Məsdəlveŋge 23:1 - Bible en Guidar

¹ Yawe apel sənək Moyis amna:

Məsdəlveŋge 23:1 Iomraidhean Croise

1Alabaraɗe Də Mabərkiziti 23:31

Də wəza nawda əvəl nawzla kurmbuɗuk sən Yawe pakə, aka pay naffete, aka təlaper, gəm wəzləreɗi, va məziwgən wəŋɗa net naɗɗa ɗayɗay aba Yawe.

2Alabaraɗe Də Mabərkiziti 2:4

Ya gəla nədaŋgəla ərkaŋ na, wasan metiŋgini, vi Maŋgəlva nam metiŋgini daykiyit meŋgilveɗ pakə.

2Alabaraɗe Də Mabərkiziti 8:13

ədan də pay nani, əzban aza mahenziŋ Moyis aɗi aket payɗe naffete, aka əzləra na təlaper gəm aket əzləreɗ gugriɗ hoku naddəv əzva: əzləra na peŋ məza wuɗo ɓa, əzləra na lumu taka buhul gəm əzləra net guɗukɗe.

Isaya 1:13

Məppan gabba əkisu əvəl məza tay də ətərwəray ɓa, əzla tursan, nan nəzelike; təlaperi, pay naffete ətəlma na wəkkal metiŋgini, zəga ɗari azawa, nətaf na əkkal nokum naɗɗa mbəraynəŋ ɓa.

Ezekiyel 44:24

An dolgoy tay, ndəɗaŋ nawtawnən wən nani; ətawwən na, va aza ətawwən naw adawtawən wəna; dərmeningin tiveɗ naw gəm mahenziŋɗe naw aka wən net əzləreɗ naw pakə, dəɗinəngən pay naffet naw va zəga na mahenziŋ.

Ezekiyel 45:17

Əvəlnawzla-kurmbuɗuk aka məlĩ adawsani, əvəl də zəga na mabardaw gəm zəga nawsa, pay net wəzləreɗi, wəzləra na təlaper, pay naffete, pay net wəzləreɗ na Israyel pakə; məlĩ yi dədawtaw zəga nawzaɓ-Maŋgəlva vi navvuyon mambray də zəga na mabardaw, zəga na əvəl nawzla kurmbuɗuku, əzaɓ-Maŋgəlva nawki zazaya, vi kaɗɗa mahenziŋ navvuyon mambray naket ɗiy na Israyel.

Ezekiyel 46:11

Pay net wəzləreɗi gəm əkkal na paya, əvəl də zəga na mabardaw wasan na gəpa maway taka ammba medgeɗge taka, maway taka əmpa ammba ndargayã taka; net kirit timeŋgiɗi, dəsangən əvəl səvani; dəwəl sən mẽl na, litər sləre vi maway taka pakə.

Məsdəlveŋge 22:33

In məs nəgilgukum səka dələv na Eziptə vi nəsaw sukumgən Maŋgəlva, intə Yawe.»

Məsdəlveŋge 23:2

«Apel sit mə Israyelɗe; anah sit na: wəzləreɗ na pay na Yawe na, ndəɗaŋgə məs kədawyaŋ əkkal salala dəpaska. Əkkalɗe na pay an nalma də in yeŋki:

Məsdəlveŋge 23:44

Yaŋ kan Moyis anah sit mə Israyelɗe va mbar adalmaŋ də Yawe pay net wəzləreɗ en na pay di.

Əŋɗa 15:3

an kawvəlaŋ sənən Yawe də zəga nawzəm an məzlan dəzle va əvəl nawzla kurmbuɗuku awaniɓa əzaɓ-Maŋgəlva naknahan əswaya, awaniɓa əvəl an dəsil sə makra ɗəfa may ammbet wəzləreɗi, ammba əzaɓ-Maŋgəlva vaska, vi məŋgənən dəffetengən makra Yawe na, kəweleŋgən zəga mamayã metiŋgini awaniɓa muzliya.

Galatiyen 4:10

Munokum tat əɓe sit əsɓəteɗi, təleɗe, paya, gəm əzveɗe meɓɓeti.

Kolosi 2:16

Ɗəf adawtaw wən akokum aka wən na waya, aka wən na əsa, aka wən na əzləra, aka wən na təlaper awaniɓa aka wən na pay naffet ɓa.