Wənməkkpaŋga 1:22 - Bible en Guidar

²² «Hã gap dewɗe mənokum mətiɓiɓ-tiɓiɓɗe kədassoŋ sən əŋglu tiɓiɓ-tiɓiɓi, məs fərkẽɗ tam sən əssim fərkã, may dərweŋge tam sən əzelenən əsən di?

Wənməkkpaŋga 1:22 Iomraidhean Croise

Ɗerewel na Yob 34:7

Naway ɗəf va Yob di? Tay əmas aka ɗəf va əsa iŋkile!

Gəlyaɗe 1:1

Ənnek aza ɗəf məs azban əsəɓ net məsdarawɗe ɓa, məs awziw aka tive net məs mambrayɗe ɓa məs awsan dəndit məmasaŋ aket ɗiy ɓa,

Gəlyaɗe 94:8

Məsəna, məmsan kiyit naret ɗiyi; dərweŋge, dewe kədawrəhaŋ əsən di?

Əgilye 10:3

May Moyis də Aron, atoŋgoŋgək aza Farawən, anahaŋ sənən na: «An Yawe, Maŋgəlva net mə Ibriɗe anah yaŋka: Gap pay gbəŋgbar kədawɓoŋ dawɓegən kiyuk abaw di? Appet ɗiy naw dəmbataŋ əgəɗ su wəza.

Əgilye 16:28

Yawe anah sənək Moyis na: «Hã gap dewe kədappanən əɓoŋ darma əpel na ənziya gəm tive naw di?

Wənməkkpaŋga 1:21

Tay əska wəla gugoyo, tay iya ɗiyi; a maddambeɗe, a walaŋgəla pak, tay ənah əpel nan na:

Wənməkkpaŋga 1:29

Vi azelenənək əsəna, dəwelin geslne sən Yawe ɓa.

Wənməkkpaŋga 1:32

Vi kiyɓəɓəl net mətiɓiɓ-tiɓiɓɗe wabeye, əssa fiwwe net dərweŋge wazeti.

Wənməkkpaŋga 1:4

Vi kapsən kuket sən dərwa, sən gawla tam na, əsəna gəm əwelen wəna.

Wənməkkpaŋga 1:7

Geslne sən Yawe na, ndəni ətəŋ na ərəh əsəna, ya məza maɗɗulet ɓa na, tay əzelenən əsəna gəm iyaka.

Wənməkkpaŋga 14:6

Məzukaɓ wakayan maɗɗula ya warah ɓa; aza ɗəf məs maɗɗula na, əsən tay tuwãh ɓa.

Wənməkkpaŋga 15:12

Məzəguzlo aŋglu ɗəf məzusəɓsən ɓa, addan azet ɗiy məsmaɗɗulet ɓa.

Wənməkkpaŋga 19:29

Məɗi əzga' na, ammbet məmasaŋ aket ɗiyi; ərga tam sən gəɓet dərweŋge.

Wənməkkpaŋga 21:11

An məzga' səni məzuguzlo na, mətiɓiɓ wakkpaŋ məsmaɗɗula. An mərbəsəni zəga sən məsmaɗɗula, ndən ərəh əsəna.

Wənməkkpaŋga 21:24

Ɗəf məza wil aran ɓa məɗikizəni, iya nan məzuguzlo. Əɗɗa zəga nan na məza wil aran ɓa dərwadərwa.

Wənməkkpaŋga 22:3

Ɗəf an petpet an awlak əraya, ndən əɗama; ya net mitiɓiɓɗe na, ədawaŋ dəkani, ndəɗaŋ kan əzəmsahã akani.

Wənməkkpaŋga 3:34

Dit ɗiy en məkaɓaŋgə, ndən əkaɓa; en mekret barə ndən əɗɗa sit əŋgla nani.

Wənməkkpaŋga 5:12

Wakənah na: «Kami nəzel əyak di? Kami makraw azel əzga' di?

Wənməkkpaŋga 6:9

Hã dewɗe kədassok ɗuffo di zəga mətampəla? Dewɗe kədawsilyok səket sin nok di?

Wənməkkpaŋga 7:7

Yaŋ nəwəl gawla dərwa səret mətiɓiɓɗe.

Wənməkkpaŋga 8:5

Mətiɓiɓɗe, məssoŋ ketketi, məza kiyit ɓa, məyagan maɗɗula.

Yeremiya 13:27

Əkəw a gizbe noko, fĩfĩ noko, wil na polkoyo noko! Nulek aket mossorgoɗe gəm awra, nulek zəgeɗ daryawɗe noko! Mə əray mi akokəŋ di Yerusalem, kawŋgəm əbbur zuk əzbaw ɓa! Ka dewe kandi?

Yeremiya 4:14

Askoɓ mbərayən sə mokroko, Yerusalem, vi kəkõhgəni. Hã gap dehey kədappan əɗɗum nok mbəraynəŋ di?

Əŋɗa 14:27

«Hã dewɗe ɗiy mbəreytiŋ adazbanən wərwər akawəŋ di? Nəprəmək va mə Israyelɗe adaɗɗaŋ wərwər akawa

Matiye 17:17

Yesu agəmək əpel amna: Sayit ɗiy məs tahəŋ də ətaf ɓa gəm məreygiti, hã gap dewe nədawsaw də mənokum di? Pay gbəgbari nədazban əɓəskum di? Məki su aŋka.

Matiye 23:37

Yerusalem, Yerusalem, is məbay məskəleŋɗe, məskə en məslən azok dit gərmeŋge. Təl gbəgbar nəŋgəl əkkelet ɗiy nok va gəmnda adakkelet kirtin ammba persleken di, ya kəŋgereŋ ɓa.

Matiye 9:13

Məddoŋ məyagan an dəɗam addəv wənəŋka, ulasahã nəŋgələ, əzaɓ-Maŋgəlva yi ɓa. Vi naw nəde vi kawye ɗiy en salala ɓa, abbər ɗiy mbəreyit ɓa.

Luka 19:42

Amna: Va pay dəpaŋkəŋ nok kəsənək va mbar ərəh zazay asani! Ya kakaŋ məɗamni səma horoko.

Yohanna 3:20

Vi ɗəf məgəɗ mambray pak tay əzel əkeɗeɗe'e, ade na ara əkeɗeɗe ɓa, vi wəzeɗe nan adarbaŋ ɓa.

2Piyer 3:3

Məsən tagay na, pay əgrak dəlva, ɗiy məmasaŋ aka ɗəf wazzoŋgu, wadawaŋ addəv əŋgla na gəɓa ziti.

Hənhən 22:17

Əmpəs dət waŋ məgəmət aɓɗaŋ na: Ade! Ɗəf dəprəm pak, dənah na! Ade! Ɗəf an meme adawdaŋ pak dəde, ɗəf an dəŋgəl iŋkile na zeŋgile warah na mekeleŋ.