Məsdəlveŋge 23:3 - Bible en Guidar

³ Ɗəf waɗɗa wəza nan pay sləre, ya pay mabuhulon na, pay naffet net ɗiy na Maŋgəlva, pay naffeti yi də əkkal salala, pay an məs kəɗɗaŋ na wəza kpak ɓa: pay naffet Yawe aɗiyə, a təki kəssoŋ də gəla pakə.

Məsdəlveŋge 23:3 Iomraidhean Croise

Əgilye 16:23

Anah sitik na: «Aski an Yawe anah aka əffete, pay salala naffet na Yawe yi. Mazayni məda an nawda dəde; an nawya duya'ə, muya'a; an nakani, məɗi ka pummo.»

Əgilye 16:29

Mula, Yawe apsukumək pay naffete, vini aka pay masləre'in na, apsukum peŋ na əvoŋ sula. Pay mabuhuloni, ɗəf pak adawgilyen ɓa, dəsan a gəlani.»

Əgilye 16:30

Pay mabuhuloni, ɗiy affeteŋke.

Əgilye 23:12

Wəvoŋ sləre, kəɗɗa wəza noko, ya wəvoŋ mabuhulon na kəffetgəni, vi wasli nok də koro nok dəffeteŋgəni, wətət balamək nok də molhõyõ dəmpəsaŋgəni.

Əgilye 34:21

Əvoŋ sləre kədaɗɗa wəza, pay mabuhulon kəffetgən səma winse, gəm səma wəkkalan zəga na mabardaw, kəffetgəni.

Isaya 56:2

Əzaɓi aza ɗəf məzəɗɗa aŋka, aza ɗəf məs dəziw akani, məzərma pay naffete vi adawraygən ɓa, məzuga zən vi adaɗɗa məs dəslə ɓa ɓa!

Isaya 56:6

Molhõyẽɗ məs dəsapaŋ aza Daya vi kawgəɗ sən wəza, məs dəŋgluwən iya na Yawe vi kasso məgəɗ sənən wəza, naway di pak məs dərma pay naffet məza əraygən ɓa gəm məs dəziweŋ aka wənmiyna nawa,

Isaya 58:13

An kərmak zuk pay naffete, vi kədaɗɗa an məs kəŋgəl aka pay salala naw ɓa, an kəɗiyək pay naffet ka əŋgla na Yawe, ka pay gagdaka, gəm is tat əgagdakan məza əzban tive nok ɓa, də əppan kiyzuk sən əŋgla nok ɓa gəm sən əpel ɗar ɓa,

Məsdəlveŋge 19:3

Naway suwalaŋkum pak dəgeslne sət man də afəni, gəm dəɓe'sən payɗe naffet nawa. Intə Yawe, Maŋgəlva nokum.

Luka 13:14

Yaŋ daya na gəla nakkal net mə Yudeɗi adə gədəva vi Yesu ambəlgət pay naffete, aɓsit ɗiy na: Pay sləre tay vi naɗɗa wəza, dəpas na məde kərahaŋgən əmbəla, məza pay naffet ɓa.

Luka 23:56

Ndəɗaŋ buryok, akayaŋ mẽl temtem mes məŋginit neneke gəm tursan. Yaŋ affeteŋ pay naffet va mahenziŋ anahə.

Wəza net Masləŋɗe 15:21

Vi təŋ səza sayit ɗiy en lahəŋka, addəv walaŋgəla-metiŋ pak, Moyis tay dit ɗiy mərbaŋ wəna, addəv gəla nakkal net Yudeɗ pay naffete pak, tay əŋɗanəni.

Hənhən 1:10

Pay na Daya, Əmpəs adek akawa, yaŋ nəprəm wəla ɗəf dərɓagaw dayadaya, də ɓaɓəlman va gozloro,