Məsdəlveŋge 3:1 - Bible en Guidar

¹ «An əzaɓ-Maŋgəlva nawsler ɗəf van akiyə: An zəga mamayã mizilin awaniɓa muguluŋguni aki nawtaw wəlan aba Yawe, dəsan məza heslepe azan ɓa.

Məsdəlveŋge 3:1 Iomraidhean Croise

1Alabaraɗe Də Mabərkiziti 21:26

Davit arkak matuya sən Yawe, adak əvəl nawzla kurmbuɗuku gəm əzaɓ-Maŋgəlva nawrəh zazaya. Akkaman Yawe, azlan sən dəsɗa offo sə disiŋ aka matuya naɗɗa əvəl nawzla kurmbuɗuku.

Əgilye 20:24

Noko, matuya na dələv kədarka, akani kədaɗɗa əvəl nawzla kurmbuɗuku, də əzaɓ-Maŋgəlva nawrah zazay dit gilew gəm wasliɗe noko. A təki nədarban iya nawa, wanəde azoko, wanəzaɓoko.

Əgilye 24:5

Sissiŋ aslin gewleɗ na Israyel; akiyaŋgək əvəl nawzla kurmbuɗuku, gəm azaɓaŋgək-Maŋgəlva dit medgeɗgeɗe sən Yawe va əzaɓ-Maŋgəlva nawslere.

Əgilye 29:28

Dəsangən haran nawgəm na Aron dit kirtin səvet mə Israyelɗe faɗə, vi nan əvəl nawgəmi, səza əzaɓ-Maŋgəlva nawrah zazay net mə Israyelɗe sən Yawe adazzani.

Wənməkkpaŋga 7:14

«Əzaɓ-Maŋgəlva nawrəh zəzay naw tay nawda dərəŋ na, dəpaŋ nəpələk kiwa.

Ezekiyel 43:27

An əvoŋɗes atoŋgoŋko, pay madodopoɗon də əmbat abe na, məsdəlveŋge dədaŋgən əvəl nawzla kurmbuɗuku gəm əzaɓ-Maŋgəlva nawrəh zazay nokum; vasna kiyu wasan akokum Daya Yawe aɗiymani.»

Ezekiyel 45:15

Səret timeŋgiɗ səkat sula a gazlaŋ na Israyel pakə, time taka kədawgəmaŋgə. Kəkiyaŋgən əvəl na zəga na mabardaw, zəga na əvəl nawzla kurmbuɗuku, zəga na əzaɓ-Maŋgəlva nawki zazaya, vi kaɗɗa mahenziŋ navvuyon mambray səket ɗiyi. Daya Yawe aɗiymani.

Məsdəlveŋge 1:10

An əvəl nan van zəga na əvəl nawzla kurmbuɗuk məgəmən səret gilew dit timeŋgiɗi yi, time awaniɓa hãw məzilin məza heslepe azan ɓa adawkiya;

Məsdəlveŋge 1:3

An əvəl nan van əvəl nawzla kurmbuɗuk məgəmən səret wasliɗe yi na, dəsan mizilin məza heslepe azan ɓa; dəkiyəngən a maddamba na gizlirke nalma də Maŋgəlva, vi Yawe dətafgəni.

Məsdəlveŋge 17:5

Vasna mə Israyelɗe dəkeningin zəgeɗ memeyẽɗ məs adawtawaŋ wəlet a muyã; dəkesiningin sən məsdələv ma gizlirke nalma də Maŋgəlva sən Yawe; dətawəŋgən wəlet sən Yawe ka əzaɓ-Maŋgəlva nawslere;

Məsdəlveŋge 3:6

An səret gilew dit timeŋgiɗ məki sən Yawe ka əzaɓ-Maŋgəlva nawslere, zəga mamayã mizilin awaniɓa muguluŋgun məza heslepe azan ɓa adawkiya.

Məsdəlveŋge 9:18

Atawək wəla medgeɗge də ndargayã məs əsap net akiyaŋ vi əzaɓ-Maŋgəlva nawrəh zazaya; kirtin Aron apsininik mbeli yas aksu' ki təki nawzaɓ Maŋgəlva tərwəslə.

Məsdəlveŋge 9:4

medgeɗge gəm ndargayã vi nawzaɓ-Maŋgəlva nawsler kawvəl sən Yawe, gəm əvəl də gəpa məslahan də mẽlẽ; vi dəpaŋki Yawe adarban zən azokum.

Amos 5:22

An mənokum tat əkiyaŋ suwən əvəl nawzla kurmbuɗuku gəm əzaɓ-Maŋgəlva nawrəh zazay na, nawnan nek ɓa. Nawla aza əzaɓ-Maŋgəlva kədawzaɓaŋ dit zəgeɗ memeyẽɗ nokum məkiritiŋ ɓa.

Malakiya 1:14

Əray dəsan aka ɗəf məgəɗ vurum, dəsan də zəga mizilin a gazlan nani, ndən iynama gəm əzaɓ-Maŋgəlva sən Yawe də zəga mamayã məs heslepe! Ya məlĩ matəŋgu nani, iya naw tay əki əgeslne' a weleŋgit ɗiy-ɗarə, Yawe Məzuɓappak anahə.

Malakiya 1:8

Ya an kəkiyaŋgək zəga mamayã daŋgar vi matuya na, as mbərayni ɓa sa? Ya an kəkiyaŋgək zəga mamayã vədal gəm məsgbəgba'a as nan mbərayni ɓa sa? Əŋga kamə apsən sən guverner nok ɗa, zən wasan nek də is sa? Watafuk də ulasahã akok sa? Yawe Məzuɓappak anahə.

Əŋɗa 15:8

An kapsən medgeɗge sən Yawe ammba əvəl nawzla kurmbuɗuku awaniɓa ammba əzaɓ-Maŋgəlva vi kaknahan wən miynani, awaniɓa ka əzaɓ-Maŋgəlva nawrah zazay na,

Əŋɗa 6:14

dəkigən əvəl nan sən Yawe: ndargayãk məs wəzva taka məza heslepe azat ɓa ka nawzla kurmbuɗuku, wət təmaŋgək muguluŋgut na wəzva taka məza heslepe azat ɓa, nawzaɓ-Maŋgəlva navvuyon mambraya gəm ndargayã məza heslepe azan ɓa nawzaɓ-Maŋgəlva kawki zazaya;

Əŋɗa 7:17

Ammba əzaɓ-Maŋgəlva nawrəh zəzay na, medgeɗgeɗe sula, ndergeyẽɗ sle', porsokɗe sle', gəm timeŋgiɗ məs wəzva taka taka sle'i. Aski əvəl na Nason wətən Aminadab.

Əŋɗa 7:59

gəm ammba əzaɓ-Maŋgəlva nawrəh zəzay na: medgeɗgeɗe sula, ndergeyẽɗ sle', porsokɗe sle' gəm timeŋgiɗ məs wəzva taka taka sle'i. Aski əvəl na Gamaliyel wətən Pedasur.

Əmsak aka Mahenziŋ 12:27

Sluwa gəm mbel kədawzla aka təki na matuya na Yawe Maŋgəlva nok ka əvəl nawzla kurmbuɗuku; mbel na zəga məzaɓ-Maŋgəlva, kəggbo'gin aka təki na matuya na Yawe Maŋgəlva noko, slu na kəzəmgəni.

Kolosi 1:20

Dəndən aŋgəl əsleren zəga pak də zək nani, səza aziwgin zazay dit mbel na məzliwrihe nani, dəssoŋ zəgeɗ naka dəlvafuŋ, dəssoŋ zəgeɗ na disiŋ zlaŋ.

Ibriɗe 10:22

Məzar səm kan aza Maŋgəlva də makram barə gəm məknahəm də ətafa, makram mubburun səza heslepe naddəv əɗɗum pakə, gəɓa zəm məslslayən dit iŋkile salala;

1Yohanna 1:3

An məs muwələ, məs məprəmə, anani mədawnah sukum tamə, vi nokum van kəsapaŋgən də mənamə, vi əsap nam dəsangən də Afəni gəm də Yesu Kristu Wətəni.

Mətawaŋwəna 20:26

Yaŋ mə Israyelɗe gəm ɗiy beymet apeŋgeŋ addoŋ a Betel; assoŋ aba Yawe adaka, ahəmaŋgə, aɗɗaŋ meme pay dəpas hã gap moskoyo. Yaŋ aɗɗaŋ əvəl nawzla kurmbuɗuku gəm əzaɓ-Maŋgəlva nawrəh zazay aba Yawe.

Mətawaŋwəna 21:4

Vit pummo nan na, ɗiy asulyoŋguk pumu, arkaŋ gəlamatuya adaka, aɗɗaŋ əvəl nawzla kurmbuɗuku gəm əzaɓ-Maŋgəlva nawrəh zazaya.