Məsdəlveŋge 10:9 - Bible en Guidar

⁹ «An munokum tat əddoŋ a gizlirke nalma də Maŋgəlva, isi dit kirtuko, kədawsaŋ biya genegene may məhəsən ɓa; vasna kəmtaŋ na ɓa. Mahenziŋ məs addəɗ ɓa vikumi yi faɗə.

Məsdəlveŋge 10:9 Iomraidhean Croise

Əgilye 27:21

Addəv gizlirke nalma də Maŋgəlva, aba gabaga məzlzlarən dəɗaman akoti na wənmiyna, may Aron dit kirtin waɗiynən dəzləgən də moskoy hã təki dadaŋ aba Yawe: Mahenziŋ məs addəɗ na ɓay ammba sayit mə Israyelɗe faɗə.

Wənməkkpaŋga 20:1

Mbazla akkpaŋgan ɗəf məmas aka ɗəfa, mbazla tatrah tam məklopo; dəppan zən sit pak asan na məsmaɗɗula ɓa.

Isaya 28:7

Məsdəlveŋge dit məskəleŋɗe pak tay əttapaŋ sən wən na mbazla tay əzaŋ sən əbay na mbazla, mbazla abeyike, tahəŋ gərəŋgərəŋ sən mbazla, tay əzaŋgə, awlanən an dədaɗɗa ɓa awɓapaŋ wətawwən ɓa vi mbazla abeyike.

Ezekiyel 44:21

Məsdələv pak adawsa mbazla an watoŋ a daŋgla ɓa.

Hose'a 4:11

Polkoyo gəm mbazla də an na meketepe pak azlzlaɓanən ki ɗəfa.

Məsdəlveŋge 10:8

Yawe apel sənək Aron dawnah na:

Məsdəlveŋge 3:17

Mahenziŋ aska, aŋga kəssoŋ pak na wasan faɗə: səlhã pak dit mbel pak na, kədawzəmaŋ ɓa.»

Əŋɗa 6:20

Məsdələv dərbetgin sən Yawe də əzoketi; zəga na matuya məs nawsan ka na məsdəlvi yi, sap aza makran məs adawzokon naka gəm mettile məs adawgəma. Səɓɓa asna, məwele na Daya van waɓap əsa mbazla kana.

Əŋɗa 6:3

asna adawsa mbazla na megezlembirke may zəga məhəsən ɓa: adawsa moɗokroy ɓa gəm zəga nawsa məhəsən ɓa, adawsa mbazla na megezlembirke məɗotit ɓa, adawzəm kirtin megezlembirke məddəketi may məkliwit ɓa.

Luka 1:15

Vi wasan metiŋ aba Daya. Asə na mbazla net megezlembirkeɗ ɓa, mbazla məhə̃sən ɓa. Waknah də zeŋgile salala səddəvət mani.

Efesus 5:18

Mbazla adawbaykum ɓa vi ndəni məzlaɓan maɗɗula ɗəfa. Ya məssoŋ məknahkum də Əmpəs na Maŋgəlva.

1Timote 3:3

Adawsan ɗəf məs dəppan ki zən sən mbazla ɓa, adawsan məŋgəl əgay ɓa, dəsan makran zayə, adawsan məkaymama ɓa, awaniɓa məŋgəl deleɗ diyɗa diyɗa ɓa.

1Timote 3:8

Vaski yi'e məzəbbahaŋgə, dəssoŋ də maɗɗulet moggoni, adassoŋ matakatakeɗ ɓa, adappanən kiyit sən əsa mbazla diyɗa ɓa, awaniɓa məzəŋgla ərəh net wil ɓa.

1Timote 5:23

Kədawsa iŋkile kaka ɓa, dəɗah asə mbazla siɗikke siɗikke, vi wən na gədəvkuŋka gəm viyit gbəgba'ɗe nok ɗarɗarəŋka.

Titus 1:7

Vi aslək məzutaɗa net məkristuɗe dəsangən məza də wən akan ɓa, vi ndəni məzudawgən wəza na Maŋgəlva. Adawsan ɗəf məzukaɓ ɓa, mədəgədəv ɓa, dəppan kiyən sən mbazla ɓa, məŋgəl əgay ɓa, məs mamayã na ərəh net wil ɓa.