Məsdəlveŋge 1:3 - Bible en Guidar

³ An əvəl nan van əvəl nawzla kurmbuɗuk məgəmən səret wasliɗe yi na, dəsan mizilin məza heslepe azan ɓa; dəkiyəngən a maddamba na gizlirke nalma də Maŋgəlva, vi Yawe dətafgəni.

Məsdəlveŋge 1:3 Iomraidhean Croise

Va'Atəŋ 22:13

Abraham le'gən haran na, awla ndargayã yaŋ mərman aza mohon addəvit gaslambeɗi. Abraham tek kãw ərma ndargayã, aɗɗa əvəl nawzla kurmbuɗuk dəndən a gəla wətəni.

Va'Atəŋ 22:2

Yaŋ Amna: «Agəm Isak, wutuk karmalay məs kəŋgələŋka. Dok aka dələv na Moriya, ataw su wəlan adak ka əvəl nawzla kurmbuɗuk aka taka net mossorgoɗe gugriɗe an nədawna suko.»

Va'Atəŋ 22:8

Yaŋ Abraham amna: «Maŋgəlva sən kiyən wapsəm wət time naɗɗa əvəl nawzla kurmbuɗukuŋka wətuwa.» Addoŋguk sulegit matakə.

Va'Atəŋ 8:20

Nuwe arkək təki nawzaɓ-Maŋgəlva naɗɗa əvəl nawzla kurmbuɗuk sən Yawe. Agəmək sə weleŋgit zəgeɗ memeyẽɗ en nawzəm pakə, səret biŋgeɗ en nawzəma, aɗɗak əvəl nawzla kurmbuɗuk aka təki nawzaɓ-Maŋgəlva naka.

2Alabaraɗe Də Mabərkiziti 29:32

Əŋɗa net zəgeɗ en naɗɗa əvəl nawzla kurmbuɗuk məs ɗiy akiyaŋ agəɗək medgeɗgeɗe kaklaw buhul, ndergeyẽɗ səkatə, ndergeyẽɗ memeɗeŋɗe səkat sula, pakis naɗɗa əvəl nawzla kurmbuɗuk sən Yawe.

2Alabaraɗe Də Mabərkiziti 35:12

Zəgeɗ memeyẽɗ en nawda əvəl nawzla kurmbuɗuk na, yaŋ aɗinin temme, kawɗekit sit ɗiy aza məlma na ziti, vi dipsiningin sən Yawe va məverin addəv ɗerewel na Moyis; vas aɗɗaŋ dit wasliɗe'e.

Gəlyaɗe 110:3

Na mekret ɗiy noki yi gala gbogboŋ nok adarba də gagdak salala, gewleɗ azzoŋ azok va minɗe məs dəziyaŋ də bapummo.

Gəlyaɗe 40:8

Yaŋ nəmna: «Yaŋ na, nədek də ɗerewel məktəmən məverən aka wən nawa.»

Əgilye 12:5

Wət time məs kədawgəmaŋ dəsan mizilin na wəzva taka məza heslepe azan ɓa səret gilewi.

Əgilye 24:5

Sissiŋ aslin gewleɗ na Israyel; akiyaŋgək əvəl nawzla kurmbuɗuku, gəm azaɓaŋgək-Maŋgəlva dit medgeɗgeɗe sən Yawe va əzaɓ-Maŋgəlva nawslere.

Əgilye 29:18

Kəzlagən ndargayã van dəwənnan aka təki nawzaɓ Maŋgəlva. Ndəni əvəl nawzla kurmbuɗuk sən Yawe, məŋgənən dəffeten səngən makrani, nan way məhhətən sən Yawe yi.

Əgilye 29:4

Kəkagən Aron dit kirtin a maddamba na gizlirke nalma də Maŋgəlva, dəslslayaŋgən aret iŋkile.

Əgilye 29:42

As əvəl nawzla kurmbuɗuk aza pay nan faɗi kədaɗɗanən aza sayit ɗiyit nokum a ma gizlirke nalma də Maŋgəlva aba Yawe, adaki nədawləm sukum, adak nədawpel suko.

Əgilye 32:6

Mazayin nan asilyoŋ dafsən azaɓən-Maŋgəlva də əvəl nawzla kurmbuɗuku, akiynənək azaɓənək-Maŋgəlva vi nawrəh zazaya, ɗiy assoŋguk kawzəm gəm kawsa, le'en kasmayã.

Əgilye 35:21

Məzuvəl pak adeke, məs də əmpəs nawvəl pak akiyək əvəl sən Yawe ammba wəza na gizlirke nalma də Maŋgəlva, gəm kaɗɗa wəza nan maɓɓan pakə, Gəm viyit lukutɗe salala.

Əgilye 35:29

Ɗəf mizilin dət guluk pak məs makran asili, akiyaŋgək zəga na wəza məs Yawe aɗi wən nan naɗɗa pak də ma Moyis, mə Israyelɗe akininik əvəl də mekret papar sən Yawe.

Əgilye 35:5

«Məgəɗ əbbah sən Yawe a walaŋkum; əbbah an məzuvəl makra papar adawki sən Yawe na: meleŋge, təbəz babara, təbəz pepreŋge,

Əgilye 36:3

Agəmənək əvəl mə Israyelɗe akiyaŋ naɗɗa wəza naddəv gəla na Maŋgəlva nak pak səba Moyis, va təki addaŋ pakə, tahəŋ əkiyaŋ sənən əvəl də mekret taka əmpa.

Əgilye 38:1

Yaŋ azaɓ təki nawzaɓ-Maŋgəlva naɗɗa əvəl nawzla kurmbuɗuk na wəlaŋga na duvurnohõ, zezek nan tay metər sula də mani, slosloprok nan tay metər sula də mani, asanək təkzlumən poɗo dakadaka, əɓay nan a disiŋ tay metər taka də mani.

Isaya 1:11

Mi nədaɗɗa də Maŋgəlva nokum kədawzaɓaŋ diyɗaŋ di? Yawe amna. Nəbək də əda əvəl nawzla kurmbuɗuk net timeŋgiɗi gəm səlhã net zəgeɗ memeyẽɗ mikirti. Mbel net medgeɗgeɗe, net timeŋgiɗi gəm net murgoŋɗe tay nek azaw ɓa.

Ezekiyel 20:40

Vi aka mossorgo metiŋ salala nawi yi, aka mossorgo metiŋ məɓayən na Israyel, Yawe Maŋgəlva aɗiyman na adaki kədaɗɗaŋ suwən wəza, mənokum ɗiy na Israyel pakə, məɗiwən nan aka dələv gboŋgu; adak nədakkalan an kəgəmaŋ na əvəl dəndən gəm əvəl an moggon nokum, dit zəgeɗ nokum salala pakə.

Ezekiyel 40:39

Ama maddamba na zilleru, tabəlɗe tahəŋ adak sula dahã, sula dahã, aket adawtawaŋ wəla zəga mamayãn na əvəl nawzla kurmbuɗuk gəm an navviyon mambray də an nawzaɓan wəna.

Məsdəlveŋge 1:10

An əvəl nan van zəga na əvəl nawzla kurmbuɗuk məgəmən səret gilew dit timeŋgiɗi yi, time awaniɓa hãw məzilin məza heslepe azan ɓa adawkiya;

Məsdəlveŋge 14:10

Pay madodopoɗoni, dəgəmgən kirtit timeŋgiɗ ndargeyẽɗ sula məza heslepe azet ɓa gəm zagarak na əzva taka məza heslepe ɓa, gəpa kukuɗ kilo hoku, məvorən də mẽl kaɗɗa əvəla, gəm mẽl wəɗak na gufo.

Məsdəlveŋge 16:7

Dəgimgin porsokɗe sula neki, dəziwgitigin aba Yawe ama gizlirke nalma də Maŋgəlva.

Məsdəlveŋge 17:4

məza əkan a ma gizlirke nalma də Maŋgəlva kawvəl sən Yawe aba təki nawzaɓ-Maŋgəlva məs Yawe asan ɓa, agəɗək mambraya vi aggbo'ik mbel məza aka təlni ɓa, ɗəf nani kawgilgini səwaleŋgit Israyelɗe.

Məsdəlveŋge 17:8

Kənah sitgin əmpa na: Ɗəfa, ɗəf səmmbet Israyelɗe awaniɓa səmmbet molhõyẽɗ dəsan awalaŋkumu, məs dəzaɓ-Maŋgəlva də əvəl nawzla kurmbuɗuku awaniɓa əzaɓ-Maŋgəlva

Məsdəlveŋge 17:9

məza əkan a ma gizlirke nalma də Maŋgəlva vi dəsangən ka əzaɓ-Maŋgəlva sən Yawe ɓa, ɗəf nani kawgilgini səweleŋgit ɗiy nani.

Məsdəlveŋge 23:12

Pay kədapsənən maŋgav van na, kəɗɗaŋgən əvəl nawzla kurmbuɗuk dət ndargayãk na wəzva taka məza heslepe azat ɓa sən Yawe,

Məsdəlveŋge 23:18

Mbəksa peŋ na, kəpsənəngən ndergeyẽɗ na wəzva taka taka buhul məza heslepe azet ɓa, medgeɗge taka, gəm ndergeyẽɗ sula, kətawningən wəlet ka əvəl nawzla kurmbuɗuk sən Yawe; də əvəl na zəga na mabardaw neti gəm mbazla nawpesl neti, way məhhətni, tursan naffeten makra Yawe yi.

Məsdəlveŋge 3:1

«An əzaɓ-Maŋgəlva nawsler ɗəf van akiyə: An zəga mamayã mizilin awaniɓa muguluŋguni aki nawtaw wəlan aba Yawe, dəsan məza heslepe azan ɓa.

Məsdəlveŋge 4:15

Ɗiy gugriɗ na əsap net ɗiy dəɗiyəngən vet aka ki medgeɗge, kawtaw wəlan aba Yawe.

Məsdəlveŋge 4:23

an mənah səni mambray an agəɗə, dəkigən porsok məza də heslepe azan ɓa vi matuya.

Məsdəlveŋge 4:3

An məsdələv mesiya na Maŋgəlva yi dəgəɗ mambraya yaŋ an agəɗ van areygit ɗiyi, dəkigən medgeɗge məza heslepe azan ɓa sən Yawe vi mambray an agəɗə.

Məsdəlveŋge 4:32

An time aki ka matuya na mambraya, dəkigən time muguluŋgən məza heslepe ɓa.

Məsdəlveŋge 5:15

An ɗəf azlzlaɓək dəpsən an dəslə napsən Yawe ɓa, agəɗək mambraya, dəkigən sən Yawe, səret gilew dit timeŋgiɗi, ndargayã məza heslepe tay azan ɓa əlbəh nan dəsangən mətawən də koɓo addəv gəla na Maŋgəlva ka əzaɓ-Maŋgəlva nawzaɓan wən nani.

Məsdəlveŋge 5:18

dəkigən ndargayã məza heslepe azan ɓa səret gilew dit timeŋgiɗi, nawki dala va mətawən ammba əzaɓ-Maŋgəlva nawzaɓan mambraya sən məsdəlva. An məsdələv aɗɗak mahenziŋ navvuyon mambray məs məɗɗan wa'i ɓa akani, mambray nan wavvuyu.

Məsdəlveŋge 6:2

«Aɗi wən nan sən Aron dit kirtin na: Vaŋ kədaɗɗaŋ əvəl nawzla kurmbuɗuku: əvəl nawzla kurmbuɗuk van dəzləgən aka slayoffo na təki nawzaɓ Maŋgəlva, dəvoŋgən kim hã təki dadaŋgə, offo na təki nawzaɓ Maŋgəlva dəsangən gidigidi.

Məsdəlveŋge 6:8

Məsdələv dəndəgən, gəpa van zloŋ taka na əvəla, mẽlẽ, gəm zəga məffok nek məs dəsan aka əvəl pakə, ya kawzlan aka təki nawzaɓ Maŋgəlva: tursan məzəffok moggoni, zəga na əɗɗumon sən Yawe.

Məsdəlveŋge 7:16

«An ammba an aynə naɗɗa yi awaniɓa əvəl də makra yi, əzaɓ-Maŋgəlva na əvəl nan dəpas dəpas adawzəmən; vit pumo nani, kawzəmni an dəpələ;

Məsdəlveŋge 8:18

Səɓɓani, akiyək Ndargayã naɗɗa əvəl nawzla kurmbuɗuku; Aron dit kirtin aɗiyənək vet aka ki ndargayã naka;

Məsdəlveŋge 8:21

Moyis askoɓək zəga naddəvən gəm tetewirge aret iŋkile, azlak slu na ndargayã van dəwənnan aka matuya; ndəni əvəl nawzla kurmbuɗuk dəffeten səngən makrani, nan way məhhətən sən Yawe yi, va Yawe aɗi wən nan sən Moyis.

Məsdəlveŋge 9:2

Anah sənək Aron na: Akay wət wasliya vi matuya na mambraya gəm ndargayã ka matuya nawzla kurmbuɗuku, sulegit pak məza heslepe azet ɓa, ya kəkigin aba Yawe.

Zakarya 13:7

Masalam, afɗah aka məzutaɗa nawa, aka həlfu na gogo, vaski Yawe Məzuɓappak aɗiymani. Abay məzutaɗa, timeŋgiɗ dətərayaŋgəni, wanəmndagan vaw kawbey kirit timeŋgiɗi.

Malakiya 1:14

Əray dəsan aka ɗəf məgəɗ vurum, dəsan də zəga mizilin a gazlan nani, ndən iynama gəm əzaɓ-Maŋgəlva sən Yawe də zəga mamayã məs heslepe! Ya məlĩ matəŋgu nani, iya naw tay əki əgeslne' a weleŋgit ɗiy-ɗarə, Yawe Məzuɓappak anahə.

Əŋɗa 15:3

an kawvəlaŋ sənən Yawe də zəga nawzəm an məzlan dəzle va əvəl nawzla kurmbuɗuku awaniɓa əzaɓ-Maŋgəlva naknahan əswaya, awaniɓa əvəl an dəsil sə makra ɗəfa may ammbet wəzləreɗi, ammba əzaɓ-Maŋgəlva vaska, vi məŋgənən dəffetengən makra Yawe na, kəweleŋgən zəga mamayã metiŋgini awaniɓa muzliya.

Əŋɗa 15:8

An kapsən medgeɗge sən Yawe ammba əvəl nawzla kurmbuɗuku awaniɓa ammba əzaɓ-Maŋgəlva vi kaknahan wən miynani, awaniɓa ka əzaɓ-Maŋgəlva nawrah zazay na,

Əŋɗa 19:2

Əɗɗa na mahenziŋ yaŋka, va Yawe aɗi wən nani: Anah sit mə Israyelɗe dəkiyaŋ sukun wasli muguluŋgun pepreŋge məza heslepe azan ɓa, məs məklaki ɗah zuk ama wəlan ɓa.

Əŋɗa 23:19

Maŋgəlva ɗəfi ka ndən kawa wən ɓa, wətən Adam ka ndən kakkpaŋgan man ɓa, waynə wən məza əziw akan ɓa sa? Wapel məza kaɗɗan ɓa sa?

Əŋɗa 23:27

Balak aɓsən Balam na: «Kamə ade! Nəkuk a təki mbərni; kuzuŋ sədak na Maŋgəlva wataf kəraygit sugini.»

Əŋɗa 23:3

Balam aɓsən Balak na: «Aziw a maŋgava əvəl nawzla kurmbuɗuk noko, naw wanəzar faraɗa. Kuzuŋ Yawe wade ələm suwa; əpel an adaprəman suwa, va asan pak wanəman suko.» Ndən mbat akat mossorguk məkkãhta.

Əŋɗa 23:30

Balak aɗɗak va Balam anahə; aka matuya takataka pakə, azaɓ-Maŋgəlva də medgeɗge taka gəm ndargayã taka.

Əŋɗa 28:11

Ətəŋ na təla ama gərəm pak na, kədaŋgən əvəl nawzla kurmbuɗuk sən Yawe, dit medgeɗgeɗe sula, ndargayã taka, gəm ndergeyẽɗ na wəzva takataka buhulu, zəgeɗ net dəssoŋ məza heslepe azet ɓa.

Əŋɗa 28:19

Kəpsənəngən way nawzəm an məzlan kurmbuɗuk sən Yawe: medgeɗgeɗe sula, ndargayã taka, ndergeyẽɗ na wəzva takataka buhul, kərmaŋgən zəgeɗ məza heslepe azet ɓa;

Əŋɗa 28:31

Sap aza əvəl nawzla kurmbuɗuk məs naɗɗa ɗayɗay də əvəl də zəga na mabardaw ammban naka. Kəzaɓəŋgən-Maŋgəlva dit zəgeɗ memeyẽɗ məza heslepe azet ɓa də mbazla nawpesl ammbani.»

Əŋɗa 29:13

Kəpsənəngən əvəl nawzla kurmbuɗuk ka way məs məŋgənən nek sən Yawe: dit medgeɗgeɗe kəlaw kiyit hoku, ndergeyẽɗ sula, ndergeyẽɗ na wəzva takataka kəlaw kiyit poɗo, dəssoŋgən məza heslepe azet ɓa.

Əŋɗa 29:2

Kədaŋgən əvəl nawzla kurmbuɗuk məs əŋgənən nek aka Yawe də medgeɗge taka, ndargayã taka, gəm ndergeyẽɗ məs wəzva takataka buhul məza heslepe azet ɓa.

Luka 1:35

Maslay azlani, aɓsət na: Zeŋgile Salala wade akoko, əɓap na Məsəɗəɗə wade əsərətuk də zeŋgile nani. Vi vaski wiyən məs kədawa wasan Salala, kawyani na Wətən Maŋgəlva.

Yohanna 1:36

Yaŋ awla Yesu dawtoŋgo, amna: Ndargayãk na Maŋgəlva yakəŋkə.

Yohanna 10:7

Yesu anah sit əmpa na: Gesiŋ gesiŋ nədawnah sukum: Intə maddamba na gazlaŋ net timeŋgiɗi.

Yohanna 10:9

Naw, intə maddamba, an ɗəf atoŋguk dəkawa, wakõhu. Watoŋgu, wagili gəm warah ətaɗa.

2Korintus 8:12

Vi an əsok zə ɗəf tay, wataf də ula an navamə məza ula an tay avam ɓa ɓa.

2Korintus 9:7

Naway pak dəɗi va aynan a makrani, məza də əɓuh mani awaniɓa na gagay ɓa. Vi Maŋgəlva ɗəf an məzəpsən də ənnek adaŋgla.

Efesus 2:18

Vi mbəlembəle nani, mənam sulegəm pak addəv Əmpəs taka mərah ətoŋ aza Afəni.

Efesus 5:27

Vi əsap net ɗiy na Maŋgəlva dərbəgən ama haran moggoni, məza də tellef azan ɓa, awaniɓa zən nosnos ɓa, awaniɓa məza heslepe ɓa, vi dəsangən salala, gəm məza nawpel akan ɓa.

Əmsak aka Mahenziŋ 12:27

Sluwa gəm mbel kədawzla aka təki na matuya na Yawe Maŋgəlva nok ka əvəl nawzla kurmbuɗuku; mbel na zəga məzaɓ-Maŋgəlva, kəggbo'gin aka təki na matuya na Yawe Maŋgəlva noko, slu na kəzəmgəni.

Əmsak aka Mahenziŋ 15:21

An heslepe tay azani, an vədali, daŋgari, an heslepe zev mawani di pak tay azani kədawzaɓ-Maŋgəlva sən Yawe Maŋgəlva nok dəndən ɓa.

Əmsak aka Mahenziŋ 17:1

Kədawzaɓ-Maŋgəlva sən Yawe Maŋgəlva nok də wasli may time məs heslepe azan ɓa, vi zəga daryawi aza Yawe Maŋgəlva noko.

Ibriɗe 7:26

Zev Daya net məsdəlveŋge aski dəslə səmə; salala, məza heslepe ɓa, məza haramba ɓa, awɗakək dit məs mambrayɗe, məslani a disiŋ ki disiŋ.

Ibriɗe 9:14

an vaski na mbel na Kristu dədawtəraŋ wəray day pakə. Də Əmpəs nassa hã faɗi apsən zeŋgilen sən Maŋgəlva va zəga mamayã məza heslepe azan ɓa nawzaɓ-Maŋgəlva abbur əɗɗum na makram səzet wəzeɗe mimtit vi məgəɗ səngən wəza sən Maŋgəlva madarani.