Məsdəlveŋge 14:3 - Bible en Guidar

³ məsdələv dəgilgin a mapoho na dibirgidiki, dəsəŋgləkangəni. An kokolo nazan van anzaɗka,

Məsdəlveŋge 14:3 Iomraidhean Croise

2Milyeŋge 5:14

Yaŋ asərehi, atəp a Yurden təl buhul va ɗəf na Maŋgəlva nak anah səni. Gəɓa zən akkpaŋ va na wiyən musɗuko, abburko.

2Milyeŋge 5:3

Tənah sət ga Na'aman nak na: «Eh! Va nawka daya naw aba məskəleŋ na Samari tay kəta na! Wabbur sən kokolo səzani.»

Ɗerewel na Yob 5:18

Vi waɗi vaŋviya, waynani, waŋzlani, van dədanzaɗən.

Əgilye 15:26

Amna: «An kəprəmək ma Yawe, Maŋgəlva nok moggoni, an kaɗɗa zəga təstəs ama harani, an is tat əpak sləmok ammba əpel na ənziya, an is tat ərma wən an aynə pakə, gbəgba nəki aket mə Eziptiɗiŋ ade na akok ɓa, vi intə Yawe nawmbəlguko.»

Məsdəlveŋge 13:2

«An ikslife, mərsla awaniɓa zəga kiɗivir məzəwiɗ gəɗokko tay aka gəba zə ɗəfa, ya an akkpaŋgək huwwa va kokolo aka gəba zə ɗəfa, asna kəkanəngən sən məsdələv Aron awaniɓa sən taka səret məsdəlveŋge kirtini;

Məsdəlveŋge 13:46

də heslepe yi an gbəgba' məgəɗ heslepes tay azani; dəsangən takərgən a mapoho na dibirgidiki.»

Məsdəlveŋge 14:48

Ya an məsdələv atoŋko, asəŋgləkanək na tellef dənzlər aza gəla van sədərɓaga məmsak əkkəɗən ɓa, məsdələv dərbangən na gəla van salala yi, adan məbburni kokoklo vani.

Matiye 10:8

Məmbəlgit məs gbəgbaɗe, məsilgit ɗiy məmtiti, məbbur məskokoleɗi, mərɓih tuyeŋɗe. Mekeleŋ kərəhəni, məpsit mekeleŋ tamə.

Matiye 11:5

Deŋgerɗe tay ulaŋgə, vədalɗe tay ədawaŋgə, məskokoleɗ abburoŋko, goryomɗe mərma hərzlumit tay əprəmaŋgə, ɗiy mimtit asilyoŋko, məs sahẽŋɗe tamə tay əprəmnən Wən Neneke.

Luka 4:27

Məskokoleɗ tahəŋ diyɗa a Israyel aka pay na məskəleŋ Elisa. Ya tətaka naret tay dəmbəl ɓa, abbər Na'aman mə Siri ɓa ɓa.

Luka 7:22

Yaŋ azlan sit maslənɗe na Yohanna nek na: Məddoŋ mənah an kəprəmaŋ də an kulaŋ sən Yohanna: Deŋgerɗe tay ulaŋgə, vədalɗe tay ədawaŋgə, məskokoleɗ abburoŋko, goryomɗe mərma hərzlumit tay əprəmaŋgə, ɗiy mimtit asilyoŋko, məs sahẽŋɗe tamə tay əprəmnən Wən Neneke.