Məsdəlveŋge 3:5 - Bible en Guidar

⁵ Asna kirtin Aron dəzlanəngən aka təki nawzaɓ Maŋgəlva sap aza əvəl nawzla kurmbuɗuk məs dəsan aket motoffoɗe nakoffo neki; aski peŋ məhhətən məs məzəffok nek aka Yawe.

Məsdəlveŋge 3:5 Iomraidhean Croise

1Milyeŋge 8:64

Pay dəpas vani yi, məlĩ asapan dadak daŋgla nama Gəla na Yawe, sən Maŋgəlva; vi adaki ada əvəl nawzla kurmbuɗuku, avəl sən də zəga na mabardaw gəm səlhã na əzaɓ-maŋgəlva nawki zazaya, vi matuya na təbəz pepreŋ naba Yawe, məffĩyãktə day naɗɗa əvəl nawzla kurmbuɗuku, əvəl na zəga na mabardaw gəm səlhã nawki zazay akata.

2Alabaraɗe Də Mabərkiziti 35:14

Siske adanən haran neti gəm net məsdəlveŋge, vi məsdəlveŋge kirtin Aron agəgrəŋgaŋ sənənək əvəl nawzla kurmbuɗuk gəm wən na səlhã temtem hã dəfəɗ tiri; mə leviɗe kan adaŋ neti gəm net məsdəlveŋge kirtin Aron.

Əgilye 29:13

Kətorgən səlhã naddəvən pakə, pəɗak na memɗeke gəm kiritdəɓa də səlhã naketi, kəzlegin aka təki nawzaɓ-Maŋgəlva.

Ezekiyel 44:15

Məsdəlveŋge mə leviɗe, kirtin Sadok, məs dəɗɗanən wəza naddəv gəla naw gala mə Israyelɗe azaŋ səzawa, ndəɗaŋ dədawzaraŋ azaw kawgəɗ su wəza. Waziweŋ abaw kawvay səlhã dit mbeli. Daya Yawe aɗiymani.

Ezekiyel 44:7

Adan kətoŋgitin melekeɗi, ɗiy məs mekret dəkkpaŋ ɓa ganyẽɗi vi dəssoŋgən addəv gəla nawa, vi dəraygənəngən gəla nawa; pay kəkinən way nawa ana səlhã dit mbeli, vasna wənmiyna naw kəŋzləwənək dit zəgeɗ daryawɗe nokuməs pakə.

Məsdəlveŋge 1:13

Dəskoɓəgən zəga naddəvən may tetewirge aret iŋkile, as kan na məsdələv dətosgən bayman pak aka təki nawzaɓ-Maŋgəlva. Aska əvəl nawzla kurmbuɗuki, way məzlan məzəffok nek aka Yawe iyi.

Məsdəlveŋge 1:17

Dəpəɗakgən sə walaŋ persleken pəɗak sula məza əboŋgon ɓa asna məsdələv dətosgən aka təki nawzaɓ Maŋgəlva aket motoffoɗe məkkpuɓit akoffo. Aska əvəl nawzla kurmbuɗuki yi, way məzlan kurmbuɗuk məzəffok nek aka Yawe yi.

Məsdəlveŋge 1:9

dəskoɓəgən zəga naddəvən may tetewirge aret iŋkile, as kan na məsdələv dətosgən bayman pak aka təki nawzaɓ-Maŋgəlva. Aski əvəl nawzla kurmbuɗuku, way məzlan məzəffok nek aka Yawe.

Məsdəlveŋge 3:11

Asna məsdələv dəzlagən aka təki nawzaɓ-Maŋgəlva; aski peŋ məhhətən sən Yawe.

Məsdəlveŋge 3:4

gəm kiritdəɓa sulegit sap də səlhã naketi də an naka gəɓani, dətawgən memɗeke mizilin sap azet kiritdəɓa.

Məsdəlveŋge 4:31

Dətorgən səlhã nazan pak va adawtorun pay na əzaɓ-Maŋgəlva nawslere, məsdələv dəzlagən aka matuya ka tursan məzəffok sən Yawe. An məsdələv aɗɗak mahenziŋ navvuyon mambray aka ɗəf an dəgəɗ mambraya, mambray nan wavvuyu.

Məsdəlveŋge 4:35

Dətorgən səlhã nazan pak va adawtor an na time na əzaɓ-Maŋgəlva nawslere, məsdələv dəzlagən aka təki nawzaɓ-Maŋgəlva, sap aza peŋ məhhətən sən Yawe. An məsdələv aɗɗak mahenziŋ navvuyon mambray aka ɗəf an dəgəɗ mambraya, mambray nan wavvuyu.

Məsdəlveŋge 6:12

Yawe apel sənək Moyis:

Məsdəlveŋge 7:28

Yawe apel sənək Moyis amna:

Məsdəlveŋge 9:17

Akiyək əvəl na zəga na mabardaw: Andək van zloŋ taka yas azla aka təki nawzaɓ Maŋgəlva, mbəksa əvəl nawzla kurmbuɗuk də mompumo.

Əŋɗa 15:8

An kapsən medgeɗge sən Yawe ammba əvəl nawzla kurmbuɗuku awaniɓa ammba əzaɓ-Maŋgəlva vi kaknahan wən miynani, awaniɓa ka əzaɓ-Maŋgəlva nawrah zazay na,

Əŋɗa 18:17

Ya kədawman məlviya na wasli ɓa, may na time, may na hãw ɓa: net na mahenziŋgəŋ. Kəfloŋgən mbel net aka matuya, kəzlagən səlhã net ka zəga nawzəm məs əŋgənən nek aka Yawe.

Əŋɗa 28:12

Medgeɗge taka pak dəsangən də əvəl də gəpa kilo vaytak məllaɓən də mẽlẽ; na ndargayã na, əvəl də gəpa kilo sləre məllaɓən də mẽlẽ;

Əŋɗa 28:3

Kənahsitgən na: Way an kədapsənən Yawe yaŋka: pay pak kirtit timeŋgiɗ mezeŋgleket sula na wəzva takataka məza heslepe azet ɓa, ammba əvəl nawzla kurmbuɗuk məs gabban appa ɓa.

1Piyer 2:5

Nokum van kpakə, va gərmeŋge medereti, məssoŋ mərkukum ka gəla nassa na Zeŋgile Salala, ka əsap net məsdəlveŋge salala napsən əzaɓ-Maŋgəlva na əmpəs sən Maŋgəlva məs adawtaf də Yesu Kristu.