Məsdəlveŋge 26:41 - Bible en Guidar

⁴¹ Ndəni naw tam nərga makraw dənɗaŋ yaŋ nəke aka dələv net məzuzelɗe neti; asna pay mbərən wavoŋgənən kiɓəɓəl neti, watafən əzga' vi mambray neti.

Məsdəlveŋge 26:41 Iomraidhean Croise

1Milyeŋge 21:29

«Kulak va Akab ataf mambray nan abaw sa? Adan avoŋgən kiyən abawa, nəki na wəray aka pay nan ɓa; aka pay na wətəni nədawki wəray aka gəla nani.»

2Alabaraɗe Də Mabərkiziti 12:12

Adan aɗimarava, ədagədəv na Yawe azarək səkani, məza əgap nawzan kəkãh ɓa, vi də as pak na, zəgeɗ mogget tahəŋ a Yuda.

2Alabaraɗe Də Mabərkiziti 32:26

Ya Hizkiya van də əkaɓ nan pak zlaŋ na, avoŋgənək kiyən, ndən dit ɗiy na Yerusalem, ndəni herɗe na Yawe dəpurkoŋ aket karan addəv ənziya egge nan ɓa.

2Alabaraɗe Də Mabərkiziti 33:19

Ekkam nani, may mbəlembəle məs arah səza Maŋgəlva, mbərayən nan baymani gəm əkgbakma nani, də təki temtem məs arkə gəleɗe-nettuyeŋge adaka, ampə astera gəm zəgakamaŋgəlva nak na, tak aɓe'gən kiyən na, tahəŋ məverit addivit wəzeɗe na Hozay.

2Alabaraɗe Də Mabərkiziti 33:23

Ya dəɓe'gən kiyən aba Yawe va na Manase afən aɓe'gən ɓa; na Ammon nan mambrayɗe awet akan dərŋgə.

Ezra 9:13

An dərəhəm pak mbara na vi wəza mbərayən gəm mambray metiŋgin nami, ya Maŋgəlva nok kəzga'səm aket mbərayənɗe nam meɓɓet ɓa, kəpələk səzam madaram yaŋka,

Ezra 9:15

Yawe, Maŋgəlva na Israyel, təstəs kənani: dəpaŋkəŋka, mənam tat va madembirgit ɗiy məkõhti. Mənam yakəŋ abok dit mbərayənɗe namə, yaŋ na, kəta ɗəf tay nawziw abok də tive vaskəs ɓa.»

Nehemi 9:33

Nok təstəs kənan addəv an dəgəɗ akam pakə, vi təstəs kəgəɗə yaŋ nam məɗɗa də mbərayən.

Gəlyaɗe 39:9

Abitu səza əɓoŋ naw pakə, kədakkpaŋgaw ka zəga nawrah na dərwa ɓa.

Əgilye 10:3

May Moyis də Aron, atoŋgoŋgək aza Farawən, anahaŋ sənən na: «An Yawe, Maŋgəlva net mə Ibriɗe anah yaŋka: Gap pay gbəŋgbar kədawɓoŋ dawɓegən kiyuk abaw di? Appet ɗiy naw dəmbataŋ əgəɗ su wəza.

Yeremiya 4:4

Məssoŋ məskəlkum awra vi Yawe. Məzargən gayã na mokrokum, ɗiy na Yuda dit en na Yerusalem. Vi ədagədəv naw adawgilyen va offo nzilimnzilimi, məza ɗəf namtan tay ɓa, sən zəga naɗɗa nokum na daraw.

Yeremiya 6:10

Sən nawa nədawpel sən gəm nədawɗi ka miziwe naw dəprəməngən di? Sləmet asukko, aɓapən na əzga sləma ɓa. Əpel na Yawe tay va zəga na əra azeti; annekeŋ dəndən ɓa.

Ezekiyel 14:23

Waffetenən mokrokum, vi wakulanən ədaw net də wəza neti, wakəsənnən na ɗari nəɗɗa zəgas pak akanəŋ ɓa, Daya Yawe aɗiymani.»

Ezekiyel 20:43

Wakəɗɗumonən ədaw nokum dit wəzeɗe məs kərnokonən zukum dənɗaŋgəŋ pak adaka; Kəɓapən na ula aza zukum ɓa, vi wəzeɗe nokum mbəreyit məs kəɗɗaŋ pakə.

Ezekiyel 44:7

Adan kətoŋgitin melekeɗi, ɗiy məs mekret dəkkpaŋ ɓa ganyẽɗi vi dəssoŋgən addəv gəla nawa, vi dəraygənəngən gəla nawa; pay kəkinən way nawa ana səlhã dit mbeli, vasna wənmiyna naw kəŋzləwənək dit zəgeɗ daryawɗe nokuməs pakə.

Ezekiyel 44:9

Vaŋ Daya Yawe anahə: Molhõyõ pak məs dəkkpaŋgan makran ɓa, ganyã, tay nawtoŋ addəv gəla naw ɓa; molhõyõ məs dəsan aret mə Israyelɗe tay nawtoŋ ɓa.

Ezekiyel 6:9

Məs dəndəwəɗaŋ nokum waɗɗumowən aret ɗiy-ɗar a təki mərmet misimgit adaka, wanəddəɗaŋ mekret məs dəkkpaŋ səkawa gəm heret kululu aziyaŋ ammbet zəgeɗmeŋgilveɗ netiŋ akawa. Met wasan nzok sən wəza net daryaw pakə.

Məsdəlveŋge 26:24

naw pak wanəsil akokum, naw pak wanərgukum day ki lahəŋ təl buhul sən mambray nokum.

Məsdəlveŋge 26:28

in zək naw wanəsil akokum addəv ədagədəva, wanəzgasukum təl buhul vi mambray nokum.

Əŋɗa 5:7

Ɗəf van dərban mambray an agəɗə; dəmndagangən zəga van sən afən nani gəm taka səddəv sle'na əlbah nan azan sapə.

Matiye 23:12

Ɗəf an dəɓaygən kizən pak kawɓe'gəni. Ɗəf an dəɓe'gən kizən pak kawɓaygəni.

Luka 14:11

Vi ɗəf an dəɓaygən ki zən pak kawɓe'gəni, ɗəf an dəɓe'gən kiyən pak kawɓaygəni.

Luka 18:14

In tat ənah sukum, ɗəf nan aslerik də Maŋgəlva aka amndan eŋgil ananda ki ɗəf an maɓɓanəŋka. Vi ɗəf an dəɓaygən kizən pak kawgəsani, ɗəf an dəgəsan kizən pak kawɓaygəni.

Wəza net Masləŋɗe 7:51

Mə ɓəɓəl kiyti, makra ɓəɓəl gəm məsuk sləmeti, kəɓoŋgoŋguk daprəm ma Zeŋgile Salala vanet efiŋgiɗkum aɓoŋgoŋ daprəm mani.

Galatiyen 5:6

Vi addəv əsap də Yesu Kristu na, əskəlawra də əssa gayã atəraŋ na wəray abbər ətaf məzərba də əŋgla ɓa.

Əmsak aka Mahenziŋ 10:16

Məppar mokrokum pak sən Daya, kədaɓɓəlanən kiykum əmpa ɓa.

Əmsak aka Mahenziŋ 30:6

Yawe Maŋgəlva nokum wakkpaŋgan mokrok gəm an net kirtuko, vi kəŋgluwnəngən Yawe Maŋgəlva nokum də mokrokum taka, də megenegenekum, ka kəssoŋgən madarokum;

Əmsak aka Mahenziŋ 31:21

pay əray diyɗa də wəzəmsahã tatwãh arəhe, gəlyas wakkpaŋ abet ka miziwe, vi kirtit azgətaŋ na ɗah dəsɗeken ɓa. Vi nəsənək əɗɗum naket dəpaŋka tak nəɓəl ətoŋgit aka dələv məs nəpsit də əswayəŋ ɓa.»

Filipi 3:3

Vi mənamtə migil əskəlawra, en məzuɗinən ki Maŋgəlva də Əmpəs nani gəm dəɗinən ənnek net addəv Yesu Kristu məza aka gəɓa zə ɗəf ɓa.

Kolosi 2:11

Addəvni kəskəlaŋawra, əskəlawra məs məɗɗan də va ɗəf də ərəŋgən gəɓa zə ɗəfi ɓa, əskəlawra məs dəde səza Kristu yi.