Məsdəlveŋge 10:3 - Bible en Guidar

³ Moyis anah sənək Aron amna: Aŋki məs Yawe apel anah na: Salala naw warbə azet ɗiy nazawa, kawgagdakawi a maheret ɗiy pakə. Yas Aron asan ɓatə.

Məsdəlveŋge 10:3 Iomraidhean Croise

Va'Atəŋ 18:25

Dəslə kəgəɗgən vas kəta ɓa! Əzan ɗəf təstəs də an dəraygəni? Ɗəf təstəs də an dəraygən pak məstaka sa? Dəsle sle'sa ɓa! Mətawwən naka dələv gboŋ dayday aɗɗa na də tive təstəs ɓa sa?»

Ɗerewel na Yob 2:10

Azlan sət na: «Is tat əpel va ɗak mətemta. Mənam tat ətaf zazay səva Maŋgəlva ya tatwãh na, vimi nan mawtafən ɓa di?» Addəv as pak Yob dəzlzlaɓ də əpel na man ɓa.

Gəlyaɗe 119:120

Sluw zu tay əkker sən geslne noko, makraw tay əzlah sən ətawwən nok temtemi.

Gəlyaɗe 148:14

Asilgənək kiyit ɗiy nani. Məs dətafən pak waɗinən kini, mə Israyelɗe, ɗiy nazan go'o! Məɗi ki Yawe!

Gəlyaɗe 39:10

Nəmpanək mawa, nəkol na əmpa ɓa, vi istə kəɗɗa.

Gəlyaɗe 39:9

Abitu səza əɓoŋ naw pakə, kədakkpaŋgaw ka zəga nawrah na dərwa ɓa.

Gəlyaɗe 46:10

Aziwginik əgay səmmba dələv gboŋgu, aŋzluwək bəle nalpa, akployə̃k tulhõ, aɗi sitik offo sit mawteɗ nawgaya.

Gəlyaɗe 89:7

Naway a disiŋ nawslan də Yawe di? Naway dəgil səɗek səret meŋgilveɗ va Yawe di?

Gəlyaɗe 93:5

An kəziwgən sessel gesiŋgi. Gəla nok salala yi, Yawe, pay pak Maŋgəlva kənani.

Əgilye 14:17

Naw na, wanəɓɓəlan mekret mə Eziptiɗ dəsereheŋgin ammbeti, vi nəgagdakangən kizu aka Farawən də gbogboŋ nani, mawteɗ nani gəm dulaɗe nalpa nan pakə.

Əgilye 14:4

Wanəɓɓəlan makra Farawən, dərɓeget na, wazbeti. Ya wanəgagdakan kiyu aka Farawən də gbogboŋ nan pakə, vasna mə Eziptiɗ wasənnən na, intə Yawe.» Aɗɗaŋgə vaska.

Əgilye 19:22

Məsdəlveŋge dədawzaraŋ go'o aza Yawe na, dubburun ziti vi Yawe adawbeyit ɓa.»

Əgilye 19:24

Yawe anah sən na: «Amsak apriki, sissiŋ kəpeŋgeŋgən də Aron matakə. Məsdəlveŋge dit ɗiy na, adaggaraŋ kakara kiyit meŋge vi kawpeŋ aza Yawe ɓa, vi adawbeyit ɓa!»

Əgilye 30:30

Kəppay sitgin may Aron dit kirtini, kəpeslgin vi dəɗɗaŋ sugən wəza na məsdəlva.

Isaya 39:8

Hizkiya aɓsən Isaya na: «Əpel na Yawe kəpeləs na lewi.» Anah əmpa na: «Ya aka pay naw na, zazay də əssa fendeŋ dədawsan ɓa sa?»

Isaya 49:3

Aɓsu na: Istə gawla nawa, Israyel də is nədarban gagdak nawa.

Isaya 52:11

Məddoŋgu, məddoŋgu, migil siske! Kədawrəŋgənən zəga mərnokun ɓa. Məgil səddəvən. Məbbur zukum mənokum məsletin zəgeɗ na wəza na Yawe.

Ezekiyel 20:41

Də məŋgən tursan naffeten makrawa, wanətafkum, pay nədawgilgukum sə weleŋgit ɗiyi, wanəkkalokum səket dəlveŋge məs mətəraygukum aketi. Wanərban salala naw də mənokum ama heret ɗiy-ɗarə.

Ezekiyel 28:22

Kənahgən na: Vaŋ Daya Yawe anahə: Sidon in yakəŋ əzzaw akoko, wanəgagdakan zu addəvko, asna kawsənni na intə Yawe pay nədawtawwən akoko; vasna wanərban salala naw addəvko.

Ezekiyel 38:16

Wakəde aket ɗiy naw mə Israyelɗe va slaybuwən kawgul dəlva, addəvit əvoŋɗe nabe adawsani. Wanəkiyuk əgul dələv nawa. Vasna ɗiy-ɗar wasənwən pay nərban salala naw azok a mahereti, Gog.

Ezekiyel 40:46

Gəla məs haran ta' də disiŋ tamə, net məsdəlveŋge məzəɗɗaŋ wəza aka təki nawzaɓ-Maŋgəlva yi; kirtin Sadok en səret kirtin Levi en go'o aza Yawe nawgəɗ sən wəza.»

Ezekiyel 42:13

Ɗəf nak aɓsu na: «Giziŋɗe na kəla disiŋ gəm giziŋɗe na kəla dohoŋ dəziynən heret aka daŋgla, giziŋɗe na salalaŋgə, adak məsdəlveŋge məɗɗaŋ wəza aba Yawe adawzəmin zəgeɗ en salala diyɗa. Adak adawziynin zəgeɗ en salala diyɗa, əvəl na zəga na mabardaw, əzaɓ-Maŋgəlva navvuyon mambraya gəm əzaɓ-Maŋgəlva nawrəh zazaya, vi təki nan salala yi.

Məsdəlveŋge 21:15

Vasna araygən na mahəlfa net ɗiy nan də uwa nan ɓa. Vi in Yawe nəɗiya.»

Məsdəlveŋge 21:17

«apel sən Aron na: va sayit kirtuk adawsan pak, an tay də zən kpik ɓa na, adadder əpsən zəga nawzəm sən Maŋgəlva nan ɓa.

Məsdəlveŋge 21:21

Uwa na məsdələv Aron naddəv tay dədazzan əki way məhhətən sən Yawe ɓa; adan kpiki ɓa, adawki əzəm sən Maŋgəlva nan ɓa.

Məsdəlveŋge 21:6

Wassoŋ məwelit sən Maŋgəlva neti, adawraygənən iya na Maŋgəlva net ɓa; adan ndəɗaŋ dədawkinən way məhhətən sən Yawe, əzəm na Maŋgəlva neti, dəssoŋgən salala.

Məsdəlveŋge 21:8

Kəɗigən ka ɗəf salala, vi ndən dədawka zəga nawzəm sən Maŋgəlva noko; məza heslepe ɓa kədawlani, vi ndəni dədawki way sən Maŋgəlva noko; dəsangən salala azoko, vi salala nan in Yawe məzəkkpaŋgokum salalaŋka.

Məsdəlveŋge 22:9

Dərmanən an nawɓesəni gəm dəslanən ziti, vi adawslaŋ mambray sən wən na zəga nawzəm net ɓa; an araygənənka, wamtaŋgə; in Yawe tə nakkpeŋget məza heslepe ɓa.

Məsdəlveŋge 8:35

Wakəssoŋ ama gizlirke nalma də Maŋgəlva dəfəɗ də kapaya addəv pay buhulu. Vasna wakəɗɗaŋ wəza na Yawe məza kəmtaŋ na ɓa. Aski an məɗi su wən nani.»

Əŋɗa 16:5

Yaŋ aɓsən Kore də dula nan na: «Pummo də mompumo na, Yawe warban na, naway nan di, naway məza heslepe azan ɓa di, gəm naway məwelin nadder azan di; ɗəf an məwelin na, wataf dəddergən azani.

Əŋɗa 20:12

Yawe aɓsit may Moyis də Aron na: «Adan kəprəmnən maw ɓa, kərbanən təstəs naw abet mə Israyelɗe ɓa na, asna kəkenin na aka dələv məs nədapsitiŋ ɓa.»

Matiye 10:37

Ɗəf an dəŋglu afəni awaniɓa man day kiwa, dədah azaw ɓa. Ɗəf an dəŋglu wətən mizilin awaniɓa məguluŋgut day kiwa, dədah azaw ɓa.

Yohanna 12:28

Əbba, agagdakan iya noko! Əpel kan pay sə disiŋ na: Nəgagdakanəka, wanəgagdakan əmpa.

Yohanna 14:13

An məs kəssohoŋ də iya naw pak, wanəɗa, vi Afən dəsangən məgagdakan addəv Wətəni.

Əmsak aka Mahenziŋ 32:51

vi kəgbakənək maw aweleŋgit mə Israyelɗe, aka wən net iŋkile a Meriba gu'o də Kades, a kapta-muyã na Sin, pay dəpas na, kərbanən salala naw aweleŋgit mə Israyelɗe ɓa.

2Tesaloniki 1:10

pay adazzan vi kawgagdakan a walaŋgit ɗiy nan salala pakə gəm kawɗi kiyən a walaŋgit en dətafaŋ pakə. Vi kətafənək əpel namə, aka pay mərban sukum vanəska.

1Piyer 4:17

Vi pay agapək məs ətawwən adawtəŋ də gəla na Maŋgəlva. Ya an atəŋgək də mənam na, mbari əgrak net ɗiy məs dətafən Wən Nenek na Maŋgəlva ɓa di?

1Samiyel 2:30

Vini Yawe Maŋgəlva na Israyel aɗiymani, nənahək lahəŋ na: Gəla nok də gəla na afuko wadawaŋ abaw faɗə. Ya kakaŋ na arayka, Yawe aɗiymani! Vi naw na wanəɗi kiyit məzuɗiynən kiywa, wanəzelet məzelewən tamə.

1Samiyel 3:18

Samiyel aboton sənək əpel nan pak dəɗaman sən ɓa. Amna: «Ndəni Yawe, dəɗɗa an moggon ama haran pakə.»

1Samiyel 6:20

Zel na Betsemes aɓɗaŋ na: «Naway dədawɓap əziw aba Yawe, Maŋgəlva salalaŋ di? Ana nawada mədawkan səzam di?»