Məsdəlveŋge 1:11 - Bible en Guidar

¹¹ Dətawgən wəlan də disiŋ ki təki nawzaɓ-Maŋgəlva, aba Yawe; asna məsdəlveŋge, kirtin Aron, dəksoningin mbel na zəga van ki təki nawzaɓ-Maŋgəlva tərwəslə;

Məsdəlveŋge 1:11 Iomraidhean Croise

Əgilye 24:6

Moyis agəmək wəɗak net mbeli, azi addəvit hiliŋgiɗ nawsa zəga; madembirgit mbel na, aksu' sənək matuya.

Əgilye 40:22

Yaŋ aɗi tabəl addəv gizlirke nalma də Maŋgəlva aka təkzlum təki nassa kəla disiŋ, dəppaka na məzlzlara.

Ezekiyel 43:18

Ɗəf nak aɓsu na: «Wətən ɗəfa, an Daya Yawe anah yaŋka: aŋki mahenziŋ an dəwəl sən təki nawzaɓ-Maŋgəlva pay adarka, kawpeŋgən zəga na əvəl nawzla kurmbuɗuk gəm kawzi mbel akani.

Ezekiyel 8:5

Yaŋ aɓsu na: «Wətən ɗəfa, əŋga aslan horok dəka tive də tapaslay pay kəla disiŋ,» in le'gən haraw dəka tive də tapaslay pay də disiŋ naka, zəgakamaŋgəlva na kotorok yaŋ də tapaslay pay də disiŋ na maddamba nadda a təki nawzaɓ-Maŋgəlva.

Məsdəlveŋge 1:5

Dətawgən wəla wasli van aba Yawe; as kan na məsdəlveŋge, kirtin Aron dəgimingin mbel veti, dəksoningin mbel vet sulək ki təki nawzaɓ-Maŋgəlva məs dəsan a maddamba na gizlirke nalma də Maŋgəlva.

Məsdəlveŋge 14:13

Dətawgən wəlat ndargayãk van a təki adatawaŋ wəla zəga na matuya vi mambraya gəm matuya nawzla kurmbuɗuku, a matuya; arbək na matuya nawzaɓan mambray tay va matuya vi mambraya: kana məsdələv adawsani; zəga an salala yi.

Məsdəlveŋge 4:29

dəɗigən van aka ki hãw nawtaw wəlan vi mambraya, dətawgən wəla zəga van a təki adatawaŋ wəla zəga naɗɗa əvəl nawzla kurmbuɗuku.

Məsdəlveŋge 7:2

Wəla zəga na matuya nawfaɗ aka mambray na, a təki məs adawtawən wəla zəga naɗɗa əvəl nawzla kurmbuɗuk adawtawəni, asna məsdələv dəkso'gən mbel nan ki matuya tərwəslə;

Məsdəlveŋge 8:19

Moyis atawək wəlani, aksu'ik mbel nan ki matuya tərwəslə;