Məsdəlveŋge 10:1 - Bible en Guidar

¹ Nadab də Abihu, kirtin Aron, naway pak dət kasliyək nani, asɗaŋgək offo addivti, aziyən telembe nawzla a matuya aka offo məza salala yi ɓa məs məɗi siti wən nan ɓa, kawvəl sən Yawe.

Məsdəlveŋge 10:1 Iomraidhean Croise

1Milyeŋge 18:38

Offo na Yawe abətka, ahhətək sluwa, sesemeɗi, gərmeŋge neki, burɗuku, gəm akorɓetik iŋkile sə vov neki.

Gəlyaɗe 141:2

Wəkkam naw dəsan abok va tursan, vaw an nəsilgəni, agilik va əvəl na moskoyo.

Əgilye 24:1

Yawe aɓsən Moyis na: «Apeŋ azawa, isi, Aron, Nadab gəm Abihu, dit ɗiy məsɓet net mə Israyelɗe kaklaw buhulu, kəgdukoŋgən kup səka faraɗa.

Əgilye 24:9

Moyis apeŋke, vaski Aronə'e, Nadab gəm Abihu, dit ɗiy məsɓet na Israyel kaklaw buhul neki.

Əgilye 27:3

Kərkəgən kasliɗe na moŋglo na təki nawzaɓ-Maŋgəlva, ziginɗe, məɗawaɗe naksu' mbeli, zəgeɗ ma yorkok nampa sluwa, met kasliɗe; də təbəz pepreŋ kədaɗɗe zəgeɗis pakə.

Əgilye 28:1

Agim may məlmuk Aron, gəm kirtini, sə weleŋgit mə Israyelɗe, dəɗɗaŋ suwəngən wəza na məsdəlva, Aron, Nadab, Abihu, Ele'azar gəm Itamar, kirtin Aron.

Əgilye 31:11

Mẽl nappay na mahenziŋ, tursan nawzla na gəla na Maŋgəlva, va nəɗi suk wən nan pak adaɗɗanəni.»

Əgilye 37:29

Agəɗək mẽl nappay na mahenziŋ salala, gəm tursan nawzla saksakə, as wəza na mədə tursani.

Əgilye 38:3

Aɗɗek zəgeɗ na təki nawzaɓ-Maŋgəlva, kasliɗe na moŋglo, ziginɗe, məɗawaɗe naksu' mbeli, zəgeɗ ma yorkok nampa sluwa, met kasliɗe, də təbəz pepreŋ aɗɗe zəgeɗis pakə.

Əgilye 40:27

Azlak tursan akan va Yawe aɗi wən nan sən Moyis.

Əgilye 6:23

Aron agəmtək Eliseba, wətən Aminadab, məlmən Nason; tuwe sənək may Nadab, Abihu, Ele'azar, gəm Itamar.

Əgilye 8:27

Yawe aɗɗak va əpel na Moyis. Bembirɗe azaraŋgək səza Farawən faraɗa, səzet məɗɗaŋ wəza nan gəm səzet ɗiy nani. Tay dəpəl tətaka ɓa.

Yeremiya 19:5

Arkaŋgək gəleɗe-nettuyeŋge sən Ba'al vi kawzle kirtit ka əvəl nawzla kurmbuɗuk sən Ba'al. Nəɗi wən vas ɓa, nəpel vas ɓa, dəde ɗah vas a makraw ɓa.

Yeremiya 32:35

Arkaŋgək gəleɗe-nettuyeŋge sən Ba'al a walaŋ na Ben-Hinnom kawzi mbelit kirtit mezeŋgleket də an net muguluŋgit sən Molek. Zəga məs in nəɗi sit wən nan ɓa; əɗɗum nan dəde ɗah a makraw ka kaɗɗa zəga daryawəs kamzlahgən Yuda əɗɗa mambray ɓa.

Yeremiya 44:15

Ɗiy pak məs dəsənən na gil net tahəŋ əzlaŋ tursan sit meŋgilveɗ meɓɓeti gəm gil dəsapaŋ adak diyɗa, vasna ɗiy dəssoŋ də gəla a Eziptə pakə, a Patros azlan sənən Yeremiya dawnəh na:

Yeremiya 44:8

Mənokum tat ədansu gədəvu də wəza na vokum, mənokum tat əzla tursan sit meŋgilveɗ meɓɓet aka dələv na Eziptə məs kəddoŋ əssoŋ adaka, ka mənokum kawza ka kakkpaŋ zəga na mefɗeke gəm zəga na əra aweleŋgit ɗiy naka dəlva.

Yeremiya 7:31

A walaŋ na Ben-Hinnom, arkaŋgək gəleɗe-nettuyeŋge Tofet, ka kawzla kirtit mezeŋgleket dit muguluŋgit adak akoffo. An məs nəɗi wən nan ɓa, əɗɗum nan dəde a makraw ɓa.

Məsdəlveŋge 16:1

Yawe apel sənək Moyis dərɓaga əmta net kirtin Aron sula gala adawzaraŋ aba Yawe.

Məsdəlveŋge 16:12

dəndəgən slay offo nziliwnziliwi də kasliy səka təki nawzaɓ-Maŋgəlva naba Yawe naka gəm tursan nawzla mətakaɗən va ɗəf zloŋzloŋ sula, dəkegin balsən məzlzlara.

Məsdəlveŋge 22:9

Dərmanən an nawɓesəni gəm dəslanən ziti, vi adawslaŋ mambray sən wən na zəga nawzəm net ɓa; an araygənənka, wamtaŋgə; in Yawe tə nakkpeŋget məza heslepe ɓa.

Məsdəlveŋge 9:24

Offo agilik səba Yawe azlak əvəl nawzla kurmbuɗuku gəm səlhã naka matuya. Ɗiy pak awlanənka; aŋzlaŋgək vaŋvəl sən ənneke yas appu'oŋ afuŋ də ma gidifti.

Əŋɗa 26:61

Nadab də Abihu amtaŋka, vi azaɓaŋgək-Maŋgəlva sən Yawe aka offo an ɗarə.

Əŋɗa 4:18

«Kədawzanən zev Kehat əɗohən sə weleŋgit mə leviɗe ɓa.

Əmsak aka Mahenziŋ 17:3

yaŋ alə, agəɗ sit wəza sit meŋgilveɗ meɓɓeti, may appu' abeti, aba paya, aba təla awaniɓa aba dula na disiŋ pakə, zəga an nəɗi wən nan ɓa.

Əmsak aka Mahenziŋ 4:2

Kədawzleɓeŋ aka əpel nəɗi sukum wən nanəŋ ɓa. Kədawzlehẽŋ səzan ɓa, vi kawɓe' sən əpel na Yawe Maŋgəlva nokum məs nəɗi sukum wən nani.

Ibriɗe 9:4

də zəga nawzla tursan na meleŋge gəm akoti na wənmiyna məkkəɗ sən meleŋge. Addəv akoti vani, hinziw na meleŋge tay adak də manhu addəvən, gəm zleŋge məndəfən na Aron, gəm kalaɓɗe sula də wənmiyna aketi.