Məsdəlveŋge 20:2 - Bible en Guidar

² «Kənah sitgin mə Israyelɗe na: Ɗəfa, ɗəf sə weleŋgit mə Israyelɗe awaniɓa molhõyõ dəsan a Israyel, an agəmək taka səret kirtin apsən Molek, kawbayni yi: ɗiy naka dəlvəs dəskanəngən dit gərmeŋge;

Məsdəlveŋge 20:2 Iomraidhean Croise

1Milyeŋge 11:7

Yaŋ Salomoŋ arkə gəlamatuya aka mossorgo aba Yerusalem sən Kemos, zəga narba wil na Mo'ab, gəm sən Molek, zəga narba wil net mə Ammonɗe.

2Milyeŋge 17:17

Azletinik kirtit mezeŋgleket dit muguluŋgit akoffo; awlaŋgək heligi, askaŋgək pəɗe. Appanənək zit sən əɗɗa mbərayən a mahara Yawe kawdan sən gədəvni.

2Milyeŋge 23:10

Arnokonək Tofet na walaŋ na Ben-Hinnom, vi ɗəf adawzla wətən mizilin may muguluŋgut aka iya na Molek ɓa.

2Alabaraɗe Də Mabərkiziti 28:3

Azlək tursan a walaŋ gərəm na Ben-Hinnom gəm azlə kirtin akoffo, əzban zəga nawla gəbay net ɗiy-ɗar məs Yawe arɓah səbet mə Israyelɗe neki.

2Alabaraɗe Də Mabərkiziti 33:6

Azle kirtin akoffo a walaŋ na Ben-Hinnom; awələk heliki, agəɗək tetele, agəɗək garzlaw, ayək məsvevɗe, apelik ma na zeŋgile. Awanək əɗɗa zəga mbərayən ama hara Yawe vi kawdan sən gədəvən.

Gəlyaɗe 106:38

Aggbo'inik mbel net ɗiy en slamma, mbel net kirtit mezeŋgleket dit muguluŋgiti azaɓaŋ-Maŋgəlva sit meŋgilveɗ net mə Kana'anɗe, yaŋ dələv arnok dit mbel lokloku.

Yeremiya 32:35

Arkaŋgək gəleɗe-nettuyeŋge sən Ba'al a walaŋ na Ben-Hinnom kawzi mbelit kirtit mezeŋgleket də an net muguluŋgit sən Molek. Zəga məs in nəɗi sit wən nan ɓa; əɗɗum nan dəde ɗah a makraw ka kaɗɗa zəga daryawəs kamzlahgən Yuda əɗɗa mambray ɓa.

Yeremiya 7:31

A walaŋ na Ben-Hinnom, arkaŋgək gəleɗe-nettuyeŋge Tofet, ka kawzla kirtit mezeŋgleket dit muguluŋgit adak akoffo. An məs nəɗi wən nan ɓa, əɗɗum nan dəde a makraw ɓa.

Ezekiyel 20:26

Nərnoketik dit əvəlɗe net məs dədaɗɗa dətawnəngən wəlet tiziɗe net sən tuya; vi nəppetgən əzəmsahã, ka dəsənnəngən na intə Yawe.»

Ezekiyel 20:31

Pay kəkinin əvəlɗe nokum, pay kədawzlenin kirtukum akoffo, zukum kədarnokonən dit meŋgilveɗ nokum pak hã dəpaŋka! Naw wanəppan zu kəssohõwəngən sa mə Israyelɗe? Va nəsaw madarawa. Daya Yawe aɗiymani, nəppan zu kəssohõwəngən ɓa.

Ezekiyel 23:37

Vi akuwaŋgək a gizbe, aziyaŋgək mbel də veti, akuwaŋgək a gizbe dit zəgeɗmeŋgilveɗ neti, apsitinik kirin awaŋ suwən dayday ka əzəm neti.

Ezekiyel 23:39

Pay atawnin wəlet kirtit sit zəgeɗmeŋgilveɗ neti, dəpaska'e atoŋgoŋ addəv gəla naw vi kawraygəni. Awle vas aɗɗaŋ addəv gəla nawa.

Məsdəlveŋge 17:13

Ɗəfa, ɗəf səmmbet mə Israyelɗe awaniɓa molhõyẽɗ dəsan awaleŋti, ambatək hellekki, an arəmək slu nawra awaniɓa bəŋga məs nawzəma, asna dəggbogin mbelin afuŋ dəndəkgən kiyit də burɗuku;

Məsdəlveŋge 17:15

Ɗəf awan di pak səmmbet kirtindəlva awaniɓa molhõyõ, dəzəm zəga məmtəni awaniɓa məpesekeni dəskoɓgin lukutɗe nani, dəslslaygən aret iŋkile, wasan də heslepe gap moskoyo; asna wasan salala.

Məsdəlveŋge 17:8

Kənah sitgin əmpa na: Ɗəfa, ɗəf səmmbet Israyelɗe awaniɓa səmmbet molhõyẽɗ dəsan awalaŋkumu, məs dəzaɓ-Maŋgəlva də əvəl nawzla kurmbuɗuku awaniɓa əzaɓ-Maŋgəlva

Məsdəlveŋge 18:21

Kədapsən wutuk vi kawzlan sən Molek ɓa, kədawraygən iya na Maŋgəlva nok ɓa. Intə Yawe.

Məsdəlveŋge 20:1

Yawe apel sənək Moyisi:

Məsdəlveŋge 20:27

An ɗəfa awaniɓa gulku appanək kizən sit heligi, kawbeyti; kasketi dit gərmeŋge, mbel net wamndoŋ aketi.»

Məsdəlveŋge 24:14

«Məgilgin ɗəf məs dərawəs sə dibirgidiki, ɗiy en dəprəmən pak dəɗiyin vet aka kini, asna əsap net ɗiy pak dəskanəngən dit gərmeŋge.

Məsdəlveŋge 24:16

vaska'a də ɗəf dəpel mbərayən aka iya na Yawe, kawbayni yi: gboŋ net ɗiy pak dəskanəngən dit gərmeŋge; molhõyõ awaniɓa wətdəlva, kawbayni vi apel mbərayən aka iya na Maŋgəlva.

Məsdəlveŋge 24:23

Vaski Moyis apel sit mə Israyelɗe. Yaŋ kan məgilgin ɗəf məs dəran Maŋgəlva nak sə dibirgidiki, məskan dit girməŋge. Mə Israyelɗe aɗɗanənək an Yawe aɗi wən nan sən Moyisi.

Wəza net Masləŋɗe 7:43

Kəslanənək gizlirke na Molok, gəm ŋgərzla na maŋgəlva nokum Rayfan, zeŋgilet zəgeɗ məs kəzaɓaŋ vi kappu' abeti, ya wanəsimgukum bal sən Babilon.

Əmsak aka Mahenziŋ 12:31

Kədaɗɗa vas sən Yawe Maŋgəlva nok ɓa; vi zəga daryaw an Yawe azel pakə, anan aɗɗaŋ sit meŋgilveɗ neti, vi tahəŋ əzlennin kirtit mezeŋgleket dit muguluŋgit dayday akoffo sit meŋgilveɗ neti!

Əmsak aka Mahenziŋ 17:2

An ɗəf mizilin awaniɓa gulku, tay a walaŋkum addəv walaŋgəla səmmbet en Yawe Maŋgəlva nok apsuko, tay əɗɗa zəga mbərayən a mahara Yawe Maŋgəlva nok də wəggar ki wənmiyna nani,

Əmsak aka Mahenziŋ 18:10

Ɗəf adawsan məzaɓ-Maŋgəlva də wətəni awaniɓa dət wətəni, məgəɗ tetele, məpel dit məsvevɗe, məgəɗ sekene, may məsgarzlaw sərokum ɓa.

Əmsak aka Mahenziŋ 21:21

Zel na walaŋgəla nananda pak dəskanəngən dit gərmeŋge dəmtəgəni. Vas kədawzargən mambray sənokda; mə Israyelɗe pak an aprəmnənka, wageslne'eŋgi.

Əmsak aka Mahenziŋ 22:21

kawkəti a memeŋgle na afəta; ɗiy na walaŋgəla nat dəskətəngən dit gərmeŋɗe, hã ndət zamə, vi təgəɗək zəga narba wil aka dələv na Israyel, də wəɗɗa polkoyo eŋgil ana afətda. Vaski kədawgilgin mbərayən sə walaŋkum.