Wənməkkpaŋga 11:20 - Bible en Guidar

²⁰ Məs mekret mbərayən daryawəŋ ara Yawe, ɗiy en təstəs-gərak dədawrəhaŋ mbəlembəle nani.

Wənməkkpaŋga 11:20 Iomraidhean Croise

1Alabaraɗe Də Mabərkiziti 29:17

Maŋgəlva nawa, nəsənəka, kakkesen makra ɗəfa, əssa təstəs kədaŋgla, naw makraw papar nəzi zəgeɗiŋ pakə, kakaŋ na ɗiy nok en neŋkiŋ in tat ulet əkisukun əvəl də zit nek mekret taka.

Gəlyaɗe 101:4

Makra daryaw wazar səzawa; maw tay aka əsən mbərayən ɓa.

Gəlyaɗe 11:7

Vi Yawe təstəsi yi; wəzeɗe en təstəs adaŋgla, ɗəf məs makran barə wawla harani.

Gəlyaɗe 119:1

Əzaɓ aket məs dəssoŋ təstəs-gərak addəv ədaw neti, gem məzəzbanən mahenziŋ na Yawe.

Gəlyaɗe 140:13

Nəsənək na, Yawe watawwən na məssãhã, wakə wən ammbet məzurayɗe.

Gəlyaɗe 51:6

Azoki, azok kaka' nəgəɗ mambraya, nəgəɗək zəga mbərayən ama horoko. Təstəsi an kəpelke, kawzelen suki an kətawək wən nan ɓa.

Wənməkkpaŋga 11:21

Tay va məsdaraw adawkõh səddəv əzga' ɓa, zəv ɗəf an təstəs na, nan wakõhu.

Wənməkkpaŋga 12:22

Ma net tepelkeɗ daryawi aza Yawe; ya məɗɗaŋ moggoni, ndən əŋgla wən neti.

Wənməkkpaŋga 13:6

Əssa təstəs awtaɗ ɗəf məgə kini; mambray awki əray aka məs mambraya.

Wənməkkpaŋga 14:9

Dərweŋge net əmasaŋ aka əzaɓan wən an dərayə; əsa' tay a weleŋgit ɗiy en təstəsə.

Wənməkkpaŋga 15:26

Əɗɗum mbərayən daryawi aza Yawe, ya əpel an moggoni lewi azani.

Wənməkkpaŋga 15:8

Əzaɓ-Maŋgəlva net məsdarawɗe daryawi ara Yawe, əkkam net ɗiy en təstəs na, neki azani.

Wənməkkpaŋga 16:17

Tive net ɗiy en təstəs amzlah sən mambraya; dəŋgəl əga kiyən na, wazgə sləma aka ədaw nani.

Wənməkkpaŋga 21:29

Məsdaraw haran ɓəl adawsani ya na ɗəf an təstəs na, gabba ədaw nan adaɓɓəlani.

Wənməkkpaŋga 3:32

Vi Yawe azelik ɗəf məslokorslokor, wənməɗama nan a met ɗiy en təstəsi yi.

Wənməkkpaŋga 6:14

Muluvuluvu a makran pasə, nan tuŋ sən mambray pay pakə, ndən əsilgin əgaya.

Wənməkkpaŋga 8:13

Geslne sən Yawe na, ndəni əzel zəga mbərayən, nəzelik əkaɓa, əɓaygən-kizəɗəfa, tive na mambraya, gəm əpel net tepelkeɗi.

Wənməkkpaŋga 9:7

Ɗəf məs dəsəɓsən məzəguzlo na, zəga net wil dədawrəhən. Dəhãyaŋ məsdaraw na, əra dədawmatən.