Məsdəlveŋge 2:3 - Bible en Guidar

³ An dəpəl səddəv əvəl vani, ka na Aron dit kirtin adawsani; səza hara way salala məzlan na Yawe yi.

Məsdəlveŋge 2:3 Iomraidhean Croise

Ezra 2:63

Guverner anah sit na, adawzəmaŋ way na mahenziŋ ɓa, hã gap məsdələv dulagən wən nan də Urim gəm də Tummim tagay.

Əgilye 29:37

Pay buhul kədazban mahenziŋ navvuyon mambray aka təki nawzaɓ-Maŋgəlva, kəwelgin dəsangən təki nawzaɓ-Maŋgəlva salala an faɗə, an dərəŋgən matuya pak wasan salala.»

Ezekiyel 44:29

Ndəɗaŋ nawzəmnən əvəl na zəga na mabardaw, əzaɓ-Maŋgəlva navvuyon mambraya, əzaɓ-Maŋgəlva nawzaɓan wəna: an məɗiyən viyu a Israyel pak dəsangən ka neti.

Ezekiyel 46:20

Yaŋ aɓsu na: «Aŋki təki məs məsdəlveŋge adawzaɓən-Maŋgəlva nawzaɓan wəna gəm əzaɓ-Maŋgəlva navvuyon mambraya, adak adawdanən əvəl də zəga na mabardaw, vi adawgilyen a meŋgle kaslsləret ɗiy ɓa.»

Məsdəlveŋge 10:15

Mettile nawgəma gəm makran nawzokon səddəv way na səlhã nahhəta, wakinən kawzokon aba Yawe; sədərɓagan na wakkpaŋgan ka zəga məpsuk faɗə gəm sit kirtuko va Yawe aɗi wən nani.»

Məsdəlveŋge 14:13

Dətawgən wəlat ndargayãk van a təki adatawaŋ wəla zəga na matuya vi mambraya gəm matuya nawzla kurmbuɗuku, a matuya; arbək na matuya nawzaɓan mambray tay va matuya vi mambraya: kana məsdələv adawsani; zəga an salala yi.

Məsdəlveŋge 2:10

An dəpəl səddəv əvəl vani, ka na Aron dit kirtin adawsani; ndəni way an salala day vi səza əvəlməzlan-kurmbuɗuk sən Yawe yi.

Məsdəlveŋge 21:22

Waɓap əzəm zəga nawzəm na Maŋgəlva nani, an salala diyɗa gəm an salala.

Məsdəlveŋge 5:13

An məsdələv aɗɗak mahenziŋ navvuyon mambray akan vi mambray taka an agəɗ səmmbet zəgeɗiski, mambray nan wavviyə. Məsdələv dəzban mahenziŋ va na mahenziŋ na əvəla.

Məsdəlveŋge 6:9

An dəpələ, Aron dit kirtin dəzəmnəngəni; dəzəməngən aka təki na mahenziŋ məza wuɗo aran ɓa; dəzəməngən a daŋgla na gizlirke nalma də Maŋgəlva;

Məsdəlveŋge 7:7

Va əzaɓ-Maŋgəlva na mambraya vaski əzaɓ-Maŋgəlva nawfaɗ aka mambraya: əzaɓ-Maŋgəlva nan takay viyit sulegit pakə. Zəga na əzaɓ-Maŋgəlva vani, kana məsdələv dəzaɓ-Maŋgəlva navvuyon mambray adassani.»

Məsdəlveŋge 7:9

Əvəl na zəga na mabardaw an mədan aka gulo pak gəm əvəl an mədan addəv mesteɓe awaniɓa a kazliya kana məsdələv məs dəɗɗa adassani.

Əŋɗa 18:9

Haran nok yaŋ səza əvəl an dit zəgeɗ na matuya, məs məzleti ɓa: əvəl baymani, va ənəh na əvəl an də gəpa baymani, əzaɓ-Maŋgəlva vi mambray baymani gəm əzaɓ-Maŋgəlva nawsler bayman məs afaɗaŋ suwəni; zəgeɗ na əvəl an nawzaɓ-Maŋgəlva əs na, nokuməŋgə is dit kirtuk mezeŋgleketi.

1Samiyel 2:28

Səddəvit mahəlfaɗe na Israyel pak anan nəwel dəsangən məsdələv nawa, naddan a matuya, kawzla tursan, nawgul lukut na məsdələv abawa. Əvəl məhhətən an ɗiy na Israyel adawvayaŋ pak nəpsənək gəla na afuko.