Wənməkkpaŋga 12:12 - Bible en Guidar

¹² Məsdaraw dədawsim bizwil net ɗiy mbəreyti; ya suwerit ɗiy en təstəs dədawki ərəha.

Wənməkkpaŋga 12:12 Iomraidhean Croise

Gəlyaɗe 1:3

Tay va wəlaŋga məmpan a met iŋkile: tay uwa də pay nani, gaslamban awɓət ɓa; an adaɗɗa pak tay ədaw ammbani.

Gəlyaɗe 10:9

tay sorro, məɗamən va ɓoolu a təki nawɗam nani; tay sorro vi karma məssahã; tay ərma məssahã də əkkənən addəv bizwil nani;

Gəlyaɗe 9:15

vi nəŋɗangən wəɗi kiyuk a maddambeɗe na Siyon, nənnekengən zu vi wəkõh noko.

Wənməkkpaŋga 10:15

Ərəh na məsarya na, tay azan va marba gbogboŋ nani; əray net ɗiy məddekti ndəni sãhã neti.

Wənməkkpaŋga 11:30

Wəza na ɗəf an təstəs na, ndəni wəlaŋga na zeŋgile, məs maɗɗulan awziwgit ɗiyi.

Wənməkkpaŋga 21:10

Zlem zə məsdaraw pak mambray adaŋgla, awla ɗəf sãh aran ɓa.

Isaya 27:6

Abe na, ɗiy na Yakob wanzaganən slalwayti, Israyel wandəfə, waffuyu, kirtin wassoŋ aka dələv təslə.

Isaya 37:31

En dəndəwəɗaŋ səddəv Yuda wassoŋ va suwer wəlaŋga afuŋgu, wawaŋ a disiŋ.

Mika 7:2

Ɗəf təstəs tay aka dələv ɓa, ɗəf tay taka mədaw sarara aweleŋgit ɗiy ɓa. Baymet pak sən əggbo' mbel avoŋgoŋ tive; ɗəf pak tay ənslən pew̃eŋ aba məlməni.

Yohanna 15:16

Munokum kəwelwən ɓa, in nəwelkum, nəɗikum kəddoŋgən vi kuwaŋgəni, uwa nokum dəsangəni, vi Afən dəpsukumgən an kədassohoŋ avan də iya naw pakə.

Yohanna 15:5

Naw, intə megezlembirke, munokumtə kivani. Ɗəf dəsan addəvu va nəsaw addəvən nan wawə diyɗa, vi tay məs kədawɓap əɗɗaŋ məza in ɓa ɓa.

Roma 6:22

Ya kakaŋ na, adan məpəlkum səka mambrayə, kəkkpaŋgaŋgək belemɗe na Maŋgəlva, mənokum tat ərban ədaw addəv salala, əgrak nan na zeŋgile nassa faɗi yi.