Məsdəlveŋge 26:13 - Bible en Guidar

¹³ In Yawe Maŋgəlva nokumtə, məs dəgilgukum səka dələv na Eziptə, vi kədassoŋ belemɗe net əmpa ɓa; intə nəŋzliw wəleŋɗe na zuk nokum, nədawgukum wəlokum ɗiliwwe.

Məsdəlveŋge 26:13 Iomraidhean Croise

Gəlyaɗe 116:16

Kamə! Yawe vi gawla nok nani, gawla nok, wətət balamək noko. Kəpilik ngiyamɗe nawa.

Əgilye 14:8

Yawe aɓɓəlanək makra Farawən, məlĩ na Eziptə, yas azbet mə Israyelɗe dəgilyoŋ kivet ɗohɗoh naka.

Əgilye 20:2

Intə Yawe, Maŋgəlva noko, məs dəgilguk səka dələv na Eziptə, səka balam.

Əgilye 6:7

wanəndəkum kanawa, ka ɗiy nawa ya wanəsaw ka Maŋgəlva nokum. Wakəsənən na, in Yawe, Maŋgəlva nokum tə: məzugilgukum səka wəza na balam sə Eziptə.

Isaya 51:23

Wanəɗi aket məzərmaŋ mama azoko ndəɗaŋ məs dənah sukunən na: Aɓe'i mətoŋgəni. Yaŋ nok kəkkpaŋgan dəɓok va dəlvafuŋgu va tive sit məzudawaŋgə.

Isaya 9:3

Vi kəŋzləwək zuk dəsan sit gədakə, zleŋge na mawəleti, gəm tandaŋ nargeti, va kəɗɗa far aka pay net Madiyanɗe.

Yeremiya 2:20

Far kəŋzlu zuk noko, kəpəlik helegeɗ dəynokuni; kəmna: Nəgəɗ na wəza ɓa! Aka təki ɗagarra gəm ammbet wəleŋɗe tindiŋ tindiŋ pak kəweɗik zuk əɗɗa polkoyo.

Yeremiya 28:2

An Yawe Məzuɓappak Maŋgəlva na Israyel anah yaŋka: In tat əŋzlu zuk na məlĩ na Babilon.

Yeremiya 28:4

Gəm wanəmndagan Yekoniya wətən Yoyakim məlĩ na Yuda dit ɗiy en məsimgit sə Yuda a Babilon aŋka Yawe aɗiymani, vi wanəŋzlu zuk na məlĩ na Bibilon.

Ezekiyel 30:18

Təki wasan tiŋgbizlim də kapay a Dafne, pay nədaŋzlu zukɗe na məlĩ na Eziptə. Əkaɓ na gbogboŋ nan waggrakə; slaybuwən wasərəta, kirtin muguluŋgit waddoŋ aka balam.

Ezekiyel 34:27

Wəlaŋga nawra wawə, dəlvafuŋ wazaɓ zəga; wassoŋ fendeŋ aka dələv neti, wasənnən na, intə Yawe pay nədaŋzlu zuk məklakən nawleti, wanəkõhgit səvet ɗiy məzəkkpeŋgetin ka belemɗe.

Hose'a 11:4

Nəkek də maɗɗula va ɗəfa, də helege na əŋgla nəgdehe, nəsawsitik va məmbu' muzliya a ma wəlani, nətəl sən zəga nawzəma.

Məsdəlveŋge 25:38

In Yawe Maŋgəlva nokumtə məs dəgilgukum səka dələv na Eziptə vi kapsukum dələv na Kana'an, vi nəsawgən Maŋgəlva nokum.

Məsdəlveŋge 25:42

Vi ɗiy en nəgilgit səka dələv na Eziptə na, gewleɗ nawəŋgə; kawvilti va adawvəlaŋ belemɗe ɓa.

Məsdəlveŋge 25:55

Vi mə Israyelɗe na, məɗɗaŋ wəzaŋgə; məɗɗaŋ wəza nawəŋgə, ndəɗaŋ məs nəgilgit səka dələv na Eziptə. Intə, Yawe Maŋgəlva nokum.

Nahum 1:13

Kakaŋ na, wanəŋzlu zuk nan səkoko gəm wanəɓuh ŋgiyamɗe noko.