Məsdəlveŋge 26:9 - Bible en Guidar

⁹ wanəkkpaŋ kəla zokum, wanəpsukum uwa, wanənzlər gukum; wanərma wənmiyna naw də mənokum;

Məsdəlveŋge 26:9 Iomraidhean Croise

Va'Atəŋ 1:28

Maŋgəlva aɗɗak əzaɓ aketi, Maŋgəlva aɓsit na: «Muwə, mənzlərgən kiykum, məknəh dəlvafuŋ, məzəm məlĩ akani. Məzəm məlĩ aket kilfeŋge na pehe, biŋgeɗ na disiŋ, dit zəgeɗ məzəɓlaŋ aka dəlvafuŋ pakə!»

Va'Atəŋ 17:20

An dəwəlsən Ismayel na, nəprəm sukuko. Awle, wanəɗɗa əzaɓ akani, wanuwan, kuɗiskuɗisi; wawə ɗiy gugriɗ kəlaw kiyit sula, wanəgilgit dəlveŋge diyɗa sə kəlazani.

Va'Atəŋ 22:17

wanəgəɗ suk zazaya, wanuwan zeŋvuk va ŋgərzleɗ na disiŋ, va hoyoŋko na ma pehe. Mazlalwõk watak maddamba net məzuzelɗe nani;

Va'Atəŋ 26:4

Wanuwan zeŋvuk va gərzleɗ na disiŋ, wanəpsin dəlveŋgəŋ pakə, səzani ɗiy naka dələv pak adawrahaŋ əzaɓa,

Va'Atəŋ 28:14

Mazlalwõk wasan va burɗuk na dəlvafuŋ. Wakəzləɗan zuk ammba pay na moskoyo, gəm ammba pay nampum, də gazga də dohoŋ; ɗiy na dələv pak, warahaŋ əzaɓ ammboko, gəm ammbet kirtuko.

Va'Atəŋ 28:3

Maŋgəlva Məzuɓappak dəɗɗa əzaɓ nan akoko, duwan suk kiyuk kuɗiskuɗis vi kəsokgən wəsap net ɗiy!

Va'Atəŋ 48:4

Anah su na: “In yakəŋ əkkpoŋgok məzuwa Wanəwok kuɗiskuɗisi wanəkkpaŋgok ka vanday, wanəpsən dələv sən zeŋvuk dərɓogok ka nan faɗə.”»

Va'Atəŋ 6:18

Waniynan wən də isi. «Kətoŋgən addəv bəlay, is dit kirtuko, ɗak noko, gəm gil net kirtuko.

1Milyeŋge 3:8

Gawla nok tay aweleŋgit ɗiy nok məs kəweli, ɗiy nok diyɗaŋ, kawɓapi əŋɗet ɓa, vi əday neti.

2Milyeŋge 13:23

Yaŋ Yawe agəɗ sit moggoni, awla sasẽhti, akkpaŋgək azet vi wənmiyna nan də Abraham, də Isak gəm də Yakob; dəŋgəl əzet kakãh ɓa: hã kakaŋka dəzget faraɗa sə maharan ɓa.

Nehemi 2:20

Yaŋ nəmndagan sit əpele, nəɓsit na: «Maŋgəlva na disiŋ sən kiyən dədaɗɗan ka dədawsəmgəni. Nam mənam məgəɗ wəza nan na, waməsil wamərka; Ya nokum na, haran nokum tay ɓa, tive naɗɗa zəga tay abokum ɓa, kaɗɗumokumi a Yerusalem ɓa!»

Nehemi 9:23

Kəwetik kirtit va ŋgərzleɗ na disiŋ. Yaŋ kəke aka dələv məs kənah sit efiŋgiɗit dəzzoŋgən ətafən ka neti naka.

Gəlyaɗe 107:38

Aɗɗak əzaɓ aketi, tay uwanən kiyit diyɗa, arrehet zəgeɗ memeyẽɗ net ɓa.

Gəlyaɗe 89:3

Vi nənahək na: «Moggon nok ampak suwerin faɗə; kəziwginik əssa ɓəlɓəl nok a disiŋ.»

Əgilye 1:7

Mə Israyelɗe awaŋka, awanənək kiyit hõyo' hõyo'u, akkpaŋgaŋgək gboŋgboŋ diyɗa: dələv aknahək dəndəɗaŋgə.

Əgilye 2:25

Maŋgəlva awlek mə Israyelɗe; arbanək zən azeti.

Əgilye 6:4

Də as pak na nəziwginik wənmiyna naw dənɗaŋgə, vi kapsit dələv na Kana'an, dələv məs assoŋ molhõyẽɗ addəvən.

Isaya 55:3

Məpak sləmokum, mide azawa. Məprəma, wakəssoŋ madorokum. Waninə wənmiyna an faɗ vikum, sesel wanəziw aka moggon na Davit.

Yeremiya 23:3

Naw wanəkkelet gilew naw an dəppaŋ səket dəlveŋge məs nətreyet adak pakə. Wanəmilgit a təki nawtaɗ neti, wawanən kiyti, wanzləraŋgə.

Yeremiya 23:4

Wanəɗi məzuteɗəŋɗe aketi, wateɗini, wageslne'eŋ əmpa ɓa, akkeren na ɓa, tay nawza səret ɓa, Yawe aɗiymani.

Yeremiya 33:3

Ayuwa, wanəzlan suko, wanərbet suk zəgeɗ gugriɗe, zəgeɗ en məɗemit məs kisin ɓa.

Ezekiyel 16:62

Wanəziwgən wənmiyna naw də isi: wakəsən na intə Yawe.

Ezekiyel 36:9

Vi in tat əzzaw azokum, nəkkpaŋgək azokum: wakinsetin gulyeŋge nokum, wakəzlgetini.

Məsdəlveŋge 26:15

an kəzgetinik mahenziŋɗe nawa, an kəzelinik tiveɗnanziya nawa, yaŋ kəzbanən əpel na ənziya ɓa, kəŋzləwən wənmiyna naw vaska,

Luka 1:72

Arbanək ulasahã nan aket efiŋgiɗmə, də əɗɗumon wənmiyna salala nani,

Əmsak aka Mahenziŋ 28:11

Yawe wagəɗ suk moggon də wəpsuk uwa, wawet zəgeɗ memeyẽɗ noko, zəga na mabardaw nok aka dələv məs Yawe asway sit efiŋgiɗuk napsuko.

Əmsak aka Mahenziŋ 28:4

Wapsuk kirni, zəgeɗ na mabardaw, zəgeɗ memeyẽɗi, wawet wasliɗe noko, wawet timeŋgiɗ dit gilew noko.

Əmsak aka Mahenziŋ 7:13

Waŋgluko, wazaɓoko, wanzlərguko, waɗɗa əzaɓ aka uwa noko gəm aka guli noko, haykəmari noko, aka mbazla na meketepe noko gəm mẽl noko, wawet wasliɗe noko, gilew dit timeŋgiɗ nok aka dələv məs asway sit efiŋgiɗuk napsuko.

Ibriɗe 8:9

Asan na va wənmiyna məs niynə dit efiŋgiɗit pay məs nərma vet nawgilgit səka dələv na Eziptə ɓa. Vi ndəɗaŋ sən kiyit van dəziweŋ addəv wənmiyna naw ɓa, vini naw tam nəppeti Daya anahə.