Məsdəlveŋge 26:12 - Bible en Guidar

¹² wanəbbal awalaŋkum; wanəsaw Maŋgəlva nokum, wakəssoŋ ɗiy nawa.

Məsdəlveŋge 26:12 Iomraidhean Croise

Va'Atəŋ 17:7

Wənmiyna naw də isi, gəm sayit ɗiy dədazzoŋ dərɓogoko; wənmiyna faɗəs waɗiyu ka Maŋgəlva noko, gəm ka net kirtuk dədazzoŋ dərɓogoko.

Va'Atəŋ 17:8

Dələv məs kəsim akanəŋka wanəpsuk ka nok faɗə gəm sit kirtuk dərɓogoko, dələv na Kana'an dəwənnani. Wanəsaw Maŋgəlva neti.»

Va'Atəŋ 3:8

Yaŋ aprəmənən ɓaɓəlma Yawe Maŋgəlva, dabbalan guli moskoy təki zayə. Ɗəf dət ɗak nak aɗamaŋgək sə ma hara Yawe Maŋgəlva a weleŋgit wəleŋɗe na guliyo.

Va'Atəŋ 5:22

Sə dərɓaga awa Metuselah na, Henok adawək də Maŋgəlva, əzva səkat hoku, awək kirin mezeŋgleket dit muguluŋgiti.

Va'Atəŋ 5:24

Adan Henok adaw də Maŋgəlva, ahhika, vi Maŋgəlva yi dəslani.

Va'Atəŋ 6:9

Uwa na Nuwe yaŋka: Nuwe, ɗəf təstəs-gəraki aka pay sayit ɗiy nani, məziw aka wəni, gala pay nani. Nuwe adawək də Maŋgəlva,

2Samiyel 7:7

A təki nədaw a weleŋgit mə Israyelɗe pak na, wən tay nəpel sən taka na mahəlfa na Israyel ɗah məs nəɗi sən wən nan dəteɗgin ɗiy naw mə Israyelɗe dawnəh na: “Vimi kərkaŋ suwən gəla net muguguleɗ ɓa di sa?”

Gəlyaɗe 50:7

Məprəma ɗiy nawa, wanəpeli; Israyel, wanəpel akoko, intə Maŋgəlva, Maŋgəlva noko.

Əgilye 29:45

Wanəsaw də gəla a weleŋgit mə Israyelɗe, wanəsaw ka Maŋgəlva neti.

Əgilye 29:46

Wasənnən na, intə Yawe Maŋgəlva net məs dəgilgit səka dələv na Eziptə, vi nəsawgən də gəla a weleŋti. «In Yawe Maŋgəlva neti.»

Əgilye 3:6

Yaŋ amna: «Intə Maŋgəlva na afuko, Maŋgəlva na Abraham, Maŋgəlva na Isak, Maŋgəlva na Yakob.» Moyis aɗamanək harani, vi tay əgeslne' dawla Maŋgəlva.

Əgilye 6:7

wanəndəkum kanawa, ka ɗiy nawa ya wanəsaw ka Maŋgəlva nokum. Wakəsənən na, in Yawe, Maŋgəlva nokum tə: məzugilgukum səka wəza na balam sə Eziptə.

Isaya 12:2

Aŋki Maŋgəlva nawkõh nawa; ammbani nəbay vawa, zəga tay nawgeslnegu ɓa. Vi Yawe, Yawe yi gbogboŋ gəm gagdak nawa; ndəni məkõhguwa.

Isaya 41:10

Kəgeslne ɓa, vi in tat də isi. Kədassok horok kilili ɓa, vi intə Maŋgəlva noko, nəsɓokuko, ha'aw, nədek kabbah suko, wanəpa'uk də va dəzəŋ na təstəs nawa.

Yeremiya 11:4

məs nəɗi wən nan sit efiŋgiɗkum gala nəgilgit səddəv movoro offo nawhə̃s təbəz ana Eziptə dawnəh na: “Məprəm əpel nawa, kəɗɗeningin zəgeɗis pak va nəɗi sukum wən nani. Asna wakəssoŋ ɗiy nawa, naw nəsawgən Maŋgəlva nokum.

Yeremiya 30:22

Wakəssoŋ ɗiy nawa, wanəsaw Maŋgəlva nokum.

Yeremiya 31:33

Vi aŋki wənmiyna məs nədawziwgin dit ɗiy na Israyel dərɓaga payəska Yawe aɗiymani: Wanəɗi mahenziŋ addivti, wanəver a mekreti, wanəsaw Maŋgəlva neti, net wassoŋ ɗiy nawa.

Yeremiya 32:38

Wassoŋ ɗiy nawa, naw wanəsaw Maŋgəlva neti.

Yeremiya 7:23

An nəpel sit dərəŋ na, dəprəməngən mawa, asna wanəsaw Maŋgəlva nokum ya wakəssoŋ ɗiy nawa. Nəɗi sukumuk wən nan kəzbanəngən tive nawa, ka zazay dəsan sukumgəni.

Ezekiyel 11:20

vi dədawaŋgən va mahenziŋ naw aŋgələ, dərmeningən tivenanziya nawa, dəɗɗaŋgə wəza dənɗaŋgə, dəssoŋgən ɗiy nawa, nəsawgən Maŋgəlva neti.

Ezekiyel 36:38

Va gilew adawkiyaŋ addəv gəla na Maŋgəlva, va gilew na Yerusalem pay wəzləreɗ nani, vaski walaŋgəleɗe gugriɗ məhoŋhoŋ adaknəhaŋ dit ɗiyi. Asna wasənnən na, intə Yawe.»

Yo'el 2:27

Wakəsənən na, intə addəvit mə Israyelɗe, intə Yawe Maŋgəlva nokum, maɓɓan tay ɓa. Ɗiy naw asənən na zəga ərba wil ɓa ha faɗə.

Zakarya 13:9

Wanətoŋgən taka naret hokuŋ dəka offo, wanəhəs va adawhəsaŋ təbəz babara, wanəsla va adawslaŋ meleŋge. Nan waya iya nawa, wanəprəm səni. Wanənah na: «Ɗiy nawəŋgə», net tam wanahaŋ na: «Yawe yi Maŋgəlva nawa.»

Əŋɗa 5:3

Kəgilgitingəni, ɗəf mizilini, gulku, kəgilgitingin sə dibirgidiki. Adarnokonən dibirgidik net mə Israyelɗe məs nəsaw aweleŋtiŋ ɓa.»

Matiye 22:32

Naw intə Maŋgəlva na Abraham gəm Maŋgəlva na Isak, Maŋgəlva na Yakob. Maŋgəlva net ɗiy mimtiti yi ɓa, Maŋgəlva net ɗiy medereti yi.

2Korintus 6:16

Mi dəsapan Gəla na Maŋgəlva dit zəgeɗkamaŋgəlva di? Vi nam Gəla na Maŋgəlva madaran mənani, va Maŋgəlva anah na: Wanəsaw də gəla a waleŋti, wanəbbal a waleŋti Wanəsaw Maŋgəlva neti, wassoŋ ka ɗiy nawa.

Əmsak aka Mahenziŋ 23:14

Sakar dəsangən aret zəgeɗ noko, an kələk a gizbe na, kəso'gən təki dəndəni, kəndəkgən pəlu noko.

Əmsak aka Mahenziŋ 23:15

Pay Yawe Maŋgəlva nok sən kiyən, adawsan balbal a walaŋ dibirgidik nok kawkõhguk də wəpsuk məzuzelɗe nok ammba voko: dibirgidik nok dəsan salala, dədah Daya dəwəlgən zəga net wil ɓa: azbokna əmpa ɓa.

Ibriɗe 11:16

Gesiŋ nan na, ammba dələv moggon day nassan ka net adawgayaŋgə, ammba dələv net na disiŋ. Ndəni kan wil awdanən Maŋgəlva an məyani na Maŋgəlva neti ɓa, vi azaɓ sitik walaŋgəla-metiŋ.

Hənhən 2:1

Aver sən maslay na gəla na Maŋgəlva na Efesus na: Aŋki məs dərme ngərzleɗ buhul aza van dəzəŋ, məs dədadaw a weleŋgit zəgeɗ nawɗi lalamɗe na meleŋge buhul adawpele:

Hənhən 21:7

Ɗəf məskəwəla pak aski nədapsiti, wanəsaw Maŋgəlva nani, wasan wətuwa.