Filipi 4:3 - Bible en Guidar

³ Is məgəɗ wəza gesiŋgesiŋ də inkəŋkə, in tat əkkamoko, abbah siti, vi agayaŋgək ərban Alabara Nenek də ina, vaska' Kəlemaŋ dit ɗiy dambərgit məɗɗaŋ wəza də ina, iya net tay məverin addəv ɗerewel na zeŋgile.

Nouveau Testament en Guidar

³ Ya nok bo is məzəɗɗa wəza də inkəŋkə, əntatə kamoko: Abaahsit gil məzəɗɗaŋ wəza na Wən Nenek də inəŋki gəm Kelemaŋ dit ɗii dambərgit məɗɗaŋ wəza də ina, iya net tayadəv ɗerewel na zeŋgille.

Bible en Guidar

³ Is məgəɗ wəza gesiŋgesiŋ də inkəŋkə, in tat əkkamoko, abbah siti, vi agayaŋgək ərban Alabara Nenek də ina, vaska' Kəlemaŋ dit ɗiy dambərgit məɗɗaŋ wəza də ina, iya net tay məverin addəv ɗerewel na zeŋgile.

Filipi 4:3 Iomraidhean Croise

Gəlyaɗe 69:28

Aŋɗan sit heslepe aka heslepe; adawrahaŋ əvvuy mambray net ɓa.

Əgilye 32:32

Ya kakaŋ na, agəm mambray neti, an vaski ɓa na kamə avvuyow səddəv ɗerewel nok an kəveri.

Isaya 4:3

Asna, kawyani ɗəf an dəpəl a Yerusalem də ɗəf an dəpəl a Siyon na ɗiy salala, vaska'e ɗiy en məverit sə Yerusaləm vi dəssoŋgən medereti.

Ezekiyel 13:9

Vaw wasan aket məskəleŋɗe məwaŋ wəna gəm aket məskaŋ helik nawaŋ wəna; assoŋ na addəv əsler net ɗiy naw ɓa; kawverti aret ɗiy na Israyel ɓa; amilyoŋ na aka dələv na Israyel ɓa; wakəsənnən na, intə Daya Yawe.

Daniyel 12:1

Pay nani, Mikayel daya net maslayɗe, məga net ɗiy nok warban zəni. Pay nan wasan na tatwãh metiŋgini, zeŋvin dəgəɗ ɗah ɓa təŋ səza ɗiy assoŋgu aka dəlvafuŋ hã gap pay dəpaŋka. Dəpas na, ɗiy nok məs iya net məverin addəv ɗerewel wakõhoŋgu.

Luka 10:20

Kədannekenən zukum vi əmpəsɗe mbəreyit aɓe'eŋ sukumən dərəŋ ɓa, mənneken zukum vi iya nokum məverni a disiŋ.

Roma 12:1

In tat əɓɓəlokum kana milmiŋgiɗwa, də ulasahã na Maŋgəlva kərahaŋgəŋ na, məpsən zukum ka əzaɓ-Maŋgəlva madarani, salala, məs dəslə sən Maŋgəlva. Aski əpəl nokum dəslə na əpalən.

Roma 16:12

Məsɗat Trufayna dət Trufosan, məs dəsokən zit diyɗa addəv wəza na Daya. Məsɗat Persida, məlməm məs məŋgələ, təsoku zət diyɗa addəv wəza na Daya.

Roma 16:9

Məsɗan Urbanus, məgəɗ wəza na Kristu də mənamə, gəm Stakus baynaw na makrawa.

Filipi 1:12

Milmiŋgiɗwa, nəŋgəl na kəsənəngəni, an dərəhu na, abbahək addəv əɓaygən Alabara Neneki.

Filipi 1:16

Ɗiy neti tahəŋ əɗɗanən də əŋgla, asənənək nəsaw aŋ na vi kawgay ammba Alabara Neneki.

Filipi 1:27

Ənziya nokum dəslə də Alabara Nenek na Kristu kaka'ə, vi an nədek ulukum, kəta in tat ɓa zlaŋ na, nəprəmgən alabara nokum na, munokum tat təstəsə, maɗɗulokum taka, megenegenekum taka, mənokum tat əgayaŋ sap də ətaf dəziw aka Alabara Neneke.

Filipi 1:5

vi əsap nokum addəv ərban Alabara Neneke, təŋ səza pay maddaabəŋ hã kakaŋka.

Filipi 1:7

Aslək azaw nəɗɗumgən akokum pak vaska. Nəɗikumuk a makraw munokum pakə, addivit ngiyamɗe nawa, addəv əsok zu narban Alabara Nenek dəsangən ɓəlɓələ, kərəhaŋgək mbəlembəle məs Maŋgəlva avayə.

Filipi 4:2

Ewodiya dət Siŋtike in tat əkkamokum, məssoŋ əɗɗum taka addəv Daya.

Kolosi 1:7

Va kəprəmnən səma Epafras baynam na makram məgəɗ wəza də mənamə, məgəɗ wəza na Kristu dəsənmokumi.

Hənhən 13:8

Ɗiy naka dəlvafuŋ pak wagagdakanəni, anet ɗiy en iya net tay məverin addəv ɗerewel na zeŋgile nat ndargayãk mətaw wəlat də ətəŋ na gabba dəlvafuŋ ɓa.

Hənhən 17:8

Zəga mamayã məs kədawlaŋka, tay lahəŋka, ya kakaŋ na tay ɓa. Wagil sə delŋgeɗeki kaddan əza. Ɗiy naka dəlvafuŋ məs iya net tay məverin addəv ɗerewel na zeŋgile təŋ əɗi na gabba dələv ɓa, waggətaŋgə an awlanənək zəga mamayã naka, vi tay lahəŋka ya tay kakaŋ ɓa, ya wamil əmpa'a.

Hənhən 20:12

Yaŋ Nule ɗiy mimtit pakə, ɗiy gugriɗ dit muzliyeɗ pakə, tahəŋ ziwziw aba mazaŋga na məlyã. Məkolti ɗerewelɗe, yaŋ məkol ɗerewel maɓɓani, ndəni ɗerewel na zeŋgile. Ɗiy mimtit pak mətawi wən aket va aza wəza net aɗɗaŋ məverin addəvit ɗerewelɗe.

Hənhən 20:15

Ɗəf awandi məs iya nan tay meverin addəv ɗerewel na zeŋgile ɓa pak, kazgani addəv vov na offo.

Hənhən 21:27

Ya zəga an na mahenziŋ atoŋ na a walaŋgəla nan ɓa, ɗəf məzəppan kizən vi zəga mambray pak də məwə tepelke pak atoŋ na adak ɓa. Ɗiy məs nawtoŋgoŋ adak na, abbər ɗiy məs məver iya net addəv ɗerewel na zeŋgile nava ndargayã nak dədawtoŋgoŋ a walaŋgəla nani.

Hənhən 3:5

Məskəwəla wagul lukutɗe baberɗe vaska; nəvvuyon na iya nan səddəv ɗerewel na zeŋgile ɓa. Ya wanənah aba Afu gəm abet maslayɗe nan na, ɗəf nawi.