Wənməkkpaŋga 10:13 - Bible en Guidar

¹³ Maɗɗula addəv əpel na məs əsən adawsani, zleŋge tam sən gəɓa məzakiyən ɓa.

Wənməkkpaŋga 10:13 Iomraidhean Croise

Gəlyaɗe 32:9

Kəssoŋ va pələs may koropələs məza aɗɗumoŋ ɓaŋ ɓa, an wawar də helze tay a met ɓa na awziweŋ ɓaŋ ɓa! Vasna zəga tay nawrəhkum ɓa.

Gəlyaɗe 37:30

Maɗɗula tay ama ɗəf təstəs pay pakə, hərzlumən tay əgilgin zəga də tiveni,

Əgilye 10:12

Yawe anah sən Moyis na: «Atəl vok aka dələv na Eziptə kətawgən zaray: wazəmən kevile naka dələv gərak məs dəpəl səmet ɓeɓrezleɗi.»

Wənməkkpaŋga 10:21

Ma ɗəf an təstəs azgəl ɗiy diyɗa, dərweŋge wamtaŋ sən kiyit tay ɓaŋka.

Wənməkkpaŋga 10:31

Ma ɗəf an təstəs awki maɗɗula, hərzlum ɗəf məpel tepelke na, kawtawni.

Wənməkkpaŋga 15:23

Neki aza ɗəf an dəzlan aka tələn də man tusso! Əpel an dəslə də pay nan lewi sawɓa.

Wənməkkpaŋga 15:7

Ma ɗəf an təstəs na, əsən adawpele, ya mekret dərweŋge nan tay vas ɓa.

Wənməkkpaŋga 16:21

Məsmaɗɗula adawyaŋ na məsən zəga; əpel an nenek dədaprəmgən ɗəf day.

Wənməkkpaŋga 17:10

Əsəɓ təl taka dədawmbat sən ɗəf məzəprəm day ki ərga dərwa təl səkatə.

Wənməkkpaŋga 19:29

Məɗi əzga' na, ammbet məmasaŋ aket ɗiyi; ərga tam sən gəɓet dərweŋge.

Wənməkkpaŋga 20:15

Meleŋge gəm everzleɗ na sləma tahəŋ diyɗa; ya zəga an na sləma day na, ndəni hərzlum dəf an də əsəna.

Wənməkkpaŋga 26:3

Helze sən pəlsa, azlawar sən koro, zleŋge tam sən gəɓa dərwa.

Wənməkkpaŋga 27:22

Kəta arga dərwa a saŋni də wəlaŋ saŋni sap də hay zlaŋgə, vadərwa nan aproɗ na səzan ɓa.

Wənməkkpaŋga 6:32

Ɗəf an dəku a gizbe pak mətemni yi, kizən adawzan də əɗɗa vaska.

Wənməkkpaŋga 7:22

Ndən ammbat tiɓiɓ va wasli daddan a təki nawtaw wəlani, va ɗəf mətemin məɓrukun narbəsəni!

Isaya 50:4

Daya Yawe avayək hərzləmu net məzuyakaŋgə, nəsəngən va nədabbah sən ɗəf məddakən. Də mompumo pak tay əfɗahawa, tay əkol su sləmaw nəprəmgən va net məzuyakaŋgə.

Luka 4:22

Ndəɗaŋ pak tay əpeleŋ moggon akani, aggətaŋgək aka əpel nan moggon dədawgilyen sə mani, aɓɗaŋ na: Ndəni wətən Yosef ɓa sa?