeŋge gəm aket gil net gəbayɗe addəv əzəmsãhã neti, gəm ətaɗ kizə ɗəf ka adawraygən zən dit zəgeɗ negge ɓa.

1Piyer 5:5

Gewleɗi, nokum pak məprəm met ɗiy məsɓeti. Məɓe' sən zukum addəv ənziya a walaŋ zukum pakə. Va Əver anahə: Maŋgəlva tay əbay gagay sit məgagdakanən ki ziti, ya wapsit mbəlembəle sit ɗiy məɓe'gənən ki ziti.