Məsdəlveŋge 3:3 - Bible en Guidar

³ Səddəv zəga an nawzaɓ-Maŋgəlva nawslere, an adawkiyaŋ ka əvəl nawzla kurmbuɗuk sən Yawe na, səlhã naka zəga naddəvən də səlhã naddəvən pakə

Məsdəlveŋge 3:3 Iomraidhean Croise

Gəlyaɗe 119:70

Mekret aleŋgək va səlhã; naw in tat ənneken zu də mahenziŋ noko.

Əgilye 29:13

Kətorgən səlhã naddəvən pakə, pəɗak na memɗeke gəm kiritdəɓa də səlhã naketi, kəzlegin aka təki nawzaɓ-Maŋgəlva.

Əgilye 29:22

Kəgəmgən səlhã na ndargayã gəm kuturni. Səlhã naka zəga naddəvən, pəɗak na memɗeke, kiritdəɓa sulegiti gəm səlhã naketi gəm mettile dəzəŋ, vi ndargayã van nawɗi ɗəf aka wəza yi.

Wənməkkpaŋga 23:26

Wətuwa, aprəmu də mokrok taka, ədaw naw dəgəm horoko.

Isaya 6:10

Akkpaŋgan mekret ɗiyis difsiriki, asuk sləmeti, atip hereti; vi adawlaŋ də heret ɓa, sləmet adaprəm ɓa gəm mekret adawsən gabba zəga ɓa! Vas ɓa na waɗiyaŋ marava kamblaŋgə.

Ezekiyel 36:26

Wanəpsukum mokrokum meleketeni gəm əmpəs meleketen nədawɗi addəvkum; wanəkdəh makra na gərəm səzokum, wanəpsukum makra na sluwa.

Ezekiyel 44:15

Məsdəlveŋge mə leviɗe, kirtin Sadok, məs dəɗɗanən wəza naddəv gəla naw gala mə Israyelɗe azaŋ səzawa, ndəɗaŋ dədawzaraŋ azaw kawgəɗ su wəza. Waziweŋ abaw kawvay səlhã dit mbeli. Daya Yawe aɗiymani.

Məsdəlveŋge 1:12

dətawangəni meɗmeɗi, kini də səlhã sap pakə, as kan na məsdələv dəɗigən aket motoffoɗe nakoffo aka təki nawzaɓ-Maŋgəlva;

Məsdəlveŋge 1:8

məsdəlveŋge kirtin Aron dəzaɓanəngən slu mətawan naka, kini gəm səlhã sap aket motoffoɗe məkkpuɓit akoffo aka təki nawzaɓ-Maŋgəlva naka;

Məsdəlveŋge 16:25

dəzlagən səlhã na zəga mətaw wəlan ammba əzaɓ-Maŋgəlva vi mambray pak aka matuya.

Məsdəlveŋge 3:16

As na məsdələv dəzlegin zəgeɗis aka təki nawzaɓ-Maŋgəlva; aski peŋ məhhətən məs məŋgənən nek. Səlhã pak na Yawe yi.

Məsdəlveŋge 3:2

Dəɗigən van aka ki zəga mamayã nawvəl nani, dətawgən wəlan a ma tive na gizlirke nalma də Maŋgəlva; asna məsdəlveŋge, kirtin Aron, dəkso'ingin mbel ki təki nawzaɓ-Maŋgəlva tərwəslə.

Məsdəlveŋge 3:4

gəm kiritdəɓa sulegit sap də səlhã naketi də an naka gəɓani, dətawgən memɗeke mizilin sap azet kiritdəɓa.

Məsdəlveŋge 4:10

Va adatawnən slu na medgeɗge na əzaɓ-Maŋgəlva nawslere; asna məsdələv dəzlagən aka təki nawzaɓ-Maŋgəlva na əvəl nawzla kurmbuɗuku.

Məsdəlveŋge 7:30

dəkigən peŋ məhhətən sən Yawe dəvani, va wənəh na slu məs səlhã azani; gəm makrani məs ada əvəl də wəzokon aba Yawe;

Məsdəlveŋge 7:5

as kan na məsdələv dəzlegin aka təki nawzaɓ-Maŋgəlva: as peŋ məhhətən sən Yawe yi. Vaski matuya nawfaɗ aka mambray adawsani.

Məsdəlveŋge 9:10

azlak səlhã, kiritdəɓa gəm memɗeke mizilin na zəga mətaw wəlan aka təki nawzaɓ Maŋgəlva, va Yawe aɗi wən nan sən Moyis;

Matiye 13:16

Ya munokum, əzaɓ aza horokum vi tay ula, gəm sləmokum vi tay əprəma.

Matiye 15:8

Ɗiyiŋ də met adawgagdakawəni, ya mekret na, farafaray səzawa.

Roma 5:5

Əga nawrəh zəga arbəsəm na wil ɓa, vi əŋgla na Maŋgəlva məpsəm dəza Zeŋgile Salala tay a makramə.

Roma 6:6

Məsənək na, ɗəf nam məzvan na məkkpa'ni dəndəni, ka gəba zəm na mambray dəkkpaŋgən ɗarə gəm mədawsam belemɗe na mambray ɓa.

Əmsak aka Mahenziŋ 30:6

Yawe Maŋgəlva nokum wakkpaŋgan mokrok gəm an net kirtuko, vi kəŋgluwnəngən Yawe Maŋgəlva nokum də mokrokum taka, də megenegenekum, ka kəssoŋgən madarokum;

1Samiyel 2:15

Gəm əmpa na, tak adawzlanən səlhã, gawla na məsdələv əzzan ənah sən ɗəf məzaɓ-Maŋgəlva nak na: «Avay slu nawya' sən məsdəlva. Aŋgəlna slu mədan səvok ɓa, an madarani ɓa ɓa.»