Məsdəlveŋge 24:11 - Bible en Guidar

¹¹ wətət guluk mə Israyelək nak apelik mbərayən aka Maŋgəlva gəm aranəka; yaŋ məkan aba Moyisi. Dawyətən man na Selomit, wətən Divri, zev Dan.

Məsdəlveŋge 24:11 Iomraidhean Croise

2Samiyel 12:14

Də as pak hara na, kədanək gədəv Yawe də wənəŋ diyɗa. Vini wutuk muwan kakaŋkəŋ wamtə.»

1Milyeŋge 21:10

Məɗi məklopoɗe sula abani, dənahaŋgən akan na: “Kəranək Maŋgəlva, gəm məlyã.” Məgilgini, məska dit gərmeŋge, dəmtəgəni!»

1Milyeŋge 21:13

Məklopoɗe sula nek payaŋ gurom abani. Məklopoɗe nek atəŋgən uwawən aka Nabot abet ɗiy naka, aɓɗaŋ na: «Nabot aranək Maŋgəlva gəm məlyã.» Ndəɗaŋ vitgin sə walaŋgəla-metiŋ, askanən dit gərmeŋge, ndən zamə.

2Milyeŋge 18:30

Hizkiya adaɗɗa ka kəɗiyəngən əɗɗum nokum aka Yawe dawnah sukum na: Yawe əkõh adawkõhgəmə, appan na walaŋgəla-metiŋgin ammba va məlĩ na Asiri ɓa ɓa!

2Milyeŋge 18:35

Naway səmmbet meŋgilveɗis pakə, məs dəkõhgən dələv nan səmmba vaw ka Yawe dəkõhgənəgən Yerusalem səmmba vawəŋ di?»

2Milyeŋge 18:37

Ndəni Eliyakim wət Hilkiya daya naka gəla na məlyã, Sebna məzuvere gəm Yo'a wətən Asaf məzərma an məverin pak azzoŋ aza Hizkiya lukutɗe net məŋgereti karban na addəv tatwãhəŋ, anah sənən əpel na daya net məzəlpaŋ na məlĩ naka.

2Milyeŋge 19:10

«Mənah sən Hizkiya məlĩ na Yuda na: Maŋgəlva nok məs kədawbay vok akanəŋ ambəɗok dawnəh na: “Yerusalem abət na ava məlĩ na Asiri ɓa ɓa!”

2Milyeŋge 19:22

Nawa kərə gəm nawa kərəm mama azan di? Aka nawa kəslan wəlok is horok le'gən nawkaɓ di? Aka Salala na Israyel yi.

2Milyeŋge 19:6

Isaya anah sit na: «Vaŋ kədawnah sənən daya nokum: Aŋki an Yawe anahə: Kəgeslne vi kəprəm əpel məs gewleɗ na məlĩ na Asiri arawənəŋ ɓa!

Ɗerewel na Yob 1:11

Ya əŋga atəl voko arəŋgən an dəsan avan pak kaka' ɗa, an dərok a mahorok ɓa!

Ɗerewel na Yob 1:22

Addəv askəs pak, Yob dəgəɗ mbərayən ɓa. Dəpel mbərayən aka Maŋgəlva ɓa.

Ɗerewel na Yob 1:5

An aɗɗaŋgək wəzləra aza ziti, Yob əyet vi kabbur heslepe səzeti. Ndən əsilyen də ba pummo əda əvəl nawzla kurmbuɗuk vi naway di pakə, vi Yob tay ənah na: «Awsən ɓa kuzuŋ kirtu aranənək Maŋgəlva addəv mekreti!» Vaski Yob adaɗɗan pay pakə.

Ɗerewel na Yob 2:5

Ya aslan voko, arəŋgit slesleŋ nan gəm gəba zən ɗa. An dərok a mahorok ta' ɓa!»

Gəlyaɗe 74:18

Aɗɗumoni: məzuzel aranənək Yawe. Ɗiy dərweŋge tahəŋ əraygənən iya noko.

Gəlyaɗe 74:22

Asili, Maŋgəlva! Ahãy ammba zuko! Aɗɗumon an dərweŋge adawrokun pay pakəŋka.

Əgilye 18:22

Watawən wən net ɗiy pay pakə. Wən tetek pak na, waki sukuni, ya wən an tekteki ɓa na, watawən wən nan dəveti. Akaftakan gagdak nan səkoko. Dəzlanən sap də isi!

Əgilye 18:26

Tahəŋ ətaw wən net ɗiy pay pakə. Wən an ɓəɓəl na, tahəŋ əki sənən Moyis, an kakaftak na, ndəɗaŋ ətawnən wən nani.

Əgilye 20:7

Kədawya iya na Yawe, Maŋgəlva nok vi kawa wən ɓa, vi Yawe awla na məwəwən də iya nan ka ɗəf məs man bartata ɓa.

Əgilye 22:28

Kəki sugən zəga na mabardaw dit iŋkile net megezlembirkeɗ noko. Uwa maddaabəŋ naret kirtuk mezeŋgleketi, Kəpsugəni.

Əgilye 3:15

Maŋgəlva anah sən Moyis əmpa na: «Yaŋ an kədawpel sit mə Israyelɗe: Yawe, Maŋgəlva net afiŋgiɗkum, na Abraham, Maŋgəlva na Isak, Maŋgəlva na Yakob, dəslənu azokum. Aski iya naw faɗə, vaski adakkamawən aza va sayit ɗiy asani.

Isaya 8:21

Wabbalaŋ aka dəlva, ɗəhət-ɗəhət, gidivit foŋgo. An may armeke, gidivit wadə, waranən məlyã gəm Maŋgəlva neti. Waslanən heret a disiŋ

Məsdəlveŋge 24:10

Wətət mə Israyelək məs afən mə Eziptə atoŋguk aweleŋgit mə Israyelɗe addak dibirgidiki, armannək ziti, ndən wətət guluk mə Israyelək nakə, gəm ɗəf mə Israyel mbərən;

Matiye 26:65

Yaŋ daya net məsdəlveŋge aŋgar lukutɗe nani, amna: Apelik mbərayən aka Maŋgəlva. Kam məŋgliw məziwweɗe əmpa di? Yaŋ na, kəprəmənək an apel mbərayən aka Maŋgəlva.

Roma 2:24

Vi iya na Maŋgəlva tay əray aka wən nokum a walaŋgit ɗiy-ɗar va məverin.

1Timote 1:13

Lahəŋ na, nəpelik mbərayən akani, nəsərək met ɗiyi, məkay mama, ya awlak sasãhwã, vi nəsən gabba məs nədaɗɗa ɓa sən in tat də ətaf ɓa.

Hənhən 16:11

aranənək Maŋgəlva na disiŋ sən əzəmsãhã neti gəm sit kurtiya neti, ya dəɗiyaŋ marava aket wəzaɗe net ɓa.

Hənhən 16:21

Ɓeɓrezleɗ gugriɗe abətaŋgək sə disiŋ aket ɗiyi. Ɗiy aranənək Maŋgəlva sawɓa, vi əzəmsãhã sit ɓeɓrezleɗi, vi əzəmsãhã nan nawgeslne səni sawɓa.