Daniyel 9:21 - Bible en Guidar

²¹ Aka in tat əkkam tagayɗa, Gabriyel ɗəf nəwəl addəv ula maddaabəŋ nak aveŋgik adek əne'u aka pay naɗɗa əvəl sən Maŋgəlva də moskoyo.

Daniyel 9:21 Iomraidhean Croise

1Milyeŋge 18:29

Adan tataŋ pay atoŋgu, maɗɗulet zlazlaɓ, hã pay nawzaɓ-Maŋgəlva gapə. Dəprəmənən wəla ɗəf ɓa, ɗəf tay dəzlan sit ɓa, zəga tay dərbə ɓa.

1Milyeŋge 18:36

Adan Pay nawvəl agapə, məskəleŋ Eliya azarək go'o, amna: «Yawe Maŋgəlva na Abraham, na Isak gəm na Israyel, aɗɗa, dəsənkungən dəpaŋ na, istə Maŋgəlva a Israyel, gəm intə məgəɗ wəza noko, dəka əpel noki yi, nəɗɗe zəgeɗiŋ pakə.

Gəlyaɗe 103:20

Məsokon Yawe, mənokum maslayɗe nani, gbogboŋɗe muwelit naka wəza nawpel nani, məzəprəmən əpel nani.

Gəlyaɗe 104:4

Səmyã yi ka maslənɗe nani, hərzlum offo, ka məɗɗaŋ wəza nani.

Gəlyaɗe 141:2

Wəkkam naw dəsan abok va tursan, vaw an nəsilgəni, agilik va əvəl na moskoyo.

Əgilye 29:39

Wət time mizilin an taka, kəfotgən pummu, wət time mizilin an masulani, kəfotgən də pay piriŋpiriŋgi.

Isaya 6:2

Kerubaɗe tahəŋ ziwziw akani. Taka pak tay dit persleken sləre sləre: də persleket sula, nawsərət hereti, persleket sula nawɗaman gebbeti, persleke sula mbərit tamə nawveŋge.

Ezekiyel 1:11

Heret də Persleket məpperit kəla disiŋ, awandi pak tay də persleken sula mintepet aza ziti, sula meɓɓet dəsərətnən ziti.

Ezekiyel 1:14

Zəgeɗ mederet nek ənzoŋgu, əzzoŋ sloɗoɗo va əwiɗ na buna.

Ezekiyel 14:14

Kəta ɗiy hokiŋ dayday: May Nuwe, Danel gəm Yob, dəssoŋ aka dələv nan zlaŋ, zeŋgilet adawkõhgənən kaka' ammba təstəs neti, Daya Yawe aɗiymani.

Daniyel 10:10

Yas va ɗəf arəŋguwa, aɗiyu guduk vaw afuŋ gakgak aka in tat korkoru.

Daniyel 10:16

Ndəni an dəgil va wətən ɗəf nak ade arəŋgən mawa. Nəkol maw nətəŋ əpele. Nənah sən ɗəf dəziw abaw nəwəl nak na: Daya nawa geslne arməwək sən ula vani hã zu yuwar yuwarə, gbogboŋ tay azaw ɓa.

Daniyel 10:18

Yas an dəgil va wətən ɗəf addəv ula nak arəŋgu əmpa gəm asɓawa.

Daniyel 8:16

Nəprəmək wəla ɗəf sə məlpa Ulay na, amna: «Gabriyel, aboton sən gabba ula van sən ɗəfəŋka.»

Daniyel 8:18

Gala adawpelsuwa, kiyu azlzlaɓka, nəskotuk də magədəvu afuŋgu. Ndən rəŋguwa, asilgu ziw a gəlawa.

Matiye 27:46

Də ler hoku, Yesu aŋgəslək vaŋvəl dayadaya: Eli, Eli, lema sabaktani? Va wənah na: Maŋgəlva nawa, Maŋgəlva nawa, vimi kəzgaw di?

Luka 1:19

Maslay azlan sənək na: Intə Gabriyel aba Maŋgəlva nədawsawa vi kawgəɗ sən wəza. Məslənu na, vi kawpel suk gəm kawnah suk alabara neneke.

Luka 1:26

Aka təla masləreni, Maŋgəlva aslənək maslay nan Gabriyel a walaŋgəla-metiŋ məs adawyaŋ na Nazaret aka dələv na Galile.

Wəza net Masləŋɗe 10:3

Awlak maslay na Maŋgəlva addəv ula appaka ta' ətoŋ ananda də təbəz hoku na moskoyo, yaŋ aɓsən na: Korneliyus!

Wəza net Masləŋɗe 10:9

Vit pumpum nani, aka assoŋ aka tive adawgapaŋ go'o də walaŋgəla-metiŋ, aza pay ziwi, Piyer peŋ aka təgbalka kakkama.

Wəza net Masləŋɗe 12:7

Yas maslay na Maŋgəlva ade ləŋ, əkeɗeɗe'e awiɗik addəv gəla pakə. Maslay argak Piyer aka tukzlumun, afɗahanək dawnəh na: Asil də kakara! Yas ngiyamɗe abətaŋ səza van ləŋgə.

Wəza net Masləŋɗe 3:1

Pay maɓɓani Piyer də Yohanna tay əpeŋgeŋ addəv Gəla na Maŋgəlva vi kakkam na pay vuroku.

Ibriɗe 1:14

Namna baymet pak əmpəsɗe en məzəɗɗaŋ wəza, məslinit aka wəza ammba moggon net ɗiy en nawrəhaŋ hara əkõh netiŋ ɓa sa?

Ibriɗe 1:7

Aket maslayɗe na, əpel nan yaŋka: Ndən dədakkpaŋget maslayɗe nan səmyã, məɗɗaŋ wəza nani hərzlum offo.

Hənhən 9:17

Vaŋki pilseŋge dit ɗiy məŋkoroŋ pilseŋge arban addəv ula: Tahəŋ dit lukutɗe nawgay azet pepreŋɗe va offo, tirtir va təki a disiŋ gəm va maməlma. Kiyit pilseŋge tay va kiyit ɓooluɗi. Beret tay əpor offo, enene gəm busuku.