Daniyel 9:3 - Bible en Guidar

³ Yas nəzi haraw sek aka Daya Maŋgəlva, nəkkamani də əɗɗa meme gəm də əgul lukut na sakə.

Daniyel 9:3 Iomraidhean Croise

2Samiyel 12:16

Davit akayək əbbah aza Maŋgəlva ammba muzliya naka, agəɗək meme, aza dəfəɗ pak an alək eŋgil ananda, ndən əvoŋ ɗuffo.

Ezra 10:6

Ezra asilik sə təki asan, səba Gəla na Maŋgəlva; ambat də giziŋ ana Yohanan da, wətən Eliyasib da; agap adaka, dəzəm way ɓa, dəsə iŋkile ɓa, vi tay əɗəka aka wən na əku net ɗiy məket aka balamiŋki.

Ezra 8:21

Ama məlpa na Ahawa na, nəpelik wən naɗɗa meme kawvoŋgən kiyəm aba Maŋgəlva namə, vi dəkol səmgən tive nawmbat məza zluŋgbu' zluŋgbu' ɓa, mənam dit kirtəmə, gəm zəgeɗ namə.

Ezra 9:5

Pay nawzaɓ-Maŋgəlva na moskoy naka, nəgilik səddivit wil nawa, də lukut muzliya də metiŋ məŋgerit pak, in guduk, nətələk vaw kəlaza Yawe Maŋgəlva nawa

Nehemi 9:1

Də əvoŋ makaklaw sula kiyən poɗon na təla vanəska, mə Israyelɗe akkalaŋka də əɗɗa meme də lukutɗe na sak azeti gəm burɗuk kpu'kpu' aka kiti.

Ester 4:16

«Dok akkelet mə Yudeɗ dəssoŋ a Susan baymeti, məgəɗ' meme viwa, əvoŋ hoku də əsɓəta hoku kədawsaŋ ɓa, kədawzəmaŋ ɓa. In dit belemɗe naw pak vas nədaɗɗa. Asna, wandaw aza məlyã də asan əzlah ki mahenziŋ zlaŋ; an wanəzə nəzə!»

Ɗerewel na Yob 42:6

Vi vaski nəzganək an nəpeli, nəɗiyək marava ndəni nədaputkul aka burɗuk gəm aka moŋglo.

Gəlyaɗe 35:13

Ya nawa, gala assoŋ gbəgba'a, lukut na sak nədawgulo nəvoŋgənək kiyu əɗɗa meme, əkkam məza arsla ɓa!

Isaya 22:12

Pay dəpaska, Daya, Maŋgəlva Məzuɓappak wayukum kəhəmaŋgəni kəskaŋgən morkoyo, kəfaɗəngən kiykum gəm kəguloŋgən lukut na gəlabaya.

Yeremiya 33:3

Ayuwa, wanəzlan suko, wanərbet suk zəgeɗ gugriɗe, zəgeɗ en məɗemit məs kisin ɓa.

Ezekiyel 36:37

Vaŋ Daya Yawe anahə: An nədaɗɗa yaŋ əmpa: wanəppan zu mə Israyelɗe dəkayawəngən vi kaɗɗa an aŋglaŋgə, wanəwet diyɗa va gilewi.

Daniyel 6:10

Vini kan məlĩ Dariyus aɗi van aka ɗerewel məs məver an mətakən.

Daniyel 9:2

aka əzva nan taka aka məlĩ nani, in Daniyel, nəŋɗanək addəv ɗerewel salala na, Yerusalem wasan va kiməski wəzva kaklaw buhul va Yawe anah sən məskəleŋ Yeremiya.

Daniyel 9:20

Nəzbanək əpel də əkkam gəm ərban mambray naw də an net ɗiy naw mə Israyelɗe, gəm əppu' aba Yawe Maŋgəlva nawa, aka wən na mossorgo salala noko.

Daniyel 9:4

Nəkkamanək Yawe Maŋgəlva nawa. Nənahək na: Kamə Daya Maŋgəlva matuŋguk kənani, nawgeslne' suk kənani. Kakkpaŋgan mok səka wənmiyna nok ɓa, is tat ərban əŋgla nok pay pak viyit ɗiy məzəɗɗaŋ wəŋgla noko gəm məzuɓe'en sənən an kəziwgini.

Yo'el 1:13

Məsdəlveŋge miynan dadokkum, məɓuh mokum, məhəmə mənokum məɗɗaŋ wəza a matuya. Mide məvoŋ dit sakɗe azokum, ɗiy gugriɗ na wəza na Maŋgəlva nawa: vi awkiyaŋ əvəl də mbazla nawpesl addəv Gəla na Maŋgəlva nokum əmpa ɓa.

Yo'el 2:12

Yawe aɗiyman na, təŋ səza kakaŋka, məmndoŋ məde azaw də mokrokum paparə də wəɗɗa meme, də wəhəma, də əɓuh mokum.

Yonas 3:5

Ɗiy na Niniwe atafnənək əpel na Maŋgəlva. Atəlaŋgək ma naɗɗa meme, aguloŋgək lukutɗe na taɓak azeti, ɗiy gugriɗ dit kirin memeɗeŋɗe pakə.

Matiye 17:21

Ya zev tuya nan kawgilgini an də əkkama gəm də əɗɗa meme yi ɓa ɓa.]

Luka 2:37

təsatək də gəlata; təgəɗək əzva kaklaw dodopoɗo kiyən poɗo. Tawzar səddəv gəla na Maŋgəlva ɓa. Ndət əgagdakan Maŋgəlva dəfəɗ də kapaya, də əɗɗa meme gəm əkkama.

Wəza net Masləŋɗe 10:30

Yaŋ Korneliyus azlan na: Pay hoku yaŋ nədakkam anawda, də təbəz hoku na moskoy va kəkaŋkəŋka, yaŋ ləŋ ɗəf də lukut ɗoslɗosl pay ziw abawa.