Məsdəlveŋge 1:9 - Bible en Guidar

⁹ dəskoɓəgən zəga naddəvən may tetewirge aret iŋkile, as kan na məsdələv dətosgən bayman pak aka təki nawzaɓ-Maŋgəlva. Aski əvəl nawzla kurmbuɗuku, way məzlan məzəffok nek aka Yawe.

Məsdəlveŋge 1:9 Iomraidhean Croise

Va'Atəŋ 8:21

Yawe affokuk məŋgənən hõyu, Yawe anah a makran na: «Nəzban na əraygən dəlvafuŋ ɗah aka batam ɗəf titir əmpa ɓa. Nəsənək na, əɗɗum na makra ɗəf titir pak, aka mbərayni far səka sawãni, səni yi nəzan na ɗah zəga madaran va nəgəɗəŋ əmpa ɓa.

1Alabaraɗe Də Mabərkiziti 6:34

Aron dit kirtin məzuzlaŋ zəga mətaw wəlan aka matuya nawzla zəga kurmbuɗuk gəm tursan aka matuya nawzla tursan, na wəza na təki an salala day gəm navvuyon mambray səka Israyel va Moyis məgəɗ wəza na Maŋgəlva aɗi wən nani.

2Alabaraɗe Də Mabərkiziti 4:6

Yaŋ məzaɓ əmpa, ŋgefleŋ kəlawə; məɗi sle' səzet aka dəzəŋ na Gəla na Maŋgəlva, sle' mambirgit aka zlaɓay nani, ammba wəza naskoɓ embesleke: adaki adaskoɓin zəgeɗ naɗɗa əvəl nawzla kurmbuɗuku. Dit iŋkile naddəv ŋgefleŋ metiŋgin nek tamə, məsdəlveŋge adaskoɓnən embesleke səzeti.

Gəlyaɗe 51:6

Azoki, azok kaka' nəgəɗ mambraya, nəgəɗək zəga mbərayən ama horoko. Təstəsi an kəpelke, kawzelen suki an kətawək wən nan ɓa.

Gəlyaɗe 66:15

Wanipsuk zəgeɗ memeyẽɗ məkirit naɗɗa əvəl nawzla kurmbuɗuku, sap də hõhõy na sluwit ndergeyẽɗi; wanətaw suk wəlet medgeɗgeɗe dit murgoŋɗe. Əziwe

Əgilye 12:9

Kədampernən madaran may mədan dəde ɓa, səbbər məpsan akoffo də kini, tetewirgeni, gəm zəga naddəvən ɓa.

Əgilye 29:18

Kəzlagən ndargayã van dəwənnan aka təki nawzaɓ Maŋgəlva. Ndəni əvəl nawzla kurmbuɗuk sən Yawe, məŋgənən dəffeten səngən makrani, nan way məhhətən sən Yawe yi.

Əgilye 29:25

Kətefgin səveti, kəzlagən aka matuya aka əvəl nawzla kurmbuɗuku, vi məŋgənən dəffeten səngən makra Yawe, ndəni way məhhətən sən Yawe.

Yeremiya 4:14

Askoɓ mbərayən sə mokroko, Yerusalem, vi kəkõhgəni. Hã gap dehey kədappan əɗɗum nok mbəraynəŋ di?

Ezekiyel 20:28

Nəkek aka dələv məs nəslan vawa, nəsway sit napsiti. Awlaŋgək mossorgo məɓayən may wəleŋɗe hirik-hirik pakə; azaɓənək-Maŋgəlva net adaka, aɗɗaŋ əvəl net nawdan gədəvuw adaka, aɗiynənək tursan naffeten makret adaka, afloŋgunək mbazla nawpesl net adaka.

Ezekiyel 20:41

Də məŋgən tursan naffeten makrawa, wanətafkum, pay nədawgilgukum sə weleŋgit ɗiyi, wanəkkalokum səket dəlveŋge məs mətəraygukum aketi. Wanərban salala naw də mənokum ama heret ɗiy-ɗarə.

Ezekiyel 40:38

Gəla mətawa taka man aka maddamba na zilleru, adak adaskoɓnən əvəl nawzla kurmbuɗuku.

Məsdəlveŋge 1:13

Dəskoɓəgən zəga naddəvən may tetewirge aret iŋkile, as kan na məsdələv dətosgən bayman pak aka təki nawzaɓ-Maŋgəlva. Aska əvəl nawzla kurmbuɗuki, way məzlan məzəffok nek aka Yawe iyi.

Məsdəlveŋge 1:17

Dəpəɗakgən sə walaŋ persleken pəɗak sula məza əboŋgon ɓa asna məsdələv dətosgən aka təki nawzaɓ Maŋgəlva aket motoffoɗe məkkpuɓit akoffo. Aska əvəl nawzla kurmbuɗuki yi, way məzlan kurmbuɗuk məzəffok nek aka Yawe yi.

Məsdəlveŋge 2:16

Asna məsdələv dəzlagən zəga naɗɗumoni, hay məsərotən siɗikke, mẽl siɗikke sap də zəga məffok nek pakə. Aski peŋ məhhətən sən Yawe.

Məsdəlveŋge 2:2

Dəkisitigin sit məsdilveŋge, kirtin Aron, dəndəgən gəpa kukuɗ van zloŋgu gəm mẽl nani gəm telembe nawzla na matuya pakə, asna məsdələv dəzlagən zəga naɗɗumonəs aka təki nawzaɓ-Maŋgəlva. As way məzlan məs məŋgənən nek aka Yawe yi.

Məsdəlveŋge 2:9

Səza əvələska məsdələv dəndəgən haran na zəga naɗɗumoni, məs adawzla aka təki nawzaɓ Maŋgəlva. As əvəl nawzla kurmbuɗuk məs məŋgənən nek aka Yawe yi.

Məsdəlveŋge 3:11

Asna məsdələv dəzlagən aka təki nawzaɓ-Maŋgəlva; aski peŋ məhhətən sən Yawe.

Məsdəlveŋge 3:5

Asna kirtin Aron dəzlanəngən aka təki nawzaɓ Maŋgəlva sap aza əvəl nawzla kurmbuɗuk məs dəsan aket motoffoɗe nakoffo neki; aski peŋ məhhətən məs məzəffok nek aka Yawe.

Məsdəlveŋge 4:31

Dətorgən səlhã nazan pak va adawtorun pay na əzaɓ-Maŋgəlva nawslere, məsdələv dəzlagən aka matuya ka tursan məzəffok sən Yawe. An məsdələv aɗɗak mahenziŋ navvuyon mambray aka ɗəf an dəgəɗ mambraya, mambray nan wavvuyu.

Məsdəlveŋge 6:14

Də mẽl adawdanən addəv kasliya, kəkigən məslahan moggoni; kəvəl səngən məppesen nan ka miŋginit dəffokgən moggon aka Yawe.

Məsdəlveŋge 8:21

Moyis askoɓək zəga naddəvən gəm tetewirge aret iŋkile, azlak slu na ndargayã van dəwənnan aka matuya; ndəni əvəl nawzla kurmbuɗuk dəffeten səngən makrani, nan way məhhətən sən Yawe yi, va Yawe aɗi wən nan sən Moyis.

Məsdəlveŋge 8:28

Moyis amsakək ətefit səveti, azlak aka matuya aka əvəl nawzla kurmbuɗuk məs məŋgənən adaffeten makrani vi kawɗiyit aka wəza, ndəni way məhhətən sən Yawe.

Məsdəlveŋge 9:14

askoɓik herɗe dit tetewirgeɗi yas azle aka təki nawzaɓ Maŋgəlva sap də əvəl nawzla kurmbuɗuku.

Zakarya 13:7

Masalam, afɗah aka məzutaɗa nawa, aka həlfu na gogo, vaski Yawe Məzuɓappak aɗiymani. Abay məzutaɗa, timeŋgiɗ dətərayaŋgəni, wanəmndagan vaw kawbey kirit timeŋgiɗi.

Əŋɗa 15:3

an kawvəlaŋ sənən Yawe də zəga nawzəm an məzlan dəzle va əvəl nawzla kurmbuɗuku awaniɓa əzaɓ-Maŋgəlva naknahan əswaya, awaniɓa əvəl an dəsil sə makra ɗəfa may ammbet wəzləreɗi, ammba əzaɓ-Maŋgəlva vaska, vi məŋgənən dəffetengən makra Yawe na, kəweleŋgən zəga mamayã metiŋgini awaniɓa muzliya.

Əŋɗa 28:11

Ətəŋ na təla ama gərəm pak na, kədaŋgən əvəl nawzla kurmbuɗuk sən Yawe, dit medgeɗgeɗe sula, ndargayã taka, gəm ndergeyẽɗ na wəzva takataka buhulu, zəgeɗ net dəssoŋ məza heslepe azet ɓa.

Əŋɗa 28:7

Mbazla nawpesl nan ammba wət time mizilin an də mompumo na, litər taka də wəɗak nani. Ndəni mbazla nawpesl tatrãh napsən Yawe a təki nawzaɓ-Maŋgəlva.

Əŋɗa 28:8

Wət time mizilin masulani, kəfotgən də pay piriŋpiriŋgi kapsən sap də əvəl an də zəga na mabardaw də mompumo, mbazla nawpesl nan ammbani, kəɗɗaŋgən anan ka way məhhətən məs məŋgənən nek naffeten makra Yawe.

2Korintus 2:15

Vi mənamtə tursan moggon na Kristu sən Maŋgəlva a walaŋgit ɗiy en dədawkõhoŋgu gəm a walaŋgit en dədawzaŋgə.

Efesus 5:2

Mədaw addəv əŋgla va Kristu aŋglumə appan ki zən sən Maŋgəlva ammbam ka əvəla gəm ka zəga mətaw wəlani, va tursan məs məŋgənən neki.

Əmsak aka Mahenziŋ 12:27

Sluwa gəm mbel kədawzla aka təki na matuya na Yawe Maŋgəlva nok ka əvəl nawzla kurmbuɗuku; mbel na zəga məzaɓ-Maŋgəlva, kəggbo'gin aka təki na matuya na Yawe Maŋgəlva noko, slu na kəzəmgəni.

Filipi 4:18

In tat də an wərayu asan azan pakə, addəv əba nani, tay məs dəkkpap su səza Epafroditus aki su an səvokum ɓa, tay va əvəl məs də məŋgənən neki. Əzaɓ-Maŋgəlva məs Maŋgəlva atafi, neki azani.